%% ملف بنات رأس الخيمة %%تميز إصرار وعزيمة %%الجزء الثالث

خواتي بغييت عنوان ( خبيرة تجميل ) تيي البيت لــلشعر للــبشرة
يعنى ساعات نبا نكسب وقت وما انسير الصالون ايكون عندنا حل بديل وسريع
:27:
بإنتظار تواصلكم واخباركم

:26: :26: :26:

مشكوره امواج عالنصايح وانشاءالله تضبط عندي ها الكيكه لاني انا عقدتي فالطبخ الكيك :42:



وبعد ما خلصتي جولتج عالخيايط شو احسن خياط عاد حصلتي لاني ابا اخيط كنادير غاويه لبنوته فصف اول ابتدائي وللحين ما سويت شي :(

السلام عليكم ورحمة الله

كيف الحال يا حلوات ؟ :)

مشاء الله سوريا روعه يا امواج وتقبل الله طاعتكم :)

==========

ملاذ الشيل حلوه .. صبري بيي اشوفهم على الطبيعه لما يرجع ريلي من البحر بحن عليه اييبني صوب بيتكم خخخخخخ

==========

أم سعيد اشحالج حبيبتي ؟

==========

وفاء زايد عساج بخير الغاليه ويا هلا نور الملف :)

=========


شـ ـ ـ ـ ـوق

تصدقين انا مثلج والله الكيك ما يضبط معاي وتعقدت وشديت شعر راسي منه ويلست لول

والكيكه اللي كاتبتنها امواج اذكر كانت وحده من المنتدى كاتبتنها واختي جربتها ويوم ييت انا بسويها ما ضبطت معاي وطلعت لينه الكيكه يعني ما انتفخت وما اعرف السبب .. مع اني دايما اتبع الخطوااات بادق تفاصيلها بس أقول يمكن درجة حرارة الفرن ؟ او من فرني نفسه الله اعلم ؟ :)

وهني وعافيه :)

=========

اشحااااااااااااااالكم بنات وعساكم بخير ؟ :)

السلام عليكم ورحمة الله

أم سعيد الله يسلمج الغالية هذا من ذوقج

أموااج

هلا الغالية

هي والله الشقق ما تحصلينها بسهولة نحن وصلنا صلالة الساعة 9 الصبح وحصلنا سكن الساعة 3الظهر

وبالنسبة للمطاعم على حطة إيدج ما عدا كمن مطعم

أم أموولة مشكورة الغالية والحمدلله استانسنا وايد

تحياتي

وفاء زايد

ياهلا ومرحبا الغاليه

اما عن خبيرة التجميل ما عندي خلفيه عن وحده اتي البيت في راس الخيمه


شـ ـ ـوق

ان شا الله تضبط وياج الغاليه هذي الكيكه

اما عن الكنادير اذا كان قصدج للمدرسه (مع انج متأخره ترى ) ونادر ما بتحصلين
حد يرضى يفصل لج
لكن سيري راس الخيمه السوق الكويتي واسألي
لاني من يومين يوم سرت شفت خياط ( العاصمه ) اظني وهو حذال محل طفولتي
عنده موديلات حلللوه ورضى يفصل لبنتي