السلام عليكم ورحمة الله بنات واسوني وادعوا لي نفسيتي جدا تعبانه وماتهنيت بشي ياربي رحمتك ولدت ولاده قيصريه للمره الثانيه المره الاولى الجنين مانزل للحوض وتبرز ببطني والمره الثانيه الجنين جالس وماتعدل وخافوا عليه انا تعبانه نفسيا حتى نفاسي مو ذاك الزود
بسالكم هل فيه امكانيه اولد طبيعي بعد قيصريتين خصوصا ان نسبة خطوره انفجار الرحم بعد العمليه الاولى 1% وبعد العمليه الثانيه 5%
وابذكر لكم قصه لعمتي قبل 30 سنه كانت والده قيصري بالطول وحملت بعد سنه ونصف وجت تولد قالوا لازم عمليه هي رفضت تماما وزوجها تدخل وجاء الدكتور وعطاها ابر توقف الطلق لان حجم الحوض زين وراس الطفل نازل بالحوض ووقفوا لها الطلق وصار الرحم ينفتح وبعدين شفطوا ولدها يعني قبل 30 سنه كانت ولاده قيصري ممنوع بعدها طبيعي طيب انا اسمع حالات الحين تولد طبيعي بعد قيصريتين وش رايكم ادخلوا واسوني نفسيتي تعبانه ولا اهتميت بنفسي وبنفاسي بس ابكي
دعووووواتكم
شاركي في النقاش
سجلي الدخول لإضافة تعليق.
التعليقات
55- اول شي الحمدلله على السلامة والحمدلله اللي رزقك بالطفل المعافى السليم هذا اهم
شي ،،، والحين توك والدة ومكتئبة وضايق صدرك تفكرين بالولادة اللي بعدها الله يهديك
وسعي صدرك وتوكلي على ربك
انا اعرف وحدة ماشاء الله جابت سبعة قيصري ومافيها الا العافية
فكري بالنعمة اللي بين يديك وخلي بكره لرب العالمين يصرفه بالخير لك ان شاء الله - وسمعت ان فيه اطباء يقدرون لك قوة الرحم هل هو سميك ولا خفيف اذا سميك عطوك فرصه للطبيعي اذا خفيف قالوا خلاص عمليه
noooonaaaaaaaa وسمعت ان فيه اطباء يقدرون لك قوة الرحم هل هو سميك ولا خفيف اذا سميك عطوك فرصه للطبيعي اذا خفيف قالوا خلاص عمليه
الحمدلله على السلامة
لا تفكرين بالأمور الحين
الله يفرج لك ويشرح صدرك
انتي توك نفاس
الحمدلله القيصرية نعمة من ربي وفرج للي تتعسر ولادتها
كثير حريم جابو عيالهم قيصري مافيهم إلا العافيه
الله يهون علينا ويييسر ولادتنا- الله يرحمنا برحمته
- ياحبيبتي لايضيق صدرك هذا ربي كاتبه لك وماتدرين وش الخيره
انا ولدت 3قيصري صحيح بالبدايه ضاق صدري
بس الحمدلله على كل حال ثاني حمل لي حاولو يولدوني طبيعي يوم كامل وانا اطلق طلق صناعي معطيني وكنت اصيح ابيهم يسوون لي عمليه يوم شافو نبض البيبي قل وتبرز دخلوني العمليات حاولو بس ربي ماكتب هونيها وتهون وادعي ربك
ماتدرين تولدين طبيعي المره الثالثه
مواضيع مشابهة
تابعي تجارب أخرى من هذا القسم.