السلام عليكم
بنات انا لي يوم والده اللهم لك الحمد
وابي اعرف اش اخذ اعشاب طبعا ماابي اكثر ولا الخبط ابي اشياء تنظفني اول اسبوعين
والدم احسه مرا قليل ايش السبب وهل طبيعي
وهل عصير المنجا من الممنوعات
سؤالي الثاني عن الخياطه لما احط عليها مرهم ميبو يجي شوي دم ف اصباعي عادي والا لا
سوري كثرت اسئله
شاركي في النقاش
سجلي الدخول لإضافة تعليق.
التعليقات
9- الاعشاب اشربي قشر قهوه مع شوي زنجبيل وقرفه ونونخه اخلطيهم وسويلك ثلاجه وتقهوي منها
واشربي كمان ينسون مع شمر مع حلبه مع كمون وقرفه اعواد اخلطيهم بعلبه وسوي بثلاجه وخليها جمبك وطول اليوم اشربي منها
اما الحوايج حقة التمر والحليب انا اخذها جاهزه من حرمه
اما العصيرات باانواعها والفواكه كلها مفيده لاحد يلعب عليك ويقول مو زينه
عندك الممنوع الليمون الملوخيه الباميا يعني اي شي حامض او لزج ماينفع
والمشروبات الغازيه
وميبو ممتاز جدا جدا استمري عليه ولا تتشطفي بشي نصيحه لين تطيب خيوطك لانه رح تشد الخيوط عليك وتنشفها والجرح مابرى انا مره وحده تشطفت بملح بغيت ابكي من الالم اهم شي دايم جففي المنطقه بعد التشطيف ويكون بمويه دافيه لازم والدم بالخياطه بالايام الاولى عادي بس انه بسيط مو مشكله وحاولي تجلسي علا جمبك او انسدحي وامشي شوي لاتجلسي طول الوقت منسدحه ترا تتعبي تحركي كل شوي عشان تطيب خيوطك
والرشاد لاتاكليه الا بعد ١٥ يوم حطيه مع تمره والدم عادي يكون قليل لانهم منضفينك كويس اكثر شي رح ينزل منك مويات واشياء بنيه الله يكرمك اهم شي استمري علا الميبو كل نفاسك
والف مبروك حبيبتي اتمنى افدتك❤️❤️ - ي قلبي ربي يسعدك ردك مرا فادني الله لايحرمك الاجر
والله يبارك فيك - طيب انا لما ارضعه من صدري اكون جالسه على السرير نفس لما اكون جالسه على كنبه هل ياثر
- ألف مبروك والحمد الله على سلامتك انتي والنونو ^_^
- اول شي الحمد لله على سلامتك ومبروك ماجاكم
ثاني شي ايش سميتي البيبي عشان نغش منك هههههههه
المهم ياقلبو بالنسبة للاعشاب الحلبه ثم الحلبه ثم الحلبه هي اهم شي لانها تقوي الرحم عاد انت وطريقتك تغليها ولا تسفيها مطحونه براحتك
وعندك خلطه لتقوية الظهر حليب مع بيضه وحليه بعسل بس انا ما استسيغ البض
وللمغص اذا عندك اشربي ينسون وشمر وكمون
القرفة ممتازه لانها تخلي الرحم يتقلص ويخرج الي باقي فيه اما الرشاد زي ماقالت لك الاخت امول الشريف الله يجزاها خير مايصلح للايام الاولى لانه ينشف الرحم وهو مابعد نظف زين
انا بولادتي الي قبل وقف الدم عندي بعد ثالث يوم وماكان غزير بالعكس الدوره اكثر منه رحت لدكتوره كتبت لي على حبوب وقالت ضروري جدا اخذها لان الرحم بدا يقفل وهو محتبس الدم بداخله مابعد نظف
هي صح الحبوب كنت اتوجع لما اخذها بس عاد ضروريه
اما بالنسبه للخياطه انتبهي لاتتنقعي بمويه او اي شي ثاني لان الخياطه كذا تنفك والجرح ما التأم
انا اخلي عندي بالحمام علبة مويه منقعه فيها مره امسح فيها الجرح بقطعة شاش صغيره لان المر يعتبر مضاد حيوي ممتاز جدا للخياطه
واذا كنت تحسي بألم شديد في منطقة الخياطه قريت عن تجربة وحده من الاخوات كانت تقول تدفي زيت زيتون وتحطه بالفوطه الصحيه وبكذا يروح الالم بس ما ادري ماجربتها
وبالاخر اقول ماتشوفين شر ان شاء الله وربي يقومك بالسلامه
مواضيع مشابهة
تابعي تجارب أخرى من هذا القسم.