سؤال عن الخياطه والاعشاب

السلام عليكم
بنات انا لي يوم والده اللهم لك الحمد
وابي اعرف اش اخذ اعشاب طبعا ماابي اكثر ولا الخبط ابي اشياء تنظفني اول اسبوعين
والدم احسه مرا قليل ايش السبب وهل طبيعي
وهل عصير المنجا من الممنوعات

سؤالي الثاني عن الخياطه لما احط عليها مرهم ميبو يجي شوي دم ف اصباعي عادي والا لا

سوري كثرت اسئله

9 تعليق 1,382 مشاهدة

شاركي في النقاش

سجلي الدخول لإضافة تعليق.

التعليقات

9
  1. @amool_alshryf

    الاعشاب اشربي قشر قهوه مع شوي زنجبيل وقرفه ونونخه اخلطيهم وسويلك ثلاجه وتقهوي منها
    واشربي كمان ينسون مع شمر مع حلبه مع كمون وقرفه اعواد اخلطيهم بعلبه وسوي بثلاجه وخليها جمبك وطول اليوم اشربي منها
    اما الحوايج حقة التمر والحليب انا اخذها جاهزه من حرمه
    اما العصيرات باانواعها والفواكه كلها مفيده لاحد يلعب عليك ويقول مو زينه
    عندك الممنوع الليمون الملوخيه الباميا يعني اي شي حامض او لزج ماينفع
    والمشروبات الغازيه
    وميبو ممتاز جدا جدا استمري عليه ولا تتشطفي بشي نصيحه لين تطيب خيوطك لانه رح تشد الخيوط عليك وتنشفها والجرح مابرى انا مره وحده تشطفت بملح بغيت ابكي من الالم اهم شي دايم جففي المنطقه بعد التشطيف ويكون بمويه دافيه لازم والدم بالخياطه بالايام الاولى عادي بس انه بسيط مو مشكله وحاولي تجلسي علا جمبك او انسدحي وامشي شوي لاتجلسي طول الوقت منسدحه ترا تتعبي تحركي كل شوي عشان تطيب خيوطك

    والرشاد لاتاكليه الا بعد ١٥ يوم حطيه مع تمره والدم عادي يكون قليل لانهم منضفينك كويس اكثر شي رح ينزل منك مويات واشياء بنيه الله يكرمك اهم شي استمري علا الميبو كل نفاسك
    والف مبروك حبيبتي اتمنى افدتك❤️❤️
  2. @maymyzn_lkb

    صاحبة الموضوع
    اموول الشريف
    الاعشاب اشربي قشر قهوه مع شوي زنجبيل وقرفه ونونخه اخلطيهم وسويلك ثلاجه وتقهوي منها واشربي كمان ينسون مع شمر مع حلبه مع كمون وقرفه اعواد اخلطيهم بعلبه وسوي بثلاجه وخليها جمبك وطول اليوم اشربي منها اما الحوايج حقة التمر والحليب انا اخذها ج…
    ي قلبي ربي يسعدك ردك مرا فادني الله لايحرمك الاجر
    والله يبارك فيك
  3. @anth_shmaly

    اول شي الحمد لله على سلامتك ومبروك ماجاكم 
    ثاني شي ايش سميتي البيبي عشان نغش منك هههههههه
    المهم ياقلبو بالنسبة للاعشاب الحلبه ثم الحلبه ثم الحلبه هي اهم شي لانها تقوي الرحم عاد انت وطريقتك تغليها ولا تسفيها مطحونه براحتك
    وعندك خلطه لتقوية الظهر حليب مع بيضه وحليه بعسل بس انا ما استسيغ البض
    وللمغص اذا عندك اشربي ينسون وشمر وكمون
    القرفة ممتازه لانها تخلي الرحم يتقلص ويخرج الي باقي فيه اما الرشاد زي ماقالت لك الاخت امول الشريف الله يجزاها خير مايصلح للايام الاولى لانه ينشف الرحم وهو مابعد نظف زين
    انا بولادتي الي قبل وقف الدم عندي بعد ثالث يوم وماكان غزير بالعكس الدوره اكثر منه رحت لدكتوره كتبت لي على حبوب وقالت ضروري جدا اخذها لان الرحم بدا يقفل وهو محتبس الدم بداخله مابعد نظف 
    هي صح الحبوب كنت اتوجع لما اخذها بس عاد ضروريه 
    اما بالنسبه للخياطه انتبهي لاتتنقعي بمويه او اي شي ثاني لان الخياطه كذا تنفك والجرح ما التأم
    انا اخلي عندي بالحمام علبة مويه منقعه فيها مره امسح فيها الجرح بقطعة شاش صغيره لان المر يعتبر مضاد حيوي ممتاز جدا للخياطه
    واذا كنت تحسي بألم شديد في منطقة الخياطه قريت عن  تجربة وحده من الاخوات كانت تقول تدفي زيت زيتون وتحطه بالفوطه الصحيه وبكذا يروح الالم بس ما ادري ماجربتها
    وبالاخر اقول ماتشوفين شر ان شاء الله وربي يقومك بالسلامه

تابعي تجارب أخرى من هذا القسم.