شاركي في النقاش

سجلي الدخول لإضافة تعليق.

التعليقات

138
  1. ياحبيبتي شوفي الايجابيات
    صح ماعشتي عزوبية لفترة طويلة بس الحمدالله ربي رزقك بزوج حبيتيه وحبك وتفاهمتوا مع بعض
    بعكس اغلب الزواجات مايكون فيها حب وتفاهم ، الغالبية احترام ومودة فقط
    غير كذا اللهم لك الحمد طفلين ملوا عليك الدنيا ، الامومة اجمل شعور بالعالم ، اجمل من حرية العزوبية ولذتها ومغامراتها
    وانتي قلتيها شعور بالحنين فقط مو ندم

    فيه ناس ندم ، صديقتي المقربة شعور ندم مو شعور حنين
    لأنها ضحت بسنوات العزوبية لأجل زوج ماحبها ولا يعرف قيمتها
    مجرد مودة وبعض من الاحترام واغلب حقوقها ماتاخذها
    الحب جميل والامومة جميلة ، بس شعور قاسي ومؤلم لما تكونين زوجة لرجل مايعرف قيمتك وتحبينه ومايحبك
    يعني لما تكون مودة متبادلة واحترام متبادل عادي ، بس لما تموتين عليه وتضحين عشانه وهو يشوفك مجرد آلة تفريخ له وطباخة ومنظفة بيألمك هالاحساس

    فيه بنات لما يتزوجون خلاص يلغون انفسهم
    توقف طموحها وتوقف دراستها ، هذي طبيعي بتندم ، طبيعي جدااااا تندم

    تدرين دائما اتمنى ابقى عزوبية للابد وموظفة وبنفس الوقت ام خخخخخخ
    لا وابي عيالي حقيني لحالي ، مابي لهم اب هههههههههه
    كيف تجي ما ادري :D
  2. انا تزوجت وانا توي داخله ١٧ سنه وخلصت ثالث ثانوي بعد الزواج والحين قربت ادخل ال ٢١ سنه وعندي بنوته وشاكة اني حامل والله اعلم

    شفتي انك احسن من غيرك !! ما شاء الله عليك
    الله يحفظ لك اولادك وزوجك ويسعدكم يارب
    وللمعلوميه ابدا ما ندمت ولا حزنت ممكن احن بس نادرا وترا انا زيك بغربه
    ودعواتك الله يصلح الحال


    استغفرالله العظيم واتوب إليه،، دعواتكم لي بالولد الصالح السليم المعافى ولكل من تتمنا ويجعله قرة عين لي ولأبوه
  3. @aamrodaaa

    انا تزوجت وعمري 15 و ع16كان عندي ولد وبعدها الله رحمني وقعدت 5 سنين بدون اي سبب بدون حمل ابوي الله يسامحه زوجني زغيرة مع انو كان قبلي 3 خوات ماكان يحب يوقف بنصيب البنت يعني مش شرط تتجوز لكبيرة قبل لزغيرة احلى شي بالموضوع ابني وبناتي ولا الباقي الحمدلله ع كل حال كتير بزعل ع حالي لو تجوزت كبيرة كان ماصارفيي هيك كان عرفت اخد حقي واثبت شخصيتي كنت اخااف من اهل زوجي وكانو مسيطرين على حياتي ااااخ بس قدر الله وماشاء فعل ..
    بعينا الله يا اختي اطلعي ع نص الكاسه المليان وانبسطي بحياتك وان شاء الله الايجابيات افضل واكتر من السلبيات ..موفقه والله يخليلك ولادك
  4. @mngo

    أما إلي ترد وتقول طيب وش نسوي لك ذي ودي أعضهاااااا
    كثرت هالردود ثقيلة الطينه ! :biggrin:
    المهم ماعلينا نرجع لصلب الموضوع
    حبيبتي النصيب لا جاء مالك عنه سواء جاك و أنتي صغيره ولا و أنتي كبيره
    هذا شي الشي الثاني يختي بالعكس أفرررحي و إستانسي
    وطقي أصبع بعد هالحين تنشغلين مع هالصغار ومع الحمل و الولاده
    و تتعبين بعمر صغير و لما يكبرون و يعتمدون على أنفسهم تكونين بعز
    شبابك و حيويتك و تعوضين نفسك عن سنين الشقى و ترفهين على عمرك
    غريب زعلك بالعكس كثير أعرفهم مثلك و رأيهم من رأيي يقولون حلو
    نتعب و نشقى مع الصغار وحنا بعمر صغير بعدها يرتفعون و نعيش حياتنا

    وحده أعرفها كانت حتى السفر ما تقدر تسافر بسبب الصغار جابتهم
    ورى بعض وبعمر نفس عمرك و الأن هي بنفسها تقول خلاص
    كبرو عيالي و صارو يعتمدون على أنفسهم وخفت المسؤوليه علي
    و صرت أقدر أرفه عن نفسي و أسافر و أغير جو و أطلع زيارات
    ومناسبات وبالي جدااااا مرتاح و أحس إني فعلاً بديت أحس بالحياه
    وطعمها و أستمتع بشبابي و أهتم بصحتي ...
    و الدراسه حبيبتي خلاص إذا الأن مايمديك تكملينها لا تندبين حظك
    و لا تدققين ع الأمور السلبيه و تخلينها محور إهتمامك فكري بالإيجابيات
    بحياتك و فكري بإنك تملكين أشياء كثيره غيرك محروم منها
    هالأفكار لا تعمقتي فيها ماراح تستفيدين شي بتكبر براسك
    و بتأثر على نفسيتك و ماراح تطلعين بنتيجه غير المغثه و الكدر !!
  5. @mskoy

    احمدي ربك على النعمه
    كل اللي وصولوا ثلاثة وعشرين ولاتزوجوا يوسوسون انهم يمكن مايتزوجوا

    كل ابن ادم كذا
    اذا تزوج بدري قال ليتني عشت عزوبيتي
    واذا تأخر قال ليتني اتزوج واستانس

    اذا جاه عيال بدري تحسف على التعب وقال ليتهم تأخروا
    واذا تأخروا راح للمستشفيات يدورهم!


    يعني ماحد يرتاح
    وهالوسوسه اللي تجيك من الشيطان عشان يحزنك
    لكن كل ماجاك احمدي ربك واشكريه وتذكري ان غيرك يتمنونه امنيه

    الله يرزق بناتنا وبنات المسلمين بالازواج الصالحين

تابعي تجارب أخرى من هذا القسم.