معاك حق بانك تزعلي من خالتك
كمان ماننسى ان الولد لسا صغير حتى لو قال لا او عاند
الي اقصدة ان طريقه توجيهه في النقطه دي بالذات لازم تكون حذرة عشان
ماتكون النتيجة عكسية فيعاند اكثر يعني حرام اذا امه كابرت نقوم نوجهه بطريقه
خاطيه لان غلط لما هاوشتيه والافضل لو كلمتيه بهدوء وحتى لو قال لا عادي نلجا
للتهديد زي ماقلتي والشرطه بس نوجه الكلام كانه لشخص مجهول ونسويها كانها حكايه
وان فلان سوا كدا وودوه الشرطه لان ياحرام الولد كمان قريبك واعتبريه انو ولدك وشوفي
كيف يتغير تفكيرك لان الطفل في هذا السن يقلد الكبار والله اعلم فين شاف اللقطه هذي
واستغرب من الي يقول ان الولد هذا خطر على بنتك !!
صح احنا تخاف على اطفالنا لكن كمان نقدر نفرق بين طفل دون سن التميز وطفل كبير
وبالنسبه لامه فهي مكابره من الواضح جدا انها كابرت وردة فعلها لانها انصدمت وانحرجت
فردت عليك من غير تفكير وانا متأكدة انها خافت على ولدها وراح تهاوشه او تضربه وتناقشه
من وراك ، دائما الاولاد مختلفين تماما عن البنات وتربيتهم صعبه ومايجي معاهم الا اللين
وش الحل يا اخواتي هذا موضوع ماينسكت عنه
متابعة النقاش، صفحة 2