السلام عليكم .. ساعدوني الله يفرجلكم ..
انا استقدمت خادمه.. ووصلتني لها 46 يوم عندي.. يعني شهر و16
يوم
المعروف ان الخادمه في حاله الاضراب عن الشغل او المرض او اي مشكله فيها خلال مدة الضمان اللي هي 3 شهور
اي 90 يوم.. يعوضونا المكتب .. لكن اللي ماخطرلي عالبال ولا قد سمعت فيها ..ان الخادمه توصلني وهي حامل من ديرتها قبل تجي
طبعا من جت خادمتي وهي دايما تبكي .. واذا اتصلت عالمترجم يفهمني ليش تبكي تقول ان ماعندها شئ وان الامر نفسي عشان الغربه ونها اول مره تترك اهلها..
عقب ماكملت شهر..صار شغلها كل ماله يقل واحيانا تسفهني وكثر صياحها ..سئلتها لو تبي ارجعها المكتب ..قالت استني علي بعد 3 شهور رجعيني ..
تحسبني بقره اذا خلصت فتره الضمان ..ارجعها
كلمت المكتب وقال بيخلي المترجم يكلمها بنبره حاده يأدبها..
قلت لا مابيها ان هي تعبتني وازمت لي نفسيتي بكثره صياحها
قال امهليني 3 ايام بالكثير عقب اخلصك منها
وعدى اسبوع وهو يقول استني علي .لمى صار قبل امس جتني تبكي كن متوفي لها احد ..يوم كلمت المترجم قال انها تقول ان هي حامل
اتصلت عالمكتب وبلغته ..قال روحي سويلها فحص تاكدي
سويتلها اليوم فحص ..وطلعت بالفعل حامل ..
رجعتها المكتب لان زي ماقلت توها مالها وﻻ شهرين ..امس كملت 46 يوم
فقالي المكتب .. ان خلاص مالها حل غير انكم تسفرونها وعلى خسابكم
قلت ليش ..لازم تعوضونا قال ولا نعوضكم
غلطتكم مفروض سويتولها فحص اول ماجت
والمفروض تسوين لها فحص قبل تكمل 45 يوم
لان نقدر نطالب مكاتبهم هناك في ديره الخادمه بالتعويض
بس اللحين مانقدر خلصت مدة الفحص
قلت ليش ماذكرتو هالشئ بالعقد
قال هذا شئ بديهي ..حسبنا الله ونعم الوكيل
من قد صارلها زي هالموقف.. ووين اشتكيه ..وكيف يتم التعويض
ساعدوني الله يفرجلكم ويجزاكم الجنه ..
الموضوع مغلق