علاقة امك بأبيك ... هل هي مثاليه !!

انا واخواتي تأثرنا جدا جدا بعلاقة ابوي الله يرحمه مع امهاتنا ( تقدرو تقولو تعقدنا مانثق فالرجال ابدا ونستغرب لما نشوف رجال حنونين على عيالهم) حتى اخواني تأثرو بس طلعو العكس مع عيالهم مرره حنونين م شاءالله
علاقة كانت جافه مابينهم شي حتى كل واحد بغرفه نجتمع عالأكل بس واشياء كثير مابغى اذكرها طبعا لأن ابوي معدد وامي ماكانت تسوي الا الواجب

شي ماذكرته انو شاكين ان ابوي الله يرحمه مسحور عن عياله لانه كان يشكي للرجال انه لاجاءعندنا يتغير ومدري بالضبط ايش يصير فيه والحين امي وعماتي (زوجات ابوي ) مرتاحات ولله الحمد

مثاليه ام حنونه ومحترمه ابوي أصل الحنان في الدنيا الله يرحمه مايفرق بينا اوﻻد او بنات وتعامل بينهم مبني عالاحترام ماذكر شفت احدمنهم معصب بس لما تزوجته حسيت مثاليه امي وابوي مالها وجود 

يارب لك الحمد علاقتهم كويسه اكيد في كل بيت مشاكل بس طبيعيه
وكان دايم يناديها باسم الدلع واسمها محفور بدبلة بس ماكان يلبسها هههههه
ابوي وامي ولله الحمد متعلمين واكيد هالشي اثر كثير بعلاقتهم يتعاملون مع بعض برقي مهما كانت المشكلة

والله امي وابوي الله يرحمهم كانوا مع بعض زي العسل وخصوصا ابوي امي كانت مريضه وكان دايم يراعيها ويسوي شغل البيت والله حتى الحبوب كان يفك حبه حبه ويأكلها وطاحت مره وانكسرت رجلها وانا صغيره كان يوديها الحمام الله يكرمكم ويروشها ويلبسها ناس قالوا له يتزوج مدامها مريضه ورفض بس الله يرحمه مات قبلها في حادث دهس وهي ماتت بعده بكم سنه من المرض الله يرحمهم ويغفر لهم ويجمعني بهم في الفردوس الاعلى
اشوف في ابوي المثل الاعلى واي شي اشوفه في زوجي ماهو في ابوي اتحطم كان نفسي يكون زوجي نسخت ابوي