خطيبي مطلق وهالشي تاعبني

انا ابغى اقول مشكلتي وياريت تسعدوني بحلها سجلت بالمنتدى عشان القى احد يساعدني
انا عمري 27بقيلي كم شهر وادخل 28.خطبني مطلق ماعنده عيال تزوج سبع شهور مناسب لسني غير انه فيه كل المواصفات اللي ابغاه بس عيبه الطلاق
انا سني مايسمح ارفض أخاف اعنس واوصل لثلاثين وساعتها يجيني واحد وعنده عيال واطر اوافق ..المهم انا وافقت عليه لانه بالنسبه ليا فرصه وتمت الخطوبه
بس خايفه كثير من الحياه الجايه انه ما يكون فرحان فيا زي زواجه الاول واني راح افكر ان كل شي يسويه معايا قد سواه معاها هالتفكير يضايقني نفسي اشيله من بالي مو قادره غير موضوع انه حيقارني بطليقته ..وعلى فكره طليقته بنت عمه يعني حطر اشوفها واتعامل معاها ..نفسيتي تعبت بعد كل هالافكار براسي والحين افكر افسخ الخطوبه ما ادري شسوي ارشدوني

55 تعليق 22,106 مشاهدة

شاركي في النقاش

سجلي الدخول لإضافة تعليق.

التعليقات

51
  1. @mtbkh_almlhk

    ما ذكرتي اهم نقطة وهي سبب طلاقه ؟؟
    وهو اللي يحدد هل لك مبرر انك تخافين او لا
    بغض النظر عن العمر او فرص الزواج
    ترا اي زواج معرض للنجاح او لاسمح الله الفشل
    واي زواج معرض للمشاكل مهما كانت مواصفات الزوج كويسه لانها سنة الحياة
    شيلي مسئلة طلاقه من راسك علشان ما تتعبين وتتعبينه معك ويفشل زواجك قبل حتى ما يبدأ
    الحمدلله ماعنده اطفال علشان يكون فيه رابط بطليقته و تخافين
    ولو هو باغيها وحابها كان ماتركها حطيها براسك
    هو تركها واختارك انت
    استمتعي انت عروس وهاللحظه تنتظرها اي بنت لا تخلين ابليس يخرب فرحتك
    والله يرزق بنت عمه الزوج الصالح ويعوضها هي بعد وانت يرتاح بالك
    وعلى فكرة مره قريت دراسة على مطلقين وهل يتذكروا طليقاتهم كانت النسبة ساحقة انهم نسوهم تماما. الا ما ندر
    واصحك شعورك يوصل لزوجك لانك بتحسسينه بأهميتها
  2. @aashky_byty

    أستخيري الله وابعدي عنك التفكير السلبي والمقارنات وابعدي فكرات انو كان متزوج ولا تخربي على نفسك الحين ابدأي جهزي لعرسك واهتمي بنفسك وخليكي على طول بروح الشباب هاذا الشيطان يوسوس لك وادعي ربي يوفقك في حياتك الله يسعدك ويتتمم لك على خير ويرزقك بنين وبنات وتعيشي حياه سعيده
  3. اولا استخيري
    واعرفي سبب الطلاق
    قريبتي تزوجت مطلق كان متزوج قبلها وحده جلس معاها سبعه شهور وطلقها لانها هيه ماتبغاه لانه مايجيب عيال وتزوج قريبتي والان لهم 17 سنه متزوجين صحيح ماجابوا عيال بس مبسوطه معاه ويموت فيها وازيدك من الشعر بيت كانت تجي مناسبات زوجته تتقابل مع طليقته لانها من نفس قبيلته لكن زوجته انسانه واااااثقه من نفسها ومهتمه بنفسها وزوجها نسته طليقته واللي خلفوها وكل ماشافتها دعت في قلبها الله يرزقها بولد الحلال
    اما طليقته تزوجت قبل كم سنه وخلفت كمان
  4. والله ماله داعي كل هالافكار الي بمخك الله يهديك علي الأقل الرجال صحيح مطلق بس لك لحالك واعملي حسابك لو فكيتي الخطوبه بتكوني مطلقه وممكن فتره مايجيك عرسان وبس تعدي ال30 بتكوني احلي عروووس بنظر المتزوجين وكبار السن خليك علي هذا ومااشوف فيه أي عيوب صراحه احسن لك من واحد يتعبك يوم عندك ويوم عن ضرتك لو بتحطين ايجابياته بكفه وسلبياته بكفه الرجال الحمدلله مافيه أي شي مجرد انه مطلق مايخليك ماتبينه راجعي نفسك صح هذي فرصه حلوة لا تخسرينها
  5. اذا الرجال طيب واخلاق وسالتوا عنه وفقي نفسك ياعمري
    موشرط اذا طلق يعني يعيبه شي
    احيانا مالهم نصيب وربي يمكن كتب نصيبه معك
    أنتي استخيري اولا
    وادعي ربي
    وبعد الاستخاره اسالي عنه وان شاء الله ترتاحي

تابعي تجارب أخرى من هذا القسم.