مين كان عندها هم كبير كبير كبير وجاها الفرج بسبب دعوه أو صدقة

لااله الا انت سبحانك اني كنت من الظالمين

والله كل قصه اقراها تدمع عيني القصص تعطيني امل عمري مافقدته جه بوقته هالموضوع. ادعو لي. الله يفكني من الوسواس القهري

انا كان واحد ماخذ مني مبلغ كبيرر جدااا على اساس نسوي تجارة ولا رجعه وصارله 3 سنين وداخلين في رابعة ودعيت ربي برمضان اللى طاف انه يرجع واشتكيت عليه طبعا والحمدلله رجعلي المبلغ كبيرر كامل وباقي بس عنده مبلغ صغير قالي بعدين برجعهم لج بس اغلب فلوسي رجعهااا والحمدلله


والله في قصص واايد مب حاضرتني ربي فرجها علي


والحين باقيلي 3 امنيات وادعي فيهم ويارب تحققه واملي بالله كبيررر

ماشاء الله ،،،،،،للرفع

لا اله الا انت سبحانك اني كنت من الظالمين

الحمد لله والشكر لله والصلاه والسلام علي سيد المرسلين محمد صل الله عليه وسلم

انا قصتي من يوم تزوجت لليوم وانا الحمد لله والشكر لله ييصيرلي اشياء كثيره حياتي بالمختصر مافيها شي سهل بس اليقين بالله مصبرني


تزوجت وما رزقني ربي ببناتي الا بعد تقريبا 9 سنوات تعالجت خلالهم واستغفرت وبللت سجادتي بدموعي

ومسكت الاستغفار كل يوم اكثر من الف مره وسويت اطفال انابيب

وجا الفرج وجاني توأم بنات زي القمر ماشاء الله وبعد 3 شهور من ولادتهم ربي رزقني بنوته سميتها حلا

وطبعا ربي اذا اعطى ادهش طلبت بنت ربي رزقني بفتره بسيطة 3 بنات ربي يحفظهم ويحفظ عيالكم وبناتكم

خلال فتره حملي بحلا ما تهنيت كان زوجي ما يشتغل كسول ما يحب يداوم وما يحس بالمسؤلية

وانا كل هالفتره ما تركت الاستغفار وكان يشتغل فتره ويترك والحمد لله مرت سنتين ونص والله ما تهنيت ببناتي

من كثر الخوف عليهم والتفكير بمصاريفهم كانو كأنهم 3 توأءم ومصاريفهم كثيره المهم الحمد لله بعدها بفتره جاه

شغل ممتاز ونقلنا على بيت اكبر ودخلت البنات الروضه وكان صار عمرهم تقريبا 6 سنوات انا جالسه اختصر لكم

وكل هالفتره زوجي من علاقه لعلاقه حسبي الله ونعم الوكيل المهم اشتغلت وتركتهم مع شغاله علشان اساعد

بالمصروف صار يقول ما تجلسين بالبيت وما كأني متزوج لاني كنت اشتغل بصالون ودوامي من العصر للساعه 10

وطبعا يفرح بالراتب وما يصدق يوصل ليده وكل ما مسكت عليه شي قال اخر مره وما حيصير الا الي يرضيني

واسكت واصبر وادعي ان الله يهديه لبيته ولصلاته دخلت بناتي المدرسه صارو بثاني ابتدائي وحلا بأول وهو ما

تعب من العلاقات تركت الشغل علشان لا يصير عندو عذر وفي اشياء كثير ما حكتبها هنا المهم بعد كذا رحت

الحج وصرت ادعي واطلب من الله كل هالفتره اطلب من الله يختارلي وادعي لزوجي بالهدايه وان يحافظ على الصلاه رجعت من الحج

كان مجهزلي مفاجأه علاقه بينه وبين بنت خاله الي تطلقت من شهرين ولسا بالعده وولدها عمرو 18 سنه

طلبت الطلاق وتحسبنت وعلى فكره انا طالبه الطلاق اكثر من مره وما كان يوافق لان طبعا مافي وحده بترضى

تتزوج ببلاش هذي رضت وتطلقت وتزوجو وجات عاشت ببيتي مع بناتي الي حتقول ليش تتطلقي لان هو قال مقدر افتح بيتين روحي عند خواتك يعني كنت بطلع اخترت اطلع بكرامتي بعد ما يئست منه وخليه يتزوج بالحلال احسن من علاقات الحرام الي معبيه جوالو والحين انا مستمرة بالاستغفار ومتاكده ان ربي حينتقم لي وان

ربي ما حيضيع حقي وحيرجع لي بناتي لحضني وان شاء الله اقدر اخذ بيت واخذهم ربي ما يحرمني منهم وواثقه بالله انهم حيرجعولي لان الي عطاني بناتي من الغيب قادر يرجعهم لي بالواقع

والحمد لله على كل حال والصلاه والسلام على سيدنا محمد واله وصحبه وسلم

شوفو قصه ولادتي ببناتي وقصه تأخري بالانجاب كل شي هنا موجود بالمنتدى انا عضوه قديمه بس في فترات ما

اكتب ولا اشارك بسبب الظروف ربي يفرجها علي وعليكم وعلى كل مسلم ومسلمة