هل انتي من مؤيدي الخدم ام لا ...

صراحه ما اعتقد اني اقدر اعيش بدون خدامه

الله يخليهم لي ويخليني لهم لولاهم مدري شلون بعيش لووووووول

يمكن لاني من انخلقت ع الدنيا وعندنا خدم .. عشان كذا ماقدر استغني

وشي حلو للي عندها القدره تعيش بدونهم بس بالنسبه لي ما اقددددددددددر

ورحم الله امرىء عرف قدر نفسه

انا عشت ببيت من خدامه في خدامه واحيانا خدامتين
وتزوجت وتبهذلت جدا اكره جدا الدولاب اذا تخربط اعصب متعوده عالترتيب بدون مااتعب
تعبت مررره لاني مو عارفه اسس اداره البيت وتنظيفه وحتى الطبخ لان امي كانت تطبخ والشغاله تنظف احنا البنات نتكشخ بس ونتبهذل لما نتزوج
تعبت سنين بدايه زواجي وجبت شغاله وفتره وجودها ماارتحت ابدا ولاتنظيفها يريحني صرت اقرا مواضيع وربات البيوت وتنظيمهم واشوف قناه الاردن ماشالله يجيبون دايما ربات البيوت واشياء تتعلق فيهم
المهم صرت احب بيتي وبديت اهتم فيه وباثاثي وتخلصت من الشغاله والحمدلله لي حول السنه بدونها جدا مرتاحه
كرف وتعب لكن له طعم والله ويازين البيت فيه انتي وزوجك و اطفالك بدون دخيل

اتمنى لو فيه شركات شغالات بالايجار بسعر رمزي زي برا
لان احيانا تحتاجهم الوحده بفتره حمل او ولاده او مرضت او عندها اختبارات او ضيوف ووو الخ
واستغلال بشع من الشغالات الغير مرخصات الشهر 2000 ريال وهي تنظيفها اي كلام وتجيك معصبه نفسها بخشمها

لالالالا ااكره طاريهم وما اتطمنلهم رغم امي دايم تقولي اخذ خدامتها تساعدني لكن مااتطمن لشغلهم احب اشتغل كل شي بنفسي رغم اني عندي اطفال وبيتي متوسط بس الحمدلله منظمه وضعي ووقتي ....

الا أؤيد ونص بعد معللليش
بيت مع الأطفال ماينفع ترتيب اسبوعي او شهري يبي له ترتيب يومي واحيانا الكنس مرتين و3
والحمامات غسيل مرتين خصوصا للي دقيقه وماتتحمل ابد الوصخ


هذا غير الكوي والغسيل والمواعين والطبخ والنفخ
واولا وأخيرا ترجع للمرأه نفسها اذا تقدر تلحق على شغل البيت وتكون نظيفه وعلى سنقة عشره لزوجها ولالا
ولا بطيئه ودقيقه وماتلحق فلا قابلت زوجها ولا خلصت شغلها ولاجلست مع اطفالها مساكين ضايع يومها بين ملابس وحمامات ومواعين !
وبينما من باب ااولى المرأه تتفرغ تماما لاولادها تحاورهم تلاعبهم تلاطفهم مايكون خلقها ضيق عليهم
عشان سله كوي
ولا مجلى مليان مواعين
ولا بقعه عالارض
هذي من واجبات الشغاله وانا لي الاهتمام بزوجي وتربية اطفالي بفكر رايق مو مشوش:15:
لي الاهتمام بديني وتثقيف اطفالي
لي الاهتمام بجسمي وعنايتي بشعري
وممارسة هواياتي
أداء الواجبات الاجتماعيه مع الكل على اكمل وجه مو اروح للناس يدي فاضيه او بحلى مش حالك
بحجه ماعندي شغاله
او ما افتح بيتي للناس عشاان ماعندي شغاله
او اروح للناس مبهذله ومنهد نفسي عشان ماعندي شغاله
وش حادك ؟؟
ليش مكلفه نفسك فوق طاقتها
ربنا لاتحملنا مالا طاقه لنا به !




وهذا مو معناتها اهمالي للبيت بالعكس
ملابس وملابس زوجي ماتلمسها
جناحي ماتجيه
الطبخ مسؤوليتي انا وبس
اطفالي لي مو لها هي لها التنظيف فقططط
وحتى الاشراف عالترتيب من مسؤوليتي
واحدد لها وقت الشغل وقت دخولها بغرفهتا بجية زوجي عشان آخذ راحتي سواء باللبس او لمجرد السوالف


الخدم نعمه
بس الطامه في ترك كل المسؤوليات عليها بما فيها اخطر شي تربيه الأطفال وهذا بنظري ام مجرمه بصراحه :(


وبالاخير كل حرمه وقناعتها وهذي قناعتي وتختلف الظروف


الله يرزقنا بالطيب منهم يااارب

عفوا مكرر:wink2: