شاركي في النقاش

سجلي الدخول لإضافة تعليق.

التعليقات

105
  1. @osyaa_albal_11

    صاحبة الموضوع
    لكل اللي ردوا علي شكرا لكم جميعا


    اكثركم نصحني اني اتكلم عليها واصير بعيونها وانا كنت سابقا شكيت بمشكلتي على موقع اخر قبل سنتين وكل البنات نصحني اتكلم عليها

    ولما صرت اتجاكر معها وعيني بعينها واني قوية مااخاف منها كانت هي اشرس مني واقوى ولا قوة الا بالله

    وكل يوم على هذا الوضع لسان بلسان بس هذا الشي تعب امي وابوي واخواني

    فصرت تركتها خلاص

    لكن لا القوة تنفع معها ولا التنطنيش ينفع معها


    انا اتمنى من كل قلبي من الله شي واحد بس ينقلبوا صديقاتها عليها ويكرهوها زي ماكرهتني ويعاملونها بمثل ماكانت تعاملني بالكيل والمكيال واكثر عشان تحس على سواتها


    والله يصبرني بس

    خواتي تقربت لهم وصرت محبوبة لهن والبى طلباتهم بس وش ينفع وهذي تحرشهم علي لاياخذون شي مني ولا يطيعيوني ويقولونها لي فلانة ماتنلام فيك مانبي لك شي

    احس معجبتهم حركاتها

    على العموم الله يريح قلبي ويعوضني بخوات احسن وايام اجمل
  2. @elham_6

    يا حبيبتي والله
    والله حسيت بالمك ومعاناتك كيف !

    لكن هالنوع من المشاكل ينحل بعد وقت طويل
    اقصد لمن يكبرون خواتك ويصيرون فوق 22 وقتها ممكن تتغير معاملتهم لك

    اما بهالسن والعمر الصغير ومع تاثير اختك عليهم
    فاتصور الوضع بيكون زي ماهو

    والاحسن انك تحاولين توسعين علاقاتك وتكسبين صديقات كثير
    لان صعب تجلسين وحيدة كذا !
  3. @elham_6

    وسيعة البال 11
    لكل اللي ردوا علي شكرا لكم جميعا اكثركم نصحني اني اتكلم عليها واصير بعيونها وانا كنت سابقا شكيت بمشكلتي على موقع اخر قبل سنتين وكل البنات نصحني اتكلم عليها ولما صرت اتجاكر معها وعيني بعينها واني قوية مااخاف منها كانت هي اشرس مني واقوى و…
    حبيبتي ردي بالمزاج والكيف
    ردي ان اشتهيتي تردين
    وطنشي ان اشتهيتي تطنشين
    على كيفك ..

    الي متعبك انك لازلتي بداخلك تبين خواتك ومالومك بالشي هذا
    لانهم خواتك وارتباطك فيهم دايم لكن بيمر وقت طويل على ما تتحسن
    علاقتك فيهم فلازم تخلين هالوقت يمر وتطولين بالك

    من ناحية صديقاتها
    بديهيا الشخص الي يفتن واجد الا ماتنقلب الناس عليه يوم
    بيجيها يوم ينقلبون عليها او ينقلب عليها شخص ماتتخيله وقدام عيونك
    فاطمئني مشكلتك حلها الوقت
  4. @tyfan_hby

    الله يعينك ع اختك
    فوق معروفك شرها عليك

    كل البنات ماقصرو في ردودهم


    نوعيه اختك ماينفع معها غير
    الكيد. النفس الطويل اعصاب ثلج

    اول شي استغني عن خواتك وخليهم مكمل لك في الحياه
    لاتربطين سعادتك ووناستك فيهم
    ليش ماجلسو معي ليه ماعطوني ليه مأخذوني
    كوني صداقات خارجيه
    اعتبري نفسك وحيده اهلك
    خليك غامضه واصنعي عالمك الخاص الي الكل يتمنئ يدخله ويتحمس ايش فيه
    ابدئي من غرفتك
    اثثيها اثاث رايق وهادي
    ارضيه باركيه او سيراميك
    حطي فيها حركات الاضائه الهاديه كرسي استرخاء
    الكرسي المعلق كنه مرجيحه (نفسي فيه اهي اهي )
    حطي مكتبه صغيره فيها كتب وروايات
    حطي ركن للصلاه سجاده حلوه وقران ومسباح

    بكذا انتي ماراح تطلعين من عالمك

    سوي برنامج
    دوام جامعه
    محادثات واتس من صديقاتي
    قيام لليل
    خلي لك ورد يومي تقرينه من القران
    واهم شي سوره البقره حاولي تلتزمين فيها قبل النوم حطي لها توقيت محدد
    عشان تتحمسين لوقتها
    كثري استغفار بأي وقت واي مكان
    بالصيفيه اخذ دورات انجليزي
    العصريه اسوي لي حلا وقهوه واجلس مع الوالده والي بيجي حياه الله
    ادخلي عالم امك وخليك صديقتها احيان الامهات عالمهم اجمل مت عالمنا
    قربي من امك اكثر واكثر واكثر راح تفرح فيك
    وقربي من اخوانك العيال وابوك خليك الغاليه الي ماحد يرفض لها طلب
    خليك الشخصيه المرحه الضحوك المزوح
    وبنفس الوقت العاقله صاحبه العقل الكبير
    اقرء قصص ومعلومات واتحفيهم فيها
    خليك نبر ون. عند امك واخوانك وابوك
    خليهم يفقدونك ويتحمسون لشوفتك
    قلت لك اعتبري نفسك وحيده اهلك

    بالنسبه لخواتك اعتبري نفسك متزوجه وعايشه مع حمواتك اخوات زوج متسلطات
    كيف تتعاملين معهم عامليهم عادي وبأحترام وغموض
    الي يبي يجي حياه الله والي مايبي ربه يحفظه

    اختك اعتبريها اخت الزوج السليطه
    الي تبي هداوه وطول بال مع قوه

    اذا تكلمت اعطيها انواع النظرات ع حسب الموقف
    اشمئزاز. استحقار اي نظره ترفع ضغطها وتقهرها

    ردودك خليها مختصره ولو امثال احسن بعد
    كلمه ورد غطاها

    الي ع راسه بطحاء يحسس عليها
    الي في بطنه ريح مايستريح
    الصاحب ساحب
    العقل نعمه
    الشرف اهم شي
    وكذا من النغزات الي تذبح

    واذا بدت اتصارخ حطي عينك في عينها وقولي لها
    الصراخ ماراح يداري الفضايح زين حبيبتي
    الكل عارف مصيبتك



    واذا قالو لك ليه مانخطبتي
    وقولي الناس مايخفئ عليها شي
    ولو تبي تخطب راح تنثر تاريخ العايله
    وتاريخنا فيه وحده مش ولابد

    قولي الخربان يخرب ع الكل
    البيت الي فيه سمعه طايحه ماحد يقرب منه

    وذا قالت الكل يحسبها انتي
    قولي اهم شي ربي عارف اني طاهره
    والناس ماتسوئ عندي شي ولاهموني

    وخلق الله مي غبيه عشان اتصدق كل الي ينقال
    خلق الله لها عيون تشوف وعقول توزن
    والسوس معروف وينه
    ومها طال الزمن راح تطلع البلاوي المدفونه





    اتمنئ منك تحبين نفسك وتعيشين ع لشانها
    ماحد راح ينفعك اذا مرضتي او صار فيك شي
    عيشي حياتك وخططي لمستقبلك

    انا ماعلي من اختك
    لاني متأكده انها مقهوره ومغبونه من الي صار
    يكفي امها وابوها واخوانها يدرون بالسالفه
    وطاحت من عينهم ومستحيل ينسون
    ولا راح تستحق الثقه
    هي ودها تموت ولا انحطت في ذا الموقف
    اكيد تفكر لو تزوجت وزوها جاه خبر
    لو بالصدفه رقم تبلاها وزوجها خبر اخوانها
    ماحد راح يوقف معها لان لها سوابق
    لو لاسمح الله الي تطلع معه يكون صديق او قريب زوجها المستقبلي
    اختك اكيد تفكر لو احد فتح احد ذا المواقع وشاف صور بنات ومن بينها صور لها


    خذيها قاعده دائما المتسلط يسلط ربه عليه الي اقوئ منه
    راح يجي اليوم الي تعض اصابع الندم

تابعي تجارب أخرى من هذا القسم.