اللي عندها بنات وتتمنى ولد تعالوا نفضفض

حسبنا الله ونعم الوكيل على ذولي المرضى

سبحان الله مثل حالك ... بس المشكله لما تبتلي بام زوج تلزمك تجبين ولد ... ناس بيها الحسره عالذريه وهذول يعترضون على مشيئة الله وقدره ..

الحمد لله على كل حال ولا حول ولا قوة الا بالله

والله الناس كذا ماراح تتركك سوئ جبتي بنات او عيال لازم يتكلمون شوفي اللي عندهم عيال يقولوا ليت ربي يجيب لك بنت والله عني اتمني خلفتي بنات الزمن ذا ماينفع الا البنات ولا يهتم الا البنات العيال يلهون بالطلعات والروحات والجيات والله يصلح لنا ولك ترا البنت تعز امها ويكون لها هيبه في المجلس بكره لاكبرتي مال احد منه عليك.

في الحمل الاول ربي رزقني ببنت
انا والله كنت ادعي ان ربي يرزقني بنت
وكنت خايفه ان ربي ما يرزقني بنت ولكن اعطاني ياها بأول حمل وربي يكريم يعطي من فضله لعباده

ووحده عجوز ما تطيق البنات وتحب الي تخلف اولاد مره شافت بنتي قالت لي لو هذي عندي كان حطيتها في الزباله ..... انا وربي ما ادري وش اقول كان ودي اقول كلامك والله ينحط بالزباله بالعكس بينت لها انها جوهرتي الي ربي رزقني ايها

ربي يحفظها لي ويسعدها ويجعلها من عباده الصالحين

شوفي خالتي ام زوجي جابت اولاد وأختها جابت بنتين
خالتي عيالها تزوجو وراحو كل واحد بمدينه والولد اللي عندها كل يوم وهي تهاوش مع زوجته
اما اختها تزوجو بناتها وطلبت ان الصغيره تعيش معاها وصار زوج بنتها مثل ولدها وزوج بنتها الكبيره سكن جنب أمها لان ماعندها اولاد وصارت خالتي بس تغبطها لان بناتها بعد جابو اولاد وعايشه بين بنتين احلا حياه
شوفي الانسان ماله الا الرضى واللي يسمع كلام الناس ضعيف لازم تقوين علاقتك بالله وصديقتي كلهم بنات خواتها والصغار اولاد لما كبرو الأولاد تعبو من تربيتهم صعبه بس الاب والام يقولون البنات الكبار ساعدونا كثير بتربية الأولاد ماتدرين لو بكرك ولد وشلون وضعك انا بكري ولد متعب العايله كلها بس اتمنى يعقل ويدرس ويعتمد على نفسه يبي يصير الكل بالكل منكد علي انا وابوه والله ساعات اقول سبحان الله الانسان يبي الأولاد وهم غثا وتعب .