مااري شسالفة زوجي مع هالبنيه

اختي كثير مو انتي بس الي تعاني من هالشي

خلاص الدنيا سايبه حبيبتي

بس راقبيه وطلعاته وجياته ولبسه وكل شي

وانتي ماسويتي شي غلط يالغاليه

بس عندي ملاحظه للبنات الي فوقي

ليش هالكلام

البنت طالبه مساعده فقط؟؟؟

هذي حياتها ومع زوجها محد له شغل

الصراحه نفس مشكلتي تقريباً مره صار لزوجي كزا يرن جواله ويطلع ويكلم ازا كان موجود بالبيت يقفل جواله اكون معه بالسياره يرن الجوال ويرد ويقول الرقم غلط انا حسيت فيه شي كشفت الموضوع بطريقتي الخاصه وتاكدت انه يكلم انزلت عليه زي الطامه واجهته انكر حلف ما يكلم عطيته الرقم لأني قدرت احصل عليه من جوال مع انه مو مثل زوجك بطريقه وحد زوجي يمسح المكالمات الصادره والوارده الي جايه من ها البنت بس قدرات اوصلها حرررريم ازا بفينا الشي عرفنه المهم انكر انكار ورفض انه يعرفه ولا له علقات بس بالخير اعترف لأن البنت اتصلت على جواله وانا جالسه عنده ما رض يرد وترك الجوال يرن مع انه ما يتركه مفتوح بس يمكن نسى هالمره قمت ورديت بس سكت قالت الووووو قلت نعم صكت الخط قلتله هزي حرمه قال غلطانه اكيد صرت اتصل عليها بنفس الوقت ما ترد ارسلها رسايل ما ترد بالأخير قلت انا زوجته ردي علي على طول وهي تتصل علي تفهمت معها دار بيننا حديث كثير ليش تعاكس زوجي ايش السبب احلفت انها تمسح رقم زوجي من جوالها ما ودي اطول واشرح بعدها اعترف
اي رجال مستحيل يعترف بغلطه مهما يكون الا النادر منهم
اعرفي بطريقتك الخاص

انصحك اختي ان تتقي الله في نفسك قبل اي شئ ..

لانك اذا أصلحتي نفسك اصلح الله لك زوجك ..كيف ؟؟

شوفي هذي المكالمه جاءت من بعد ذهابك للسينما ..وهذي السينما

حرام ومايجوز تروحين لها بأي حال من الاحوال ..لانها اختلاط

وفيها النظر الى ماحرم الله ..

فانتي رضيتي لزوجك انه يدخل هذي السينما

وفيها نساء ورجال ويمكن الفلم بعد الله اعلم اش فيه ؟؟

وتقولين كيف يروح مع غيري ؟؟

طبعا هذي عقوبة المعصيه ..

بعدين انتهت الفسحه الا في السينما ؟؟

عندك منتزهات وعندك اماكن ترفيهيه للعوائل ...

عموما اذا اتقيتي الله في نفسك وفي زوجك وابعدتيه عن الحرام ..

حفظه الله لك والف بينكما ..

هذي نصيحتي واتمنى تقبلينها ..

ما شاء الله عليك يادمعة التوحيد كلامك يوزن بالذهب بارك الله فيك وفرج الله عن اختنا المهمومه وفك كربتها ............ آمييييين ...

خواتى جزاكم الله خير اللى ردوا .. وقالوا ان هالغلط نتيجة روحتها للسينما ... < --- الغلط ماهو بالسينما لأن المكان يتكرر .. وفى ناس يغازلون وهم فى البيت .. يعنى لاتحملون المكان النتيجه فى الخطأ انتم عطوها نصيحه تفيدها ..وماقصرتوا على سالفة ان بعض الاماكن تجوز وغيرها لاتجوز وجزاكم الله خير .. لكن البنت تبى حل ..

عموما .. انا احب اقول للأخت كافى لعب جهال .. زوجك شايفك مو جاده .. يعنى شايفه بعينك انه يكلم وعادى عندك .. وحتى من طريقة كلامك مع البنت .. تبين انك خايفه منها ..
الخطوه الاولى مع البنت
اتصلى فيها
ياحبيبتى وقولى لها وهدديها قولى انتى ماتخافين على سمعتك ؟؟؟ بكره زوجك كانك تزوجتى راح يلعب من ورا ظهرك لأنك تخربين بيوت .. وقولى لها انتى جاهله وكاسره خاطرى وهدديها ان ممكن تسلمين رقمها للشرطه .. ومن هالكلام .. وممكن تعطين الرقم لواحد من اخوانك يأدبها .. ولو ان هالحركه ماتجوز لكن هدديها .. قولى لاتخلينى ارسل لك ناس يخلونك ماتنامين الليل ويسلمون صوتك وتسجيلات لبيت أهلك كان عندك أهل ..

هذى خطوه بالنسبه للبنت لأن البنات الايام هذى مايستحون وتقل ادبها عليك ووقاحتها بتخليها تتجرأ عليك .. هدديها وخلى صوتك فيه حزم ..

وزوجك اللى مايستحى على وجهه .. <--- اسمحى لى بهالكلمه .. قولى له .. انت ماتخيلت ان هالبنت ممكن تكون اختك او من بناتك ..
وقولى له انت انسان متزوج وتخاف ربك قبل ماتفكر فى بيتك والبنات والمغازل مايجيب لك الا سواد فى الوجه لانها معصيه .. ومايجيب الا الفقر وهدام البيوت .. وقولى انا لى فينى شى مو عاجبك قوله لى .. مو تروح تتكلم من ورا ظهرى .. قولى شنو المشكله اللى فينى .. يمكن انا ناسيه شى .. يمكن اكون مقصره معك فى شىء .. فهمنى علمنى مو تلجأ للبنات والكلام الفاضى اللى لايودى ولايجيب ..
واتق الله فى نفسك ..
واذا ماعندك هالجرأه .. اكتبيها برساله .. وخليك هاديه مع زوجك وسوى واجباتك .. وخلى البيت مكان مريح يرتاح فيه ان جاء .. ولاتطنشين .. ولاتعصبين وتفقدين اعصابك بنفس الوقت .. خلى اعصابك هاديه
وادعى له مع كل صلاة الله يبعده عن بنات الحرام .. ويهديه .. وتفاهمى انتى مع زوجك وسدى النقص ان كان فيه نقص ترا مافى انسان معصوم من الخطأ..