تعقيب لموضوع زوجي وامه .. اااه😔

عندي سؤال واحد يرد على كل الردود اللي جاتك
هل يرضى زوجك ان كل ماجيتوا تخرجوا اي مكان تاخذوا امك معاك؟؟
هل يرضى زوجك ان فطورك وغداك وعشاك مع امك عشان تبريها؟؟؟

هل انتم ترضون بهذا الوضع؟؟
او هنا حتقولوا لها معليش لزوجك حق عليك ومو كل خرجة واكله جريتي على امك
ووووووو وسلسلة هجوم ونصائح عليها

انتي صح يااختي
وشكوتك صح
ولك حقوق على زوجك

حبيبتي عادي لازم تتقبلي كل الاراء فيه الحكيمات وفيه  النفسيات تدخلك الموضوع تهاوش وتطلع 
انا كتبت موضوع وربي انصدمت بس وش اقول 
جاهلات ماعندهم اسلوب نقاش راقي لاتتعبي نفسك وتبرري 
بررت مثلك وكأني اقول زيدوني هواش زيدوني😂

العجوز مالها ذنب///زوجك ليش مايحس فيكم

خلي عيالك يطلبوا ابوهم ويترجوه يقولوا له كلها ساعه ونرجع البيت واذا طلعتوا طولوا واعطيه من السوالف الحلوه وخلي الجو حلو ولاتجيبي طاري اهله ابدا الا بالخير مهما كنتي مظلومه بتتفسر بشي اخر والاكل اذا طبختيه لاتخليه ياخذه لامه قولي تجي تتغدى هنا عندنا يعني عشان تتجمعوا ع السفره  كلكم سوى وعيالك يحسوا بالجو الاسري واذا رفض  خذي الاكل كله وروحوا كلكم تغدوا او تعشوا عندها والقهوه لو انجبرتي تطلعون سوى سويها بالبيت وجهزيها الترمس يمسك الحراره وعيالك لبسيهم وعوديهم يروحون مع ابوهم 
خليهم هم يطلبونه اكيد ماعودتيه ياخذهم 
حاولي بشتى الطرق 

وماعليك من النفسيات اللي هنا 
لو كانوا مكانك ماكان ردهم لك كذا 
المشكله في بعض الردود تتصف بالمثاليه الزايده الكاذبه ولو طبق الحال ع ام المثاليه كان لقيتيها 
اول من يصرخ وتدور حل

اقسم بالله اطلبه اروح عند امي انام لو يوم واحد مايرضى اطلبه اروح اكل وجبه وحده مع امي مايرضى علماً ان امي وحدانيه ماعندها احد كل اخواني تزوجو عكس اخواته المتزوجات الي ينامو عند امه بالايام وبعدين امه بشقه مستقله معها بنتها ،، بناات تدرو انو من حقنا عليهم ان يخرجونا مره بالاسبوع ع الاقل وهذا الحق يدخل تحت ( وعاشروهن بالمعروف) الدين حافظ لنا حقنا ليش يجي زوجي او غيره يكسر قلوبنا ويهمشنا ليش انا مأحس يعني انا انثى وتغلب علي العواطف انا لو يدخل علي بورده دمعت عيني فرحه اني جيت بباله انا ماكبرت عيالي ووقفت الحمل الا برتاح بعمري لاتحسبوني كبيره عمري٢٨ بس تزوجت صغيره ابعيش حياتي الي ماعشتها واذا عنه من امس مطنشته ماكلمه الله حسيبه الله ماراح يضيع لي حقي ان شاء الله وبشوف للويكند الجاي ان شفت نفس الموال ابترك له البيت من غير رجعه

انا من اللي ردو عليك رد قاسي
اختي ما فيه بيت كامل ما فيه شخص ما عنده ابتلاء
فيه ناس مبتلاء باطفالها تعبانين
فيه ناس مبتلا بازوجاها حشيش سكير يضرب بخيل
فيه ناس عندها كل شي و مبتلاء فيه دينها
فيه ناس زي حالتك عندها في الدينا ابتلاء تعرفين ليه لانه لو طلبتيه شي ما فيه مصلحه لامه من وجهه نظره ماراح يرضى هذه امه احتسبي الاجر لله و الشي الثاني لا تتوقعين انك لما تدعي على عليه ربي ياخذه او يحرقه او تترملين انك رعح تستفيدن او ربي يسخره لك لا يغير الله بما بقوم حتى يغيرو ما بانفسهم ما ارح اقول انك مجبره تشلينها فوق طاقتك بس انت مطالبه تدعين له مو عليه هذا انتي تبغينه يتغير عارفه ليه انتي مو قادره تغيري تفكيره باي طريقه مجربتها بس ما جولتي انك تطلبي من ربي يسخره لك و تدعين له مو عليه يعني مستغربه زعلانه على تقصير منه و تبغينه لك كامل و انتي تدعين عليه و الله ما تجي و لا تركب

اكثري من الاستغفار وراح تشوفين كيف تتغير حياتك للاحسن
الله يفرج لك