شاركي في النقاش

سجلي الدخول لإضافة تعليق.

التعليقات

29
  1. @sndok_bryd

    بقولك شي
    ربي خلقنا واعرف بمشاعرنا و اللي نحن له غصب عننا لانه شعور تلقائي ومخلوق فينا من اصلنا
    ذاك اليوم جالسه اسمع لبرنامج اذاعي يتكلم عن القانون والناس يتصلون عليه
    هو محامي ويعلمهم بالقانون اذا معهم او ضدهم
    المهم تكلم في الموضوع هذا
    شرعا لما تجي الحضانة يقدم اهل الام على اهل الاب في الحضانة
    يعني الام على الاب
    والجدة لأم على الجدة لأب
    والخالة على العمة
    والفهيم بيفهم ليه
    لان غصب الخوال يحنون على عيال البنت اكثر < وهذا جبله جبل الانسان عليها
    والاعمام ايضا يحنون لعيال بنتهم اكثر من عيال اولادهم
    فتلاقين تلاحم الاخوات بين بعض اقوى من تلاحمهم مع الاخوان وحريمهم
    وايضا حريم الاخوان علاقتهم مع اخواتهم اقوى من علاقتهم من اخوانهم او عمات عيالهم
    على كلا خالتك حتى الان ما سوت الا الكلام الحمدلله
    اذا ما جاك منها الا هذا الشي

  2. @lelo_2009

    الطيف الموااادع
    ماشاء الله عليكي جدا صريحه 😀 طيب ليه ايش السبب؟؟!
    عيال خواتي من ينولودون وهم عندنا اخواتي يقضون نفاسهن عندنا كل يومين ثلاث جايينا زياره متعلقين فيهم وهم نفس الشيء كلما ازواجهن سافروا جوا لبيتنا كل طلعه يا ياخذونا وياهم او حنا نمر عليهم وناخذهم غير عن عيال اخواني الي مانشوفهم الا مره كل كم شهر وطبيعي الاطفال مو متعودين علينا وينفرون منا لا جيتي تشيلين احد منهم ضربك بيده ولا بكى تجي امهم تنزلهم عندنا ومثلا تترقد على امها ولا ابوها وتبلشين بطفل خايف يبي امه مو عارفك طول الوقت يبكي وغالبا مريض يا مزكم يا اسهال وتطريش غير عاد علاقتنا المتوتره مع زوجات اخواني عارفه الاطفال مالهم علاقه بمشاكل الكبار لكن ان صار اي خلاف بيننا وبينهم بتقطع عيالها عن زيارتنا و تتحسس من اي تعليق او نصيحه بخصوص صحه اطفالها
    الخاله ام (ماصدقت هالمثل الا بعدما جربت اكون خاله).
  3. @khlstoa_alasamy_1

    انا اللي ألاحظه ان الحرمه تحب عيال بناتها اكثر من عيال اولادها
    عاد ام زوجي ماتداني عيال عيالها من قبل تتزوج بنتها وتخلف
    واقل زوجي شوفها ماعمرها شالت طفل فيهم وهو مولود او باسته
    ولما يكبرون نجي من السفر ماتسلم عليهم واذا هي سافرت عندنا ماتسلم عليهم
    ومره عندهم بديرتنا بس لي بيت لوحدي يعني تجينا مشي قريب
    وبنتي بنفس عمر بنت بنتها وبنتكي تتكلم معها وتناديها وواقفه قدامها بملابس العيد تبي توريها وتنادي وتوقف بوجهها تبيها تنتبه لها غصب
    وماااعطتها وجه حزنت على بنتي
    وشوي وجت بنت بنتها بس طلعت جزء من وجهها مع الباب مستحيه
    وبسرعه لمحتها وصاحت بصوت عالي وانا فدا عن حبيبتي جيتي?!!
    انقهرررت من حركتها طفله لو تفهم من يحبها ومن يكرهها ماوقفت بوجهها توريها ملابس العيد
    وزوجي ابببداً مايعترف يتعذر لها بس
    طيب ازعل عشان بنتك مو عشاني او لاتزعل بس اعترف انها فعلا ماتحبهم مو تتعذر لها
    يكرهون العيال في كره امهم بس سبحان الله مايكرهون عيال البنت مثلا بكره ابوهم لا عيال البنت عيالها اما عيال الولد مدري من فين جابتهم زوجته ماهم عيال ولدهم
  4. @amolaalmary

    مو لازم الوحده تحب عيال بناتها اكثر من عيال عيالها اكيد يحبونهم نفس الشي بس الي عندها على طول اكيد له ميزه انا ام زوجي تميز عيالي عن عيال بناتها وتموت في بنتي اكثر شي عادي وامي تميز عيال اخوي الي معها في البيت اكثر من عيالنا انا واخواني الي مو معاها في البيت لا تدققين اكيد كل وحده تحب احفادها من الصوبين


    استغفر الله العظيم
  5. @nse

    كلهم احبهم بس احن لعيال خواتي اكثر واغلب اللي اعرفهن اكثر واتذكر وحده من عجايزنا تقول يقولون ان ولد البنت اقرب لك ...

    لان ولد البنت تهاوشينه تضربينه وتمسكينه عن امه ....لكن ولد الولد امه تتحسس منك لو خاصمتيه وهي اللي تربي عيالها .......مو ولدك احيانا مافحالك تمسكين عيال ولدك عشانها .. لكن عشان بنتك عادي

تابعي تجارب أخرى من هذا القسم.