بعد 10سنين ؟؟

السلام عليكم ورحمة الله وبركاته
كيفكم حبيباتي
بدخل بالموضوع ع طول
امس بالليل زارنا..شخص ...واستقبله ابو زوجي بالمجلس..بحكم القرابه..يصير خاله
الى هنا الوضع عااااادي..ومو غريبه يزور خاله
الغريبه...انه باس بنتي الصغيره عمرها5سنوات..واعطاها 2000ريال...وقالها..هذي حقت ماما

جات بنتي...وهي تركض. ورمت الفلوس علي...قالت من عمو فلان..ويقول عطيها ماما

انا اقشعر جسمي لما شفت الفلوس
وراح فكري لبعيد..وتذكرت الايام الخوالي قبل 10سنوات...وكيف لما كان يزورنا ببيت ابوي هو وامه ويمطروني بالهدايا والفلوس..ولما اخواته يقولون لي ما يبي من الحريم الا نجد الهيلا...وتذكرت فرحتي فيه ..وتذكرت احلامي اللي كنت ببنيها معاه
وانه كان فارس احلامي..اللي تتمناه كل بنت

بس اصحصح بسرعه واتعوذ من ابليس..واقول عيب ي حرمه هالتفكير..الرجل يمكن حاب يتصدق لوجه الله
خلاص تزوجتي وخلفتي وواجب عليك الاخلاص لزوجك
ما اخفي عليكم انني ندمان اني تزوجت وحيد اهله واهله متسلطين
بس زوجي حبيب وحنون..والله ابتلاه بهالوالدين
وهذا خطيبي السابق..مشاكل مع زوجته ماتنتهي
وزوجته داريه بسالفه الحب القديم..من نظراتها لي لما نتقابل بالمناسبات..بتاكلني بعيونها..حتى وانا مخلفه..وعيالي درزن معي

كلمت امي..بستشيرها بهالموضوع...راحت امي تولول.وتقول..سامحيني يا بنتي اني قردتك مع الخبل ابو عيالك..ومن هالكلام
قلت يمه..انا بروح لا امه واعطيها الفلوس. ولا عاد يرمي علي هدايا وفلوس.وما ودي احد يدري من زوجي واهله بهالسالفه..وانتي قالبتها مناحه..خلاص كلن اخذ نصيبه بهالدنيا

يا بنات هالموضوع مقلقني .وش مناسبه هالصدقه
وزوجي اذا عرف ما راح يعديها....خصوصا انه ايام خطبتي...طلب من زوجي يفسخ العقد..لانه يبيني...ومن بعدها زوجي ما يواطنه بعيشة الله
الله يسامحه ع سواااته....عز الله ماسو فيني الا الاذى

وش التصرف الصحيح؟..اروح لا امه واكبر السالفه..واهدد...ولا العب بالفلوس واريش بها.


بنات
والله ثم والله مابيني وبين هالرجل الا كل خير..وماعمري سويت معه شي يغضب الله ويغضب ابوي