شاركي في النقاش

سجلي الدخول لإضافة تعليق.

التعليقات

1,999
  1. @almash_alshrkyh

    السلام عليكم يااحلى تجمع اليوم واخيرا لقيت وقت بقول لكم قصه ولادتي بدايه اعراض الولاده ابتدا من اسبوع العيد كان يجيني مغص وتحجر شديد ثاني العيد رحت للمستشفى قالت الدكتوره هذا طلق والرحم يتجهز للولاده وانا على حسبتي مادخلت التاسع هذا اللي خوفني وبحساب السونار دخلته اول يوم عيد تقريبا

    يوم الخميس العصر نزلت علي السداده وتمت تنزل على خفيف طول اليوم مع مغص خفيييف وزاد المغص على الساعه ١الليل ونمت صحيت اصلي الفجر وكان الم منتظم كل ربع ساعه قلت لزوجي انتظر لاتروح للعمل بتأكد من المستشفى يمكن معي ولاده واخذت شنطتي وتوكلت على الله وكلمت اختي تجي عند اولادي

    رحت المواساه دخلت الاسعاف كشفت علي قالت اربع سانتي مفتوح بغيت انجن قلت مستحيل اولد اللحين تونا بدري ومامعي الا مغص خفيف لما قلت بطلع رفضت وقالت وقعي على مسؤليتك ووقع زوجي وطلعت بروح مستشفى اسطون وتذكرت انوار بدر قالت لي بالتجمع ادعي اللهم وكلتك امري فدبرني وطول الوقت اردده وقال زوجي اليوم جمعه صلي على النبي عليه السلام لين نوصل وكان المغص كل ربع ساعه وخفيف لما دخلت الاسعاف وكشفو خمسه سانتي والمغص كان محتمل خفيف ومتباعد على طول جهزوني للولاده واهم حاجه خلتني احمد ربي اني اخترت هالمستشفى انهم قالو بنجهز سرير للبيبي في حضانه الخدج وبنكلم استشاري اطفال لاني قلت لهم مادخلت التاسع
    واخذت تقريبا ٢٠دقيقه وطلعت لغرفه الولاده القسم فااضي مافيه الا انا وكانت الساعه ٧ونص ع طول قلت لهم بسرعه ابي ابره ظهر والممرضه فلبينيه اسمها عايشه زي العسل عنايه واهتمام مررررره ونظافه وفي للغرفه ادعيه الولاده وبعد نص ساعه جاء الدكتور واخذت الابره ونمت نوم متقطع وكانت الدكتوره المناوبه هنديه عندي صحيت تسع ونص احس بحشره واعطوني اكسجين قالت الممرضه لسه باقي ع الولاده ارتاحي قلت لا نادي الدكتوره حقتي نعيمه احس فيني ولاده وكانت تهديني ع طول جت الدكتوره كشفت قالت ولاده بس لاتدفعين لين اقولك عشان مااتعبك والاسلوب ذوق تجنن هالدكتوره وولدت وشفت بنوتي احس رجعت لي الحياه وحمدت ربي انه رزقني بغنى بس ماحطوها علي كثير ع طول اخذوها للحضانه يشوفها الدكتور وكان مستوى العنايه والاهتمام فوق توقعي واحس الدكتوره والممرضات خبره ونفوسهم خفيفه يضحكون ويمزحون ويصورون البيبي ويباركون لي واخذوني لغرفتي وكان ١٠/١٠اجمل يوم بحياتي واحلى ولاده يمكن لانها غير متوقعه الله يرزقكم الولاده السهله ويهون عليكم جميعا..

    لاتحرموني دعواتكم يالغوالي الله يجزاكم كل خير
  2. @almash_alshrkyh

    بنات ترى قالت لي الدكتوره من وزن البيبي ٢.٨٠٠وبعد ماكشفو عليها قالت انتي دخلتي التاسع بالايام الاولى واسبوع بالحساب مايفرق
    حبيت اطمنكم عشان اللي تجيها ولاده وفيه فرق اسبوع مايجيها الخوف والوسواس اللي جاني
  3. الماسة اخيرا فضيتي وقلتي لنا قصتك
    الحمدلله ولادتك كانت سهلة واحسن شي انها وقت اجازة غالبا تكون الدنيا هادية
    الله يحفظ لك غنى واخوانها
  4. الماسه الشرقيه
    بنات ترى قالت لي الدكتوره من وزن البيبي ٢.٨٠٠وبعد ماكشفو عليها قالت انتي دخلتي التاسع بالايام الاولى واسبوع بالحساب مايفرق حبيت اطمنكم عشان اللي تجيها ولاده وفيه فرق اسبوع مايجيها الخوف والوسواس اللي جاني
    الحمدلله على سلامتك تتربى في عزكم وعقبال تشوفيها احلى عروس مشكورة استفدت من نقطة انك كنت متاخرة شوي من دخول التاسع ورحتي للمستشفى المجهز بحضانة ووزن العروسة حلو الحمدلله انا مراجعتي يوم الربوع ان شاء الله بس مدري وين اروح فقيه ولا الي جنبي لاني حابة اروح فقيه في الثامن واول اسبوع من التاسع عشان نحدد العملية وزوجي مشغول ومو مقتنع بحاجة اسمها ولادة مبكرة وممكن البيبي يحتاج حضانة يقولي لا توسوسي :06: وعلى حساب السونار لسة باقي كم يوم وادخل الثامن والدورة اخر اسبوع في الثامن لانو فرق 3 اسابيع بينهم

تابعي تجارب أخرى من هذا القسم.