عمري داخلة بالثلاثين و لا عمري طبخت وما اعرف اسوي ولو اكلة وااااحدة

والله كلنا مرينا اننا مانعرف نطبخ مافيه احد يولد متعلم عادي وانا اكبر دلوعة عند اهلي ولاعمري سويت غير كوب شاهي بس جيت عند زوجي اخت زوجي الله يخليلها عيالها ماقصرت علمتني الأساسيات وانا بعدين صرت ابدع صرت اتعلَّم من اخواتي وامي والنت وصرت ابدع واخترع آكلات بعد ولا كنت افكر أني بوصل لهالمرحله لاكن كثير حريم تعلمو الطبخ ويشتكون ان أكلهم مو حلو بس الطبخ وهاذي نصيحه مني اقدمها لك وماابي منك غير دعوه ماتاخذينه الطبخ على انه واجب لازم تسوينه لا خذيه هوايه تحبينها عشان تتقنينها وتصيرين تفتنين فيها خلي كل شي في الطبخ يأخذ وقته واهم شي النظافة عشان تصير الطبخه حلوه والاخلاص اهم شي في الطبخ شوفي قناة فتافيت بعد وتعلمي أبدي بالاشياء السهله وشوي شوي أبدي بالإصعب فالاصعب اعتبري نفسك طالبه توها في اول مرحلة طبخ وحتى لو مااتقنتي حاولي الين تتقنينها ممكن مره مرتين تكبينه في الزباله تكرمين بس لاتيأسين جربي وجيبي اشياء في المطبخ تساعدك قطاعة بصل كهرب خلاط كهرب طاحونة عجانه كهربائية ولو تبين اي شي اسألي البنات هنا ماراح يقصرون

اعرف وحده الي هي انا هههه
ماكنت اعرف اسلق بيضه
والحين تبارك الرحمن
ادخلي ملفي حلال عليك
كل الي فيه

اهلين يالغاليه ..

اول شي واول نصيحة لك لا تخلين زوجك يتعود عى اكل الطباخ ..

لان بعدين راح يصعب عليه يتقبل تجاربك وابداعاتك فيه هههههه..

ثاني شي هالقسم اكيد ماوجد الا عشان نتستفيد منه .. انتي شوفي اي طبق بتسوينه واكتبي خطواته بكل حذافيرها وطبقيها ومع التطبيق بتحفظين اكيد .. ولو يصعب عليك اي شي عم قوقل مايقصر حتى لو تكتبين له كيف اقطع البصل للكشنه يعلمك ههههههههه ..

ثالث شي اكيد راح تضبط معك طبخات وطبخات لا ومقادير ومقادير لا .. لان مو كل شي يكتب بالكتب او الانترنت يجي على اذواقنا !
فخلي معك دفتر واول ماتسوين طبخه وتضبط معك سجلي جميع خطواتها لك ... وارجعي لها ..

ورابعا واخيرا .. لما تتعلمين الكبسه مثلا .. كرريها لمدة اسبوع ع الاقل لين تضبط معك لو فشلت المره الاولى والثانيه تضبط بالثالثه وهكذا لين تصير مضبوطه معك .. بعدين انتقلي لطبخه ثانيه وهكذا ..

وصدقيني مافييه اسهل من شي اسمه * طبخ * لان الطبخ ماله قانون ولا اساسيات ..* اغلب الطباخين يبتكرون طبخاتهم من التجارب



بالتوفيق لك ..

😆😆 ياحظك ..
انا من عمري 15اسوي كبسه هههههههه ومكرونه واشيا خفيفه
الصراحه ادا زبطتي الكبسه الباقي سهل ولا يهمك ☺️
لانو في تشابه بالاكلات .. الحين صرت اخرف وصفات من راسي
اتطورت 😝 ..
بالبدايه رح تتخوفي وبعدين حبه حبه وكلشي يزبط
وقبل لا تطبخي انويها لوجهه الله
وخلي نفسك طيب ونفسيتك عاليه
والنت ملياااان وصفاااااات تفنني حبيبي وورينا ابداعتك
انا كنت اكرهه العجينه واي شي يلزق باليد واول بيزا سويتها لزوجي انقلب نصها
واليوم الثاني رحت بسخنها حرقتها 😝 الحياه تجارب
علمني واعلمك ❤️