❤️❤️التجــ 2 ــمع لتبآشير مواليد (نوفمبــ11ــر 💖ديســمبــ12ــر)❤️❤️

السلام عليكم يااحلى تجمع اليوم واخيرا لقيت وقت بقول لكم قصه ولادتي بدايه اعراض الولاده ابتدا من اسبوع العيد كان يجيني مغص وتحجر شديد ثاني العيد رحت للمستشفى قالت الدكتوره هذا طلق والرحم يتجهز للولاده وانا على حسبتي مادخلت التاسع هذا اللي خوفني وبحساب السونار دخلته اول يوم عيد تقريبا

يوم الخميس العصر نزلت علي السداده وتمت تنزل على خفيف طول اليوم مع مغص خفيييف وزاد المغص على الساعه ١الليل ونمت صحيت اصلي الفجر وكان الم منتظم كل ربع ساعه قلت لزوجي انتظر لاتروح للعمل بتأكد من المستشفى يمكن معي ولاده واخذت شنطتي وتوكلت على الله وكلمت اختي تجي عند اولادي

رحت المواساه دخلت الاسعاف كشفت علي قالت اربع سانتي مفتوح بغيت انجن قلت مستحيل اولد اللحين تونا بدري ومامعي الا مغص خفيف لما قلت بطلع رفضت وقالت وقعي على مسؤليتك ووقع زوجي وطلعت بروح مستشفى اسطون وتذكرت انوار بدر قالت لي بالتجمع ادعي اللهم وكلتك امري فدبرني وطول الوقت اردده وقال زوجي اليوم جمعه صلي على النبي عليه السلام لين نوصل وكان المغص كل ربع ساعه وخفيف لما دخلت الاسعاف وكشفو خمسه سانتي والمغص كان محتمل خفيف ومتباعد على طول جهزوني للولاده واهم حاجه خلتني احمد ربي اني اخترت هالمستشفى انهم قالو بنجهز سرير للبيبي في حضانه الخدج وبنكلم استشاري اطفال لاني قلت لهم مادخلت التاسع
واخذت تقريبا ٢٠دقيقه وطلعت لغرفه الولاده القسم فااضي مافيه الا انا وكانت الساعه ٧ونص ع طول قلت لهم بسرعه ابي ابره ظهر والممرضه فلبينيه اسمها عايشه زي العسل عنايه واهتمام مررررره ونظافه وفي للغرفه ادعيه الولاده وبعد نص ساعه جاء الدكتور واخذت الابره ونمت نوم متقطع وكانت الدكتوره المناوبه هنديه عندي صحيت تسع ونص احس بحشره واعطوني اكسجين قالت الممرضه لسه باقي ع الولاده ارتاحي قلت لا نادي الدكتوره حقتي نعيمه احس فيني ولاده وكانت تهديني ع طول جت الدكتوره كشفت قالت ولاده بس لاتدفعين لين اقولك عشان مااتعبك والاسلوب ذوق تجنن هالدكتوره وولدت وشفت بنوتي احس رجعت لي الحياه وحمدت ربي انه رزقني بغنى بس ماحطوها علي كثير ع طول اخذوها للحضانه يشوفها الدكتور وكان مستوى العنايه والاهتمام فوق توقعي واحس الدكتوره والممرضات خبره ونفوسهم خفيفه يضحكون ويمزحون ويصورون البيبي ويباركون لي واخذوني لغرفتي وكان ١٠/١٠اجمل يوم بحياتي واحلى ولاده يمكن لانها غير متوقعه الله يرزقكم الولاده السهله ويهون عليكم جميعا..

لاتحرموني دعواتكم يالغوالي الله يجزاكم كل خير

بنات ترى قالت لي الدكتوره من وزن البيبي ٢.٨٠٠وبعد ماكشفو عليها قالت انتي دخلتي التاسع بالايام الاولى واسبوع بالحساب مايفرق
حبيت اطمنكم عشان اللي تجيها ولاده وفيه فرق اسبوع مايجيها الخوف والوسواس اللي جاني

الماسة اخيرا فضيتي وقلتي لنا قصتك
الحمدلله ولادتك كانت سهلة واحسن شي انها وقت اجازة غالبا تكون الدنيا هادية
الله يحفظ لك غنى واخوانها

لا قشر الرمان بس تاخذيه وتغسليه وتجففيه وممكن تلاقيه عند العطار جاهز بس افضل انتي تسويه