شاركي في النقاش

سجلي الدخول لإضافة تعليق.

التعليقات

151
  1. شوفي انت وضعك ذا صعب جدا وانا احب الشخص الي لا يظلم ولا يظلم يعني من حقوق ام زوجك ان ولدها يهتم فيها والادميه محتاجه اولادها ذا الوقت وحرام وعيب وخطا ان زوجك والا امه يلاحظو شي من عدم الترحيب. حتى لو انتي مو ملزومه فيها لكن من باب الاحسان وباب كما تدين تدان. لكن انتي بيض الله وجهك قايمه فيها وفي ضيوفها مع حالتك الصحيه بس من الظلم انك تكرفين حالك كذا. 
    خذي لك وقفه امسكي زوجك وقولي له احساني لامك من احساني لك وابتغي اجره عند ربي لكن انا وضعي معاد يسمح اجامل احد اول شي انا ابي شغاله بالشهر خليها للنظافه ثاني شي الاكل جيبي من برا من مطابخ من طباخات من اي احد 
    وارتاحي وتفرغي لاختباراتك وعيالك ربيهم لا تقولين كذا وكذا والا شغل وترا فكرت انها تربطهم انا معها والله اول شي لاتخافين عليه ولا يخرب عليك نظيف ماكل اربطيه واعطيه العابه لوحه الحروف الي بالصوت ارقام كذا ترا فكرة الحبل والربط نفس فكرة الحواجز تبع الغرب مافي فرق.
     
    اذا نفع ذا الحل كان بها مانفع روحي للدكتوره وكلميها تنومك يومين ثلاثه وخذي تقرير بحالتك من ذا الوقت وروحي لاهلك وعيدي الاختبارات بعذر الطبي بعدين وانتي لازم تسحبين ترم بعد الولاده تشوفين نفسك وعيالك وبيتك. 
    وبنتها ارسلي لها انك انتي وضعك كذا قولي لها تجي عندك تخدم وتقوم بامها وتسليها وانتي عندك خدامه تنظف وترتب بس هي تشرف ع امها وتسوي اكلها وقولي لها ان امها بركة البيت ولو كنت بوضع افضل ماخليت احد يشاركني بالاجر. بس عشان خاطرها ماودي ارد ضيوفها ولا اقصر بحقهم وابيها تستانس ومن ناحيه بعد الولاده لا تتكلمين فيها الا مع زوجك يمكن ربي يحدث امرا. 

    واذا مافي حل من ذي نفع انتي مسؤله عن عيالك والي ببطنك ونفسك ارحمي نفسك ولاتهلكين عمرك وتسطحي وجيبي باليوميه تغسل وتنظف وتكوي وتضرب الباب والاكل من برا 
    اضغطي زوجك عشان يحس هو بعد. 

    واعذريني هذرت واجد والله يرحم بحالك ويقومك بالسلامه ويكتب اجرك 
  2. @danh_baayn_bhary_4

    الله يجزاك خير

    بس انتي حليتي لها الجو عشان كذا ماتبي تروح
    انتي حملتي نفسك فوق طاقتك مارحمتي نفسك لاتنتظرين الرحمه والشفقه من أحد
    الحل ارفضي الطلبات الي ماتقدرين عليها

    قهوه شاهي قولي تعبانه مرررره مااقدر اتحرك حتى لو تبالغين في اظهار التعب
    عشاء بعد قولي مااقدر اسوي وطنشي مره مرتين

    او جيبي لك شغاله بالشهر

    وكلمي زوجك يكلم اخوانه واخواته

    والله يقويك ويقومك بالسلامه

تابعي تجارب أخرى من هذا القسم.