ابوي والخاطب

السﻷم عليكم  ... 
ببدا بالموضوع  على  طول   تقدم لي  شخص  من 5 شهور

كلم شيخ عايلتي وقابل  اخوى  وزوج اختى  وابوى كان بالدوام  


ااخذ رقم  اخوى  ومعلومات عنه ال..خ
اتصل الخاطب على اخوى قال انه بيحدد يوم لمقابله  ابوى
 لتتم الخطبه بين الرجال  اخوى قال  لي   ابوى  
ابوى رفض   والخاطب  طلب رقم  عمي  عشان  يقنع  ابوى
ويحاول فيه  عمي  اتصل على  اختى  الكبيره  وجلس  يعصب عليها  وقال  مانبغى البنت  تتزوج من  عايله ثانيه 
ومن  هالكلام  وراح  عمي  رسل  للخاطب  البنت  مو  موافقه  ربي  يوفق  الجميع 
انا  انقهرت  لان عمي  تكلم  على  لساني  وقال اني  رافضه  وانا غافله  مادرى  عن  شي 
تعبت  نغسيا  وجلست اقول حسبي  الله  وربي  اني  مغلوب فانتصر
مرت  الشهور  وبديت انسئ  الموضوع  وحمدلله صرت  واثقه  ان رزقي  بالسما  مهمها حاولت البشر تقفل الابواب بوجهي  راح اطرق باب القادر  واتوسل وادعي  له  وواثقه انه راح  ينصرني  ولو بعد حين 
اليوم كنا صايمين الخميس  وكنا نفطر  ابوى  كان يتقهوى بالصاله 
شوى  دق  جواله  للعلم  ابوى مايعرف يقرا  
قال  لي  اختى مين  المتصل  قالت  له بدون اسم   شوى  وكلم 
وجلس  سلام  واخبارك  ال .خ
ابوى  قال  آمر  قال  المتصل  ابغى  اقابلك متى  تكون فاضي
قال  ابوى  ليش  وش  تبغى  فيني  قال ضروري ابغى  اقابلك
ابوى  قال  وش  الموضوع طيب  المتصل  قال طالب القرب  منك  وتكفى ﻷ تردني
ابوى قال  له  اصلن انا ماعندى بنات للزواج
وقفل الخط بوجهها
وطلع برا البيت   وهو  يسب  ويشتم بالمتصل

للعلم  حنا 3 اخوات عزبات لكن  ابوى  يرفض  الخطاب  
ويتعامل  معهم  بقساوه كانهم جايين يسرقونه  مو  يخطبونه

انا حسيت بنقزه بقلبي  حسيت ان الموضوع لي  وانا المقصوده

جلست اتذكر  كﻷم ابوى  يوم يقول للمتصل  قال المتصل  انا  مشعل -
الي كان خاطبني  اسمه  مشعل  ونفس  المنطقه 
سبحان الله  قلب  المؤمن  دليله

بختصر  الموضوع عليكم  الي  بتقول  قولي  لي  اخوانك
تعبت  وانا اتكلم  لكن اخوانى  مايقدرون  على  ابوى
واعمامي  كلن همه نفسه  ومثل ماقلت لكم عمي  يرفض  بلساني  وانا غافله  مادرى عن شي
امي  لاحول ولاقوه
شيخ  عايلتنا جلس مع  الخاطب وعجبته اخلاقه بعد السوال عنه طبعن لكن كمان الشيخ مايقدر  على  ابوى  

فامابيده  شي  يسويه

انا انسانه الحمدلله واثقه بالله كل  خير  واعلم  ان لو لي  رزق باخذه لو يوقف جيش قدامي 

لكن  الشي  الي  افكر فيه الحين  ليش  رجع  الخاطب  بعد  هالشهور ؟
وهل  راح  يقفل الموضوع من بعد ماقاله  ابوى  هالكﻷم  وقفل الخط بوجها

احس  براسي الف  سوال  وسوال لكن  ماقول  الا وكلت امري  لمدبر  الامور  وتسلحت به 
اللهم صل  على  محمد

12 تعليق 2,869 مشاهدة

شاركي في النقاش

سجلي الدخول لإضافة تعليق.

التعليقات

11
  1. @hnyn_aa_1

    الله يرزقك ويرزقني والجميع بنات المسلمين
    يمكن العادات والتقاليد سبب رفض أبوك الخاطب. .
  2. @sazo

    الله يفرررج همممك ياا رب
    قريت قصة وحدة زيك كان ابوها يرفض الخطاب .. داومت على سورة البقرة وتزوجتت والحين عندها عياال ..
    الله يفرج همك وهمي
  3. @chocolate_coffee

    لا مو شرط يكون مو مناسب
    المفروض الراي الاول والاخير للبنت يكلمها ويعطيها مواصفاتو ويقولها انا اشوف كذا وكذا
    اما على طول ماعندنا بنات للزواج كمان
    بصراحه ابوك يقهرررررر
    امك وينها ولا تسكتي لين يمر العمر وانتي مكانك ابحثي عن الف طريقة وطريقة
    خلي اخوانك يكلمو شيخ عايلتكم مثلا
    الله يوفق بنات المسلمين مادري ايش بهم الاباء هالايام مايبغو يزوجو بناتهم
  4. بجدد شي يقهرر !
    بس الغريب ان الخاطب سبحان الله للان متمسك فيكم
    اعذريني بسألك انتي موظفه ؟ يمكن آبوك طمعان فيكم او شي
    اذا ايه خذيه بالحيله ..،
    سولفي له وبعدين قولي ان تزوجت ما راح أنساكم بحط لكم مرتب شهري ك عونه لكم زي كذا ..،
    الله يفرج همك ويرزقك عاجلا غير اجل يااااارب بدعي لك من كل قلبي ...

تابعي تجارب أخرى من هذا القسم.