شاركي في النقاش

سجلي الدخول لإضافة تعليق.

التعليقات

82
  1. @passionate

    استغفر الله ياربي هالموضوع فيه كمية ذنوب والعياذ بالله الله يثبتنا ع عقلنا بس همكم هالرجل
  2. @سارهـ@
    هههههههههههههههههههههههههه تطاقو الثانيات والاولات واختلفنا من يحب أبو سروال وفنيله اكثر هع
    هههههههههههههههههههههههه :arb:


    ياحريم خبروني ليش البنت البكر ترضى تكون الزوجه الثانيه او الثالثه او الرابعه ايش السبب الي يحدها عليه ؟؟؟
  3. @mtmrdh_5

    استغفر الله. والله الرجال ماجاب خبر اولا ولا الثانيه بذات السعودي مايعرف يحب ومايحب الا مصلحته وتري عينه زايغه علا كل الجنسيات حتا الاندنوسيه والاثيوبيه ماسلمت من شره ضب والعياذ بالله مالت عليهم بس الي يسمعكم وانتو تتهاوشوا يقول الجمال والرومنسيه تخر منهم ماكنه ابو سروال وفنيله واصلع واذا شاف المفاطيح نسا اسم امه
  4. من نقاشكم تذكرت كلام لاخصائية نفسية واسرية
    تقول ان اغلب حالاتها لزوجات ثانيات ، والسبب الأمل والحلم عند الثانية
    ليش؟
    لأنها لما تشوف رجال عنده حرمه وجاء يخطبها تفكر انه خلاص كاره هالحرمه وانها هي بتكون الحبيبة و "الدلوعة" على قولتكم له
    وتتفاجئ وتنصدم وتنهار لما تكتشف ان العلاقة بينه وبين الاولى طبيعية وازواج طبيعيين وكل شي يسويه معها يسويه مع الاولى
    او لما يتزوج ثالثه برضو تنصدم نفس الصدمه ، ومثل ماقالوا البنات تكون صدمتها اقوى من صدمة الاولى
    لأن الاولى لما تزوجته وكان زوجته لحاله عادي تسمعه احيانا يمزح باتزوج ثانية ، او تشوف صديقاتها اللي تزوجوا عليهم رجالهم
    بس الثانية لا تكون طول عمرها تشوف الاولى اللي تزوج عليها زوجها ، بس ماتسمع كثير بالثانية اللي تشتكي ان زوجها مايل للاولى او يبي ثالثة
    لأن الثانية تكون محط الانظار بالاجتماعات والناس تبي تتشمت فيها فتتجنب انها تثير شماتتهم بشكاويها
    يعني تتكون عند البنت فكرة ان الثانية سلبت عقل وقلب الرجال وماعاد يشوف غيرها وكره ام عياله
    فلما تصير هي زوجة ثانية تنفجع بالواقع وتكون صدمتها كبيرة جداً بسبب الامال والاحلام اللي تكونت عندها
    هذا غير ان المعدد بعد مايتزوج على الاولى يصير لسانه حلو معها وبطبيعة الحال حتى الثانية بيصير لسانه حلو معها وكلنا نعرف ان الكلام الحلو يسحر
    فتكتشف الثانية بعدين ان نفس هالكلام الحلو ينقال للاولى بعد! ووقتها طبيعي تنفجع لأنها مفكره ان الكلام طالع من قلبه


    حتى الى الآن نشوف مواضيع استشارات بنت تقول خاطبني متزوج ويكره زوجته و و و
    طبعا هي بحلمها وبأملها تفكر انها لما تتزوجه خلاص بيكره الاولى وبتكون له الزوجة الفعلية الوحيدة ، والاولى مجرد مربية وام عيال
    مع ان الواقع يقول لو يكرهها ومايطيقها وخايف على عياله من الضياع بيخليها في بيتها ويعطيها مصروفها ويطلقها والعيال عندها وييجيبهم يتغدون عنده كل يوم ويتقهوى في بيتهم بعد المغرب وخلاص
    مافيه رجال مخلي عنده "مربية اطفال" ومتزوج زوجة فعلية ، الثنتين زوجات فعليات والثنتين يسوي معهم كل شي ونفس الشي
    واصلا بالمنطق كيف جاب منها طابور عيال وهو يكرهها؟ فكروا فيها


    الله يوفقكم كلكم مع ازواجكم سواء اولى او ثانية او ثالثة او رابعة
    ويشغلكم عن الهواش عليهم بطاعته يارب :)

تابعي تجارب أخرى من هذا القسم.