فيه احد زيي في زوجها نقص او عيب خُلقي بعقليته وصبرت وتغير !

حرام ساعديه المفررض تغيرينه وتنصحيه
بقولك تجربتي

انا زوجي لقيت فيه عيوب تضايق
مهمل بنفسه عشان يسعد الناس الي حوليه لا يشتري لنفسه و لا يرفه عن نفسه
طاح بديون ليين راسه و حالته مزريه جدا
صحته اهملها لين زاد وزنه 50 كيلو
طيييب طيييب لحد الي حوليه يستغلوه
ع فكره كان متزوج قبلي وحده و كانت تشوف عيوبه لدرجه هاجرته و خانته ليه لانه يشخر دب طيب لحد السذاجه فلاخير طلقها وهيا شايفه انهاا تستحق احسن منه والحقيقه الرجااال من سيئ لاسوا وهالشي حطمه نفسيااا

لما ارتبطت فيه لقيييته شخص محطممم جداا ونظرته لدنيا سودااا و مهمل نفسه لابعد حد

الي سكتني لقيته طييييب و رحيييم جدا مع سلبياااته الكبيره فاستغليت هالشي لني ماراح القا رجال قلبه طيييب و يقدس الحرمه الحمدلله قدرت اغيرها و مازلت
الطيبه قلتله يغيرها و يكون في حدود لاي شخص لا يفتح قلبه لاي احد مو كل زميل سار صدييق
يوقف اي احد عند حده
الديون سوينا سوا برنامج نخلصه حبه حبه الراتب قسمناه و حددنا كل شي لايش و وين
قلتله يدخل نادي ليه معرض نفسه لسخريه قال ماعندي حق نادي قمت اعطيته هديه اشتراك سنه كامله و خليته يشتري لبس رياضه و سويت له برنامج دايت واشرف انا عليه
وتحديته قدام اهله و تراهنا علا هالشي ومتحمس جدااا

الشخير كان سببها اللوز متضخمه وسوا عمليه و شالها

الشياكه دايما اقول احب الشياكه احب تقص القصه الفلانيه تلبس اللبس الفلاني احب تسوي كذا وكذا ما احب الشخص الي يسوي كذا اشتريله هديه احب اشوفها عليه لما يشوف شي عارف مايعجبني ينتقص نفسه ويقولي اقوله انتا بعيني كل شي انتا احلا شي بعيني
كان يقولي انا دب وعارف اني مو عاجبك اقوله تقدر تخسر وزنك انتا اصلا اجمل اخوانك بس ظالم نفسك قال انا ربي خلقني كذا قلتله مانخلقت دب بس اهمالك لكن انا بساعدك انا احبك اخاف عليك من الامراض ما ابغا يسيرلك شي ابغاك معااي ومن هالكلام الي يوعيه

قلتله ابغا الناس تقول عنا وراء كل رجل عظيم امرءه ابغا الناس تقول عنك عظيم لك كلمه ومكانه


دايما امتدحه عند اهله قدامه ادعيله قدامهم و قدامه اقولهم انه اجمل واحد بس يستنووو لحد مايوصل لوزنه الطبيعي
اقول لاهله قدامه كييف ماشالله طموحه وايش يشوي
وكم نزل من وزنه الحمدلله نفسيته تحسنت وثقته زادت

الان حمدلله دايما يقولي انا نولدت يوم عرفتك انا شفت الحياه معااك ليتني عرفتك من قبل

حاولي ترا بايدك تغييريه

الله يعينك 
الكسل مشكلة واسبابه كثيرة 
ياحاله نفسيه يا اكتئاب 
ربي يشفيه 
واهله مهما كان المفروض مايزيدوها عليه 
ممكن يبي له احتواء فقط
هو كيف في ايام الملكة وشهر العسل معقولة كدا 
ومانتبهتي له

ماشاء الله عليك ونعم الزوجه الصالحه ربي يتمم عليك ويسعدك 👍 ليتك ياصاحبة الموضوع تستفيدين منها احس هالانسانه قلبها كبير وعقلها كبير بارك الله فيك .


😞 أني مسني الضر وأنت أرحم الراحمين 😞

وليه ماتدافعي عنه والله اسكتهم اقولهم الا زوجي ابو عيالي احد يغلط عليه قدامي واذا كان احد اصغر منه اقولهم عيب احترمي الكبير وكذااا اما اذا ابوه وامه اقولهم معليش يمكن قصده كذا و لا كذا والطف الجو المهم خليك معاه في الدفاع مو متفرجه زي الباقي لانك تقولي انه ضعيف مايقدر يدافع يمكن يحتاج احد معاه ويتشجع حراام والله احسه بس يستنا احد يمد له ايده

احس انه مو انسان طبيعي تماما
يعني فيه مرض نفسي او روحي ، ما احس وضعه طبيعي ابد
يعني الطبيعي لو انه يشوف زوجته مو متقبلته واهله مو متقبلينه بيطلقها وبيشتغل بمنطقة بعيدة ويسكن فيها
ويفتك من كرههم واحتقارهم

تعاطفي معاه اولا ، وابحثي عن حل عند استشاريين
ماعجبك الوضع تطلقي ولا انك تقعدين معه وانتي محتقرته بس اسم انك متزوجة!
هو انسان اولا واخيرا ومن ابسط حقوقه يعيش مع زوجة متقبلته