شاركي في النقاش

سجلي الدخول لإضافة تعليق.

التعليقات

166
  1. @bnt_alshykh_2

    صاحبة الموضوع
    +!! إنسانه !!+
    يالله من هالأغاني ورانا ورانا في كل مكان .. والله من القهر الواحد ما يعرف شو يقووول .. الله يهدي شبابنا وبناتنا .... يعني في بديل مثل ما ذكرت إحدى الأخوات الا وهي الاناشيد .. مب لازم .. اغاني وصدعة راس .. والله اذكر مرة في عرس بطني ع…
    الله يهدينا ويهدي اهالينا واخوانا المسلمين ... ... الاغاني والطبول والرقيص اللي هناك يخرمن الاذن .. عاد خصة اللي ييلس عند الكوشة ... اذنه تنخرم ويتفتتن المطرقة والسندان اللي فيها ...
    الله يقوينا على قول الحق ياانسانه ... ان شالله مانتعرض للمثل هالشي ... اللهم اجعلنا ممن يسمعون القول فيتبعون احسنه يارب ...
  2. @bnt_alshykh_2

    صاحبة الموضوع
    رياح الغربة
    °ˆ~*¤®§(*§ عناوين الهيئات والجمعيات الخيرية بالامارات §*)§®¤*~ˆ° عناوين الهيئات والجمعيات الخيرية في الإمارات إمارة أبوظبي مؤسسة زايد بن سلطان آل نهيان للأعمال الخيرية والإنسانية أبوظبي ـ دولة الإمارات العربية المتحدة هاتف : 6814700…
    ماتقصرين حبيبتي رياح الغربة .... نقدر نستعين بالجمعيات في هذي الحالة .. وبعد نقدر نحن نشل الصحون والاكل الزايد ونوزعه بحسب معرفتنا ...

    تسلمين والله
  3. @bnt_alshykh_2

    صاحبة الموضوع
    &عيــ عبودي ــون &
    ماشاء الله عليكن خواتي, أنا توني أشوف ملفكن الغاوي,, واتمنى تقبلوني وياكن ولو أني مب من العين, أختي بنت الشيخه خشمج ,,:39: تسلمين على هالكلام الطيب, والله الواحد يضايق من المنتشر هالأيام في الأعراس , وأنا أتكلم عن تجربه حصلت ل…
    عيون عبودي ... خشمج ... وهذي بوسة على خدج ...

    خخخخخخخخخ .. اقولج حتى فكرة العرض على الشاشة .. يعني عرض الرياييل ... والله بصراحة يعني تضحك ... شو يعني الحين الحريم بيختارن من الريياييل عشان بناتهم ... باجر الرياييل بيحتجون بيقولون خلاص بعد نحن سوولنا عرض للحريم عشان نختار ... زد هن يشوفنا ... عاد بتشوفين بتصير برزة وقهوه جدام العرض ... خخخخخخخخخ والله كل شي جايز ...!!

    بعدين الحريم الله يهداهن يبققن عيونهن على الريال .. والله عيب ... يكفي الريال يوم يدخل عشان حرمته ياكلنه بعيونه ... تقول مستلهطات على الرياييل ... اوووووووه ماحب جيه ... يعني انا بصراحة غصب عيني تطيح على الريال ... وانا مابا احط نفسي في هالموقف ...

    عيون عبودي ...
    عاد طويله وتاخذ نعال بو شوجه ...... خخخخخخخخخخخ متعوس على خايب الرجا ...

    صدق تطلع هطله من طولها ... والشكل يلوع بالجبد ... يعني ماعرفت وين تودي فلوسها ولا شو ... ؟؟؟؟ ذكرتيني بربيعتي فديتها .. دايما اقولها انتي طويله .. لازم هالكعوب ... وهيه مصرة عشان تطلع مشيتها مشية غزال اسم الله عليج يالغزال ... !!!!!!!!!!! ماعليه انا احبها ومن غلاها اذمها هنيه!!!


    بانتظار رمسج ياعيون عبودي ... والله تونست وياج ... وسامحينا على التاخير في الرد ... الملف هذا يمشي ببطا والمسوحة منج .. اهم شي لاتنقطعين عنا ..
  4. @bnt_alshykh_2

    صاحبة الموضوع
    &عيــ عبودي ــون &
    خواتي ويييييييينكن؟؟؟!! سبحان الله دوووم حظي جذيه من أشارك في موضوع , خلاص الموضوووع يتقفل على مشاركتي وما حديزيد عليه شئ ,,بس ما عليه متعوده على جيييييييييه!! مشكوره أختي إنسانه,,

    لا لا لا ان شالله ماقفل الموضوع ولانتهى ... تعرفين حتى انا اعاني مثل مشكلتج ... اكتب ردود طويله واجتهد فيهن .. واخر شي محد يقراهن ... وينسا الموضوع .. كم مرة صارلي هالشي ... وايد :(

    بس انتي افا عليج لاتحريمنا منج ... حياج الله اخت عزيزة وغاليه ..

    خشمج ...

تابعي تجارب أخرى من هذا القسم.