هذي اول مشاركة لي بهالقسم بوصفة سهلة جدا :)
سويت بحث عن وصفات مشابهة ما لقيت الا وصفة الأخت ريناد
المقادير :
بسكويت ماري (يفضل يكون اصغر حجم)
الخلطة :
12 حبة جبنة كيري
نصف كأس سكر (ممكن تزيدين اذا حابة يكون طعمه حلو)
ملعقة صغيرة فانيليا
بيضتين
للوجة :
اي نوع من انواع الباي فيلينغ . وانا استخدمت الفراوله و هذي صورته

ممكن اذا ما لقيتوا اي نوع من انواع الباي فيلينج تستخدمون صلصة الفراولة اللي في باسكن روبنز .. يبيعون العلبة بـ 18 درهم على ما اظن
الطريقة:
اول شي نرص البسكويت في اوراق البليسية و نحطه في صينية الكب كيك

ثانيا نخلط مقادير الخلطة في خلاط العصير و نضيف ملعقة و نصف تقريبا من الخلطة على البسكويت
(للأسف ما صورت هالخطوة)
نحطه في فرن متوسط الحرارة لمدة 15-20 دقيقة .. بس انتبهوا لا يحترق .. لا تخلون الجوانب تحمر وايد علشان ما يلصق الورق بطبقة الشيز كيك
هذي صورته بعد ما طلعته من الفرن

نحط عليه الباي فيلينغ و ندخله الثلاجة لحد ما يبرد

و هذي الصورة النهائية

