شاركي في النقاش

سجلي الدخول لإضافة تعليق.

التعليقات

104
  1. @thbaaa_ngd

    صاحبة الموضوع
    اشكركم جنيعا على ردودكم الله يوفقكم جميعا ... ياحبي لك يام ابراهيم والله ماني صغيره ولا كبيره بالخمسين واول ولد لي وولدي نفسه متضايق من تصرفها وانا اللي طلبت منه مايضغط عليها اذا قالت له نروح تعالوا والا اتركها براحتها لين يمر ست شهور اذا ماجت الا بالاشهر فبكيفها ياوليدي وانا ماعندي بنات كلهم عيال الله يخلي لي ولكم وكنت اتمني تصير لي بنت اطلع وادخل انا واياها والبنت قويه وفوق هذا شكلها تسمع لامها لكن اللي انا مستغربه له ان الواحد مايسوي كذا الا لو شاف شيء انا اذا دخلت على طرت فيها ولا اقول الا يابنيتي وولدي الحمد لله يجيني ويكلم >>> بس فيه شيئ غريب يوم وداها ولدي لاهلها وقال ابدخل اسلم عليهم طلع له الاب والام قالوا بالحمام يجي نص ساعه وطلع ويم جاء ياخذ زوجته بالليل قالت لاتجي انا طالعه انا وامي وتمر فيني ...ومن بكرا قال ابسلم قالت طالعه فايش يفهم من هالتصرف انا جدا مستغربه وولدي يسالني يقول كل الناس كذا يمه قلت بالعكس يابوى الناس يفرحون بزوج البنت <<<< وعلى فكره هم عارفين بعض قبل الزواج ومقتنعين ببعض بس هي تغيرت مدري ليه <<< وبالنسبه لاختي اللي تقول خليها رسمي ليه هاذي من العيله صارت وشلون نعاملها رسمي بس شكلها تبي تفرض علينا هالشيء ...... مازلت اتمنى النصائح والردود منكم ....تحياتي
  2. رند الحنونة
    جت حيها الله ون مجت مكيفها اهم شي ولدك يجيك وبعدي وش تبينبها لجت تبي تجلس كنها ضيفة وانتي تبي تبلشين بطبخ ونفح بنات الحين الكفتك شرها هذي اكبر خدمة تحسبي زي ايام قبل ناس قلوبها نضيفة مع بعض وجمعات ووناسة
    كم مره زارت أهلها في الشهر هذا ؟؟؟؟ خليها على راحتها ولاتعزمينها ولاتسألين فيها خليها ومرؤتها شوفي عاد متى تجيك وإن ماجات يكون أريح برضه أهم شئ ولدك مايقطعك .....
  3. @madam_k

    توها عروس خليها لما تتأقلم عالوضع
    لسه ماتدري وش المفروض
    اذا ودك كلمي ولدك واعزميهم على قهوة
    والا اصبري وشوفي

    اذكر يوم تزوجت طقتني البوهه
    حياة جديدة
    تلاقينها مشغولة تكمل الاشياء الناقصة في البيت
    وشخص جديد عليها عايشه معاه
    وكانها طالبة اكيد مشغوله بدراستها
    لاتلومينها
    في بيت اهلها ماتعودت على الالتزامات الاجتماعية
    ليتك خالتي كان نشبت لك كل عصرية😄😄
  4. ظباء نجد
    اشكركم جنيعا على ردودكم الله يوفقكم جميعا ... ياحبي لك يام ابراهيم والله ماني صغيره ولا كبيره بالخمسين واول ولد لي وولدي نفسه متضايق من تصرفها وانا اللي طلبت منه مايضغط عليها اذا قالت له نروح تعالوا والا اتركها براحتها لين يمر ست شهور اذا…
    والله شوفي ياختي الكريمة

    ليالي العيد تبان من عصاريها البنت واضح ماتعرف السنع لاهي ولا اهلها والحق عليك اللي خطبتي لولد


    من ناس مثل هذي النوعيه


    المهم ماعلينا وقعت الفاس بالراس الواضح ان هذي الزيجه ماراح تعمر الا في حاله وحدة اذا ولدك اصبح

    خروف توديه وتجيبه المفروض من البدايه مايسكتلها وش ماتحضرين ملكة ولدك قلة ادب هذي ولاعمرها

    صارت عشان كذا انا اقولك خليك بعيد ولا تدخلين ولدك اما بيتحمل تصرفاتها ويسكت وانا ما افضل هذا الحل او بيشوف ان الوضع ماهو طبيعي وبيطلقها

    لو كانت وحدة سنعه ومتربيه تجيك صباحية عرسها تسلم عليك لو كان ولدك لها تقدير بعينها كان قدرته وجات تسلم عليك

    هذا اللي اعرفها وهذا اللي تربينا علية ان ام زوجك مثل امك لها التقدير والاحترام والحشيمة حتى لو كانت غلطانه عليك كيف هذي ماتستحي لاهي ولا امها اللي ما احسنت تربيتها


    هذي حبيتي جايه سامعه نصائح بعض البنات خلي علاقتك مع اهل زوجك علاقه رسميه

    وشلون تصير رسميه وحدة بتصير ام عيالنا كيف تصير العلاقه رسمية من جد شي يقرف

    ياشيخه انفعت مرارتي اكره هذي النوعيه من الحريم لاني قبلك انبليت بمرة اخو من نفس هذي العينة

    والله ماتدخلنا فيهم هم انفصلوا من حالهم والحمدلله اخوي تزوج والله وفقه وهي تزوجت وتطلقت وشوفيها الحين مطلقه اللهم لاشماته بس الواحد ياخذ درس من الحياة ويعرف ان الدنيا دوارة مهما كان

    قالها علية الصلاة والسلام اظفر بذات الدين تربية يداك

    حنا لاجينا نخطب السؤال الوحدي حلوة ولا ماهي حلوه وبعدين عاد تطلع العذاريب


  5. @raond_2014

    ظباء نجد
    اشكركم جنيعا على ردودكم الله يوفقكم جميعا ... ياحبي لك يام ابراهيم والله ماني صغيره ولا كبيره بالخمسين واول ولد لي وولدي نفسه متضايق من تصرفها وانا اللي طلبت منه مايضغط عليها اذا قالت له نروح تعالوا والا اتركها براحتها لين يمر ست شهور اذا…
    وه فدييييييت طيبتك ليتك عمتي
    المهم
    عشان تحرجيها وتعرفي معدتها سوو عشاء لهم
    واتصلي عليهم قوليلهم انا مسويتلكم عشى يالعرسان بمناسبة شهر العسل
    وقولي انا خلاص رتبت اموري واليوم الفلاني تجو
    اذا اعتذرت او شي اعرفي ان مقصدها ماتبغى تختلط معاك و وقتها اسحبي عليه وعلى اسلافها
    وماعليكي الا من ولدك اعزميه وخليه يجيك وسولفي وتقهوي معاه لين تشبعين منو
    اما بالنسبة انهم ما يقابلو ولدك فـ هذي عيب بحقهم انا زوجي يضربني ويهيني ومع كذا اهلي يحترموه وان شافوه بعيد سلمو عليه
    احترام زوج البنت مفروض في مجتمعنا
    سوي الي قلتلك عليه وان شاءالله تطلع بنت حلال
    وتصيرلك بنتك الا ماجابها بطنك

تابعي تجارب أخرى من هذا القسم.