آه يا بنات ابي بس كلمة تجبر بخاطري

الاستغفااااار
والدعاااء في السجود
الله يرزقك ويرزقني وكل من تمنئ بالذريه الصالحه

حبيبتي تذكري دايم 
ان الرزق مو بعمليات ولا بدكاتره ولا بمستفشيات 
الرزق عند الله وحده هو من يقول كن ليكوون 
اذا الله كتبلك البركه والرزق فالعلاج راح يرزقك منه 
واذا ماكتبلك كل عمليات وعلاجات الكون ماتنفعك 
ياما سمعنا عن ناس الدكاتره قطعوا الامل لهم وحملوا طبيعي 
الله وحده الرازق الكريم ذا الفضل العظيم 
مااتاهم من العلم الا قليلا وهو يعلم وهم لا يعلمون 
وهو يقدر وهم لا يقدرون 
رجعي الاجنه والزمي الاستغفار والرقيه وسورة البقره يوميا 
واذا كتبها لك ربي الحمدلله واذا ماكتبها احتسبي الاجر 
واستمري على التقرب من الله وصلاة الوتر والالحاح بالدعااء 
علاج بدون جانب ديني لا بيقدم ولا ياخر 
خلي زوجك ياكل خلطة العسل فتره وفيتامينات 
وبعدها جربي العمليه مره ثانيه وان شالله ربي بيرزقك 
لا تياسين مشكلتكم بسيطه كثير حملوا عليهاا
ودام زوجك طيب وحنون لا تفكرين فالطلاق لا تفكرين بالشي 
اللي ماترضينه لنفسك وش فايدة زوج تخلفين منه وهو شرير
العيال بكره يتزوجون ويروحون ومايبقى لك الا زوجك 
لا تفكرين لو بكره يسوي كذا لو يصير كذا 
لو تفتح عمل الشيطان وخلي ظنك بالله حسن 
وحده من قريباتنا زماااان قبل تطور العلم والعمليات 
كان السبب زوجها وعاشوا سنين مع بعض لين مره ابوه مرض
وطلع مع ابوه امريكا ويوم راح هناك عالجوه ورجع 
لكن كانت زوجته كبرت خلااص قالوله تزوج وزنوا عليه
واخوانه زعلوا عليه فتره لكنه ررررررررفض 
قال يااجيب منها يا ماابي اجيب وعاش معها عمرها كله 

ان شالله ان فالكم احسن من فالهم وتخلفين وانتي بعز شبابك 
العلم تطور والمستحيل صار ممكن فكيف اللي مو مستحيل 
وفحالتكم الحمل مو مستحيل 

الله يرزقك الذريه الصالحه والحمل التام السليم عاجلا غير اجل

ام الامير مشكوره حبيبتي الله يعطي كل محروم يارب


حاجة ثانية

مشكوره حبيبتي الله يعطيك العافيه ويجزيك بأكثر مما تتمني

الحمدلله على كل حال اصبر نفسي ومفوضه امري لربي

الحمدلله فشل عمليتي الاخيره قبل شهرين غيرت اشياء كثيره فيني مع اني ملتزمه ومن بيت ملتزم وايضا زوجي لكن احس بامور كثيره تغيرت داخلي للافضل

ننتظر علاج زوجي وبستخير على المجمد لانه بشكل عام فرصه نجاح المجمد قليل بالنسبه للفرش فابدا مو مأمله عليه حتى لو عملتها .

فكرت كثير وزي ماقلتي وش بستفيد من اطفال من غير زوج كويس مشكلتنا برضو اهون من غيرنا

والله يرزقنا وكل محروم عاجلا يارب

استغفري ربك وقولي الحمدلله انا الحمدلله سليمة زوجي عنده الحيوانات المنوية صفر ولله الحمد ولي الحين يمكن 13 سنه ومو راضي يعمل أي عمليه الحمدلله وانا فوضت امري لله والحمدلله اتعوذي من الشيطان وقولي الحمدلله وان شاء الله تبشرينا قريب باذن الله بحملك يارب انتي وانا وكل محرومة يارب

اختي كل الردود فيها قصص وعبر لك ولنا وتذكري دايما ان الدنيا هذي محد فبها خالي من الهموم ابداااا
ولما عمرها كملت لأحد ابداااا
انا لي سبع سنوات وانا سليمة مافيني شي وزوجي صفرررر وتحاااليل ومراجعات اخر شي استسلمنا وسوا عملية فتح والحمد لله لقوا حيوانات وجمدوها
انا الشهر الماضي سويت انابيب واسبوعين انا واتردد على المستوصف اضرب الابر وتخدير وغثا والحمد لله على كل حال ما نجحت
كل هذا ولا مخلوق بالدنيا يدري حتى امي ماابيها تشيل همي

شفت ردك في التجمع انه صرتي تتحسسين من الناس وربي كأنك توصفين شعوري
انا صرت أكلم نفسي كلام ايجابي ع الاقل احاول ما يبين علي شي ابداا عند الناس اقول شوفي فلانة زوجها سيء وشوفي علانة عندها مشاكل مادية وعائلية وووو محد خالي من الهموم وشوفي كل اللي جاهم عيال الا ما تلقين عندهم مشاااااكل مع عيالهم بكل جمعة اشوف وحدة يا تلاحق ولدها المزعج يا تتشكى من دراسته المقصد من كلامي انه العيال زينة الحياة لكنهم مو كل شي بالحياة ومو معناته اذا جبتي عيالك مشاكلك رح تنتهي بالعكس رح تزيد المسؤولياااات عليك ويمكن ربي يبي لكم الخير انتي وزوجك وتعيشون سوا كم سنة لحالكم


واذا حصل لك تقرأين عن دواء الاورثمول الألماني كثير نفع معهم للرجال

الله يرزقنا وإياك من فضله