ممكن يكون مثل زوجي صارت لي قصه مشابهه ، انا بأول زواجي يادوبي عروس رحت عند اهل زوجي اسبوعين و كان عندهم لاب توب كلن يستخدمه بس لان زوجي ما جاب معه جهازه و أغراضه صار حاط الاب توب عندنا في الغرفه و يستخدمه طول الوقت و اذا جاء بيطلع او بيروح قالي استخدميه اذا احتجتيه و انا بطبعي ما احب استخدم اغراض غيري و قلت له ما عندي حوجه فيه خذه بره ممكن يحتاجونه أهلك و هو يقول لا خليه عندك واذا احتاجونه جو ياخذونه من عندك، ما حطيت ببالي السالفه ، بعد كم يوم و انا في الغرفه اسمع اخت زوجي تسأل زوجي ممكن آخذ الاب توب و يقولها اسألي زوجتي لو ما تستخدمه خذيه ، مع انه يدري اني ما استخدمه والله ما لمسته من يوم جابه بس هو اعتبر اي شي في غرفتي ملكي و لازم يستأذنون قبل يحركونه من مكانه ، كان الوقت متأخر و ما قدرت اطلع اعطيها الجهازو أخته استحت تدخل وما حبيت ابين لزوجي اني سمعت الكلام و بكره ما طلعت من غرفتي الا على الظهر و تلاقيني اخته الثانيه و تقلي بكل ادب و حياء اذا ممكن جهاز الاب توب شوي بستخدمه ساعه وارجعه لك لاني عندي بحث و تسليمه بكره و احتاج اشياء منه، عيوني صارت كبر راسي والله تمنيت اني اروح اصفق زوجي على الموقف المحرج اللي حطني فيه ، تعرفي كأني ماسكه الجهاز و اشتغل عليه 24 ساعه او انه ملكي الشخصي و انا ما كنت قسم بالله المسه و مرمي طول الوقت في الغرفه ، و في المساء استنيت الين الكل اجتمع و جلس و حتى زوجي موجود، و قلت لاخت زوجي ها كيف بحثك؟ و قالت تمام قلت لها ترى الاب توب مرمي بالغرفه طول الوقت و اخوكم هو ما يبيه يطلع بره يبغاه يكون عنده طول الوقت و انا قلت له يخليه بره لانه في غيرك يستخدمه و انا والله ما استخدمته ابدا، يا فلان شفت حرام عندهم اشغال مهمه عليه بالله عليك لا تخليه بالغرفه انت لو بغيته خذه و رجعه على طول ، و فعلا قال صدقتي ومن يومها ما عاد جابه عندي الا اذا بيستخدمه و يرجعه، و الحمد لله انحلت
معليش طولت القصه بس علشان اوريك انه في اشياء تصير بدون قصد و تسبب سوء فهم و يكون الشخص ماله ذنب، و لو ما سمعتهم يتكلمون و تصرفت و انقذت نفسي من الموقف البايخ كان الى اليوم كلن يفسر الموقف بهواه
زوجته واخته
متابعة النقاش، صفحة 10