اللي يمدحووون الدكتوره زينب حبيب بمستشفى الحبيب يفهموني !! وش القصه ؟!

السلام عليكم ورحمة الله وبركاته

بسأل بخصوص الدكتوره زينب حبيب بمستشفى الحبيب وكثرة المدح عليها

بعد المراجعه عندها لاحظت انها مو لهالدرجه ابدا مرررا ما تركز ولا تدقق بالامور واستغربت انها ما تكلف نفسها تشرح لك وش عندك اسألي وهي تجاوب وممكن توصف دوا ما يمشي مع حالتك وانتي عاد نبهيها

سألت وحده بالانتظار حامل قالت انها ما تكشف على الحامل من الالتهابات ولا تكشف على الصدر وما تنبه الحوامل بشرب الحليب والتغذيه السليمه ولا تذكرهم بضرورة الفيتامينات ولا كأنها طبيبه اللهم اسألي وتجاوب بس

بعكس الطبيبات الثانيات يركزون على الفحص الجسدي باول الشهور وخصوص الالتهابات ويقولون للحامل وش الضار ووش النافع ويذكرونها بالتغذيه السليمه وغيره من التنبيهات والنصائح حتى بعضهم يوزع اوراق عن كمية الحليب والاغذيه المطلوبه في فترات الحمل

فا ابي اعرف وش القصه وليش المدح على دكتوره بس اسأل وتجاوب وما تكلف نفسها تشرح او تكشف ؟!

هل عملياتها متميزه لدرجة ان الحوامل يتغاضون عن كل شي ؟
نبي تجاربكم الله يجزاكم خير

14 تعليق 32,309 مشاهدة

شاركي في النقاش

سجلي الدخول لإضافة تعليق.

التعليقات

14
  1. @shy_khyaly

    صاحبة الموضوع
    حياك روح الفكر
    بس يختي يمكن طبيبتك مصحصحه معك هذي لا .. تنتظرك انتي تسألين
    الطبيبه لازم تكون ملمه وفاهمه وواعيه وتوعي المريض وتفهمه مو مثل الأله اسأل وتجاوب وبس
    خصوص طبيبة النسا والولاده

    اعطيك مثال ان فيه نسبة حوامل بالشهور الاولى تجيهم التهابات ما يدرون عنها والالتهابات هذي لا قدر الله ممكن تتسرب للجنين وتصيبه بمكروه الله لا يقدر
    الطبيبه الشاطره تكشف اول شي عن الالتهابات
  2. @akht_ghadh

    غريبه انا راجعت عند كذا دكتوره ما عمرها قالت تغذي او تنصح

    الوحده خلاص كبيره تفهم وش اللي يضر ووش اللي ينفع

    هي تطمنك على الجنين وتحلل لك
  3. @hmam_br

    انا على كثر مراجعاتي وكثر الطبيبات اللي دخلت عليهم
    ابدا ماشفت اللي تقولين عنها تفهمك وتعلمك ابد حنا نسأل وعساها تجاوب
    وانا صرت ارتاح واقرر اني استمر مع الطبيبه اللي نفسيته حلوه وتتقبل اسألتي
    ولا انها هي اللي بتنصحني هذي بعيييده مرره
  4. @alfgr_albaayd_19

    انا راجعت عند اكثر من وحده وكلهم نفس الشي مافي وحده تتكلم عن التغذية الا اذا كان عندك نقص في الحديد او شي وانا صرت احرص اني اسأل واقرأ قبل لا اروح للدكتوره

تابعي تجارب أخرى من هذا القسم.