بنات محتاجتكم في ايدام البيض وصواني الخضار

طؤيقتي لإيدام البيض ..

بصله

طماط

بيض

جبن

البهارات : ( ملح _ كاري _ فلفل اسود ) ..

الطريقه .. ع النار ضعي قليل من الزيت والبصل بعد تقطيعه قطع صغار وخليه لما يشقر لونه
بعدها اضيفي طماط تقريبا حبتين صغار ع حسب الكميه مقطع صغير وقلبيه مع البصل واضيفي شوي ماء
وقليل ملح وغطيه حتى يذوب الطماط بعدها البيض وقلبي لما يستوي واضيفي البهارات وآخر شي الجبن شوي بس
حتى يذوب وطفي النار .. وبالعافيه عليك ..

اذا حابه الإيدام يكون احمر اضيفي صلصه طماطم ملعقه مع الطماط ..

أكلات بالبيض :



-مطبق بالجبن

-مطبق بالجبن (المقادير تقديرية)

-طماطه متوسطة إلى صغيره
-1بصل صغير
-شبث لوموجود+كراث بس كثري
-ليمون - بيض تقريبا 2-3 +ملح +ثوم بودره +بهار مشكل +جبن سايل+شرايح مطبق

-في زبديه قطعي الكراث مربعات صغيره والطماط والبصل صغار مره وشوي شبث ولوتحبين كزبره شوي
-حطي ملح+البهار والثوم البودره+رشة ليمون+البيض وقلبي

-أسهل طريقة للف المطبق أنا ماأحبه يكون طبقات كثير
خذي شريحة مطبق ادهنيها بجبن ساايل وع حسب تحبين طعمه واضح كثري شوي أودهن بسيط
وممكن تحطين تشيدر أو شرايح اللي يعجبك
وثم تحطين من الخليط والخليط حاولي البيض مايكون كثير سايل لاتكثرين بيض من الاول انتبهي
-تحطين ع جهه من الشريحه مثلا يسار توزعينه بشكل طولي واصفطي اليمنى عليها تصير معك مستطيله وهكذا صفيهم عندك كمية أسهل لك
وشبي ع شوي زيت في القلاية أو الصاج وابدي حطي وع نار متوسطة إلى هادية لين يتشقر معك واضغطي عليهم شوي بالمغرفه المسطحة وقلبيه لين يستوي وصفيهم في صحن فوق بعض وحطيهم بالفرن عشان مايبرد

وهكذا كل ماجيتي بتحطين كم وحدة رشة زيت عالمقلى أو الصاج وقطعي معه ليمون وذوقي أحلا مطبق



أومليت تورتيلا (نقلتها لك)



المقادير والطريقه :

*4-5 بيض
*(طماط متوسطه,حفنة جرجير,بقدونس,فلفل بارد,فلفل حار أخضر)
نقطعهم ونحطهم بزبديه ونرش عليهم ليمون
+
رشة ملح,ثوم بودره,بهارات مشكل,كمون وفلفل,زعتر,سماق,حبة سوداء
نقلبهم سوا مع البيض والخضار ونحمي القلايه أو الصاج ع نار هاديه
نرش شي بسيط زيت زيتون ونصب مقدار من الخليط بالنص وراح ينتشر معاك ع شكل دائري تقريبا.

ولاتماسك شوي نحط خبز التورتيلا عالوجه ونضغطها من كل جهه
ثم نشيل قرص البيض من تحت ونقلبه ونصفطها وجهين
مع الضغط قليلا حتى تتحمر شي بسيط وممكن تتقطع مع النص ,تقدم وبالعافيه


-شكشوكة

دعوااتك ربي يسعدك

مشكورات
الله يوفقكم ويسعدكم يارب

صينيه دجاج لذيييييييذه
دجاجه مسلوقه ومنتفه وتقليها مع بصل وبهارات وفلفل اخضر وبقدونس في الاخير
بطاط مكعبات مقلي
باذنجان مكعبات مقلي
خيار مقطع
تحطيها بصينيه وتخلطي2 قشطه مع 4 ملاعق كبار جبنه سايله وتصبيها عليها
تدخليها الفرن تحمر من فوق تزين بشرايح اليموون

جربيها وادعيلي...

👍