سؤال ونفسي اعرف اجابته

السلام عليكم ورحمة الله وبركاته

سؤال ونفسي اعرف اجابته
لما تخطبون لاخوانكم اواولادكم ايش اهم شي يكون بالبنت عشان تخطبونها ؟

هالسؤال داااايم افكر فيه
لاننا بنات في سن زواج اختي الكبيره على مشارف الثلاثين ماشاءالله
وانا 26
مشكلتنا ماننخطب ابــــــدا
اخر خطيب تقدم لاختي الكبيره كان قبل ثلاث سنوات ونص
وكان اول واخر خطيب !
انا تقدم لي اثنين ورفضناهم لان ماعندنا زواج الصغيره قبل الكبيره
اول خطيب كان قبل 8 سنوات تقريبا
والثاني كان قبل خمس سنوات !
وبعدها ماعاد جانا احد
تحطمنا كثييييير
احنا ولله الحمد جامعيات وصحيح جمالنا عادي لكن مو شينات ابد الحمدلله
و بعض الناس يشوفونا اجمل من بنات كثيييير تزوجو من جماعتنا
ومع هذا اولاد معارفنا وجماعتنا يخطبون بنات اقل منا بكثييييير ولافكروا فينا
طبعا هذي ارزاق من الله والله يوفق كل بنت بالزوج الصالح
و انا مااعترض بس ماادري ايش المشكله
ليش ماننخطب! شي محيرني

صحيح اننا مو اجتماعيات . ومانحضر مناسبات وقليل جدددددا الحريم يششوفونا
لكن هذا مو سبب ! لانهم يعرفونا من زمان وعارفين ان ابونا عنده بنات بسن زواج
و اعرف ناس بناتهم ماعمرهم حضروا مناسبات حتى لاقاربهم
وهذا هم ماشاءالله تبارك الله تزوجو بناتهم
انا ماكان يهمني موضوع الزواج ابدا وكان كل همي دراستي
لكن من دخلت ال 25 وبديت افكر بهالموضوع
الاحظ كل البنات اللي حولنا تزوجو ماشاءالله وهم اصغر منا واقل منا جمال وتعليم وتزوجو
واحنا محد يطق بابنا رغم اننا الحمدلله مو ناقصنا شي
بديت اخاف من العنوسه اخاف ع نفسي و ع اختي اكثر
وكل بنت اول ماتتجاوز ال 25 وتلاحظ ان محد خطبها تبدا تقلق ويصير هذا هاجسها


^ هذي مجرد فضفضه فَ رجاءا اما تردون ب ردود تشرح صدري
او بلاش من الرد رجاءا
وياليت نبعد عن الردود المثاليه

ولاتنسون سؤالي في بداية موضوعي

واتمنى منكم تدعون لنا بهذي الايام الفضيلة بالازواج الصالحين عاجلا غير اجل
لعل منكم من لها دعوة مستجابة بإذن الله

65 تعليق 12,300 مشاهدة

شاركي في النقاش

سجلي الدخول لإضافة تعليق.

التعليقات

63
  1. @aml_la_ynthy

    شوفي حبيبتي انا اكبر منك قرابه ١٤ سنه وللحين نصيبي ماجاء والله لو نلف الدنيا كلها ولو يتوسطون كل الناس ولو اني ابشع وحده ولو ملكة جمال الكون غير رزقي ماراح اخذ

    انا مثلك وفكرت وفكرت وقارنت نفسي باللي بعمري وهم اللحين عيالهم بالجامعة والثانوي خلاص هذا نصيبنا
    لازم نسلم امرنا لله ونتوكل عليه وكلها ايام معدوده وبنرحل عن هالدنيا

    دائما ادعي ربي واستغفري وتصدقي والجئي الى الله والله راح يرزقك ان شاء الله وتسعدين وتتهنين في بيتك مع زوجك وسط عيالك يارب تملكين في العيد وتفرحين مثل كل البنات ويجعل نصيبك اجمل من كل التوقعات يارب
  2. @raaa_5

    صاحبة الموضوع
    أمل لا ينتهي
    شوفي حبيبتي انا اكبر منك قرابه ١٤ سنه وللحين نصيبي ماجاء والله لو نلف الدنيا كلها ولو يتوسطون كل الناس ولو اني ابشع وحده ولو ملكة جمال الكون غير رزقي ماراح اخذ انا مثلك وفكرت وفكرت وقارنت نفسي باللي بعمري وهم اللحين عيالهم بالجامعة والث…
    اللهم امين ونعم بالله
    صحيح كلامك الله يطمن قليبك ويفرحك
    وعسى ربي يرزقك بالزوج اللي يسعدك عاجلا غير اجل
    دعواتي لك دائما بظهر الغيب

    وبإذن الله تبشرينا قريب بزواجك حبيبتي
  3. @aaam_aabdalmlk

    (عن عبد الله بن محمد بن عقيل عن الطفيل بن أبي كعب عن أبيه قال للنبي صلى الله عليه و سلم " كم أجعل لك من صلاتي قال : ما شئت . 

    قال : الثلث . قال : ما شئت و إن زدت فهو أفضل . قال : النصف . قال : ما شئت و إن 

    زدت فهو أفضل . قال : اجعل لك صلاتي كلها قال :

    إذاً ".يكفيك الله همك و يغفر لك ذنبك 

تابعي تجارب أخرى من هذا القسم.