اقول انتي يالي كاشخه فالسوق وعيالك مبهذلين وش وضعك !!؟؟

السلام عليكم  
 انا نفسي افهم ليش بعض الحريم لاطلعن للسوق او المستشفى تشوفين اطفاالهن بحاله مزريه 
  وهي ماشالله عباتها وطرحتها تلمع   لا وبعد منقشه ايديها بالحنا
 ومهتمه بنفسها والطفل المسكين حالته حاله والبنت شعرها منكووش لا وماغير تحك راسها من القمل
  وملابسهم ترثى لها     ابي افهم ليش كذا 
 وش تحس به  ماتدري  ان عنوان الحرمه ونظافتها ورقيها هو اطفالها
  اذا مااهتمت فيهم واهملتهم ترى كل شي محسوب عليك ياحلوه
 والا كله كوم والي تخلي ولدها يخرج بالبجامه سلااماات ترى البجامه 
 حدها للبيت مو للسوق والمستشفى والسوبر ماركت لاوفوق هذا ياليتها نظيفه استغفر الله الا مخيسه وعليه من مبطي 
 ماضن شي صعب يعني تلبسه جينز عالسريع مع تي شيرت او 
 حتى لو ترنق سبوور مرتب كذا مو مشكله  
  وبعض الاطفال  لما يقرب منك عند الكاشير وانتي تحاسبي استغفر الله ريحته تصك الرااس 
   خصوصا وقت الصيف مسكين يلعب ويتحررك ويداوم بالمدرسه
 ويجي اللبيت ماحدن يحممه او على الاقل تامره امه ياخذ شور عالسريع 
  همها بالسووق والتقضي والتسير والجمعات يختي هذا ولدك وهذي بنتك 
 اهم بشر في حياتك لهم الاوليه في كل شي اقل شي نظافتهم 
   اتمنى ان تنقررض هالضاهره الي اصنفها صراحه
   ضد حقوق الطفل وانسانيته