بعد الولاده

هذا كله عشان ماتنامين زين اسأليني بس راح تتعودي قله النوم هي اللي تجيب القلق والتوتر

الف مبروووك البنووته تتربى بعزكم ياررب


بالنسبه لوضعك طبيعي كل وحده بالنفاس تمر فيه
اذكر اختي لما ولدت اجيها تبكي وتعبانه نفسيتها مثلك ومع الايام ومع الجمعه والناس تعدلت نفسيتها
دام خواتك عندك حاولي تنبسطين معهم وتفكرين كيف تغيرين شكلك بعد الولاده وتاخذين رايهم
عيشي جوك وانبسطي فتره وتروح تطمني

الف الف مبروككك العروسه والحمد لله ع سلامتك 
والله ي اختي انتي بنعمه غيرك محروم منها غيرك نفاس بدون طفل غيرك تتمنى تكون نفاس غيرك ماعندها احد يقوم فيها وا وا ،،،،،،الخ استشعري نعمه الله عليك راح تمر الايام وتصير هذي الايام ذكرى لك بس خليها ذكرى جمليه انا مااشوق شي يخليك تتضايقين خواتك يساعدونك واهلك حولك وانتي بصحه وعافيه هذا كله من الشيطان يوسوس لك 
اذكري الله وسوي لك برنامج رباني اول ماتقعدين الصبح اذكار وبعد الفطور اقري قران لو صفحه لو اسطر لان زي ماتعرفين الحين برامج القران تتحمل ع الجوال وبعدين اجلسي اشوي مع امك وخواتك ولعبي طفتك لين الغداء تغدي ونامي شوي اقعدي العصر تكشخي انتي وطفلتك وانبسطي مع الناس وبعدها ع المغرب اذكار المساء واجلسي مع اهلك  والعشاء بعد لاتنسين تكملين قراءه من القران وخلي اغلب وقتك يتخلله ذكر الله خلك مابين تسبيح وتهليل وتكبير واستغفار وقولي كيف صرتي بعد هذا النظام 
والله يقومك بالسلامه 

ذكرتيني بنفسي كنت مجنونه يوميا ابكي ومدري وش السبب! 
كنت اعد الايام عشان ارجع البيت ابشرك بعد اذا رجعتي بيتك بتنعاد حالة الاكتئاب نظرا للاوضاع الجديده الله يعينك

ياقلبي شئ طبيعي أنا بعد مريت بها الحاله
لاتستسلمين لها شيلي من بالك هالافكار واطلعي مع زوجك مولات ومطاعم بتتغير نفسيتك
واهم شئ تاكلي وتنامي كويس
وصدقيني كلها كم أسبوع وبترجعين لحالتك الطبيعيه