عندي غدا الجمعه ساعدوني😰

السلام عليكم
خواتي يوم الجمعه عندي غدا الجمعه

كميييه كبييره <بالنسبه لي كبيره 😶
٦دجاجات و٣٠كوب رز
عاد ابي منكم تعلموني اسرار تخلي الرز لذيذ
وابي اصناف جانبيه وابي الخلطه الي تنحط
فوق الدجاج اذا خلص استواء وقبل التحمير كل وحده
تعلمني سر كبستها وسر خلطة الدجاج 😊







تفضلو ❤️

13 تعليق 4,463 مشاهدة

شاركي في النقاش

سجلي الدخول لإضافة تعليق.

التعليقات

13
  1. خلطه الدجاج ملعقه زبادي ملعقه مايونيز كركم او صفار الزعفران شوي من مرق الدجاج وفلفل اسود وصلصه شوي بس لو حابه حركيها وادهني فيها الدجاج بالفرشه وحمريه يطلع لونه روووووعه



    على مويه الرز حطي 2 ملعقه مويه كادي وفلفل حار كثري ينكهه الرز


    الكشنه بصل جوانح وجزر وفلفل بارد لين يذبلون في زيت مع رشه هيل وقرفه وربع ماجي للنكهه وكركم او صفار الزعفران وحطيها على وجهه الرز



    مووووووووفقه
  2. @alshatrh_hoaaa

    حبيبتي
    عندي طريقة كوزي لذيذه
    اول شي لا تقطعين الدجاج خليها بكبرها الوحده
    وبعدين قطعي ثلاث حبات بصل وثلاث فصوص ثوم وحمريها بزيت بالقدر
    وبعدين ضيفي بهارات مومطحونه عشان تصفينها بعدين فلفل كمون هيل كزبره ناشفه وقرفه وقرنفل وليمون اسود
    وحطيها عالبصل وبعدين نص ليمونه اعصريها وحطيها فوقها تعطي ريحهه تجنن وبعدين حطي الدجاج وابداي قلبيه مع البصل شوي شوي
    وبعدين اطحني ٤حبات طماطم وعلبتين صلصه وضيفيها فوق الدجاج وقلبي شوي الين تحسي الطماطم تسبكت
    وبعدين ضيفي مويه تغطي الدجاج
    وحطي الملح
    واذا استوا الدجاج طلعيه
    ودخليه الفرن وحمريه من جميع الجهات
    وبعدين صفي المرق زين من البصل والبهارت و
    اغسلي الرز وحطيه في القدر بس خذي من المرق شوي عشان تعملي مكرونه
    وزيدي مويه كمان وحطي نصف كيس مكرونه اسبقتي وحطي كركم او بودرة الزعفران واطبخيها الين تستوي
    والرز اول شي ارفعي عليه واول ماتحسين المرق قل وهو باقي ما استوا رخي عليه وع نار هاديه عشان يسير نثري او ع لهجتنا مفلفل
    وبعدين تكوني سالقه كاسه رز ابيض ساده
    يعني الرز الابيض العادي
    واول ماتحسين قرب يستوي رزك بالقدر حطي الرز الابيض فوق ع شكل هرم وحطي قرفه وقرنفل كم عود عليه
    وزعفران في جهه من الرز او كركم
    وخطيه ع نار هاديه
    وبعدين اسلقي ١٠ بيضات
    وكمان افرمي بقدونس ناعم
    قطعي طماطم حلقات وخيار حلقات
    وجزر حلقات وليمون
    وبعدين وقت التقديم نزلي الرز الابيض ع جنب
    وحطي الرز بالصحن وبعدين انثري عليه الرز الابيض
    وبعدين حطي الدجاج وبعدين المكرونه انثريها فوق الدجاج والرز
    وزيني الصحن بالطماطم والخيار والجزر والليمون وبعدين قطعي البيض انصاص ورصيه حوالين الدجاج وبعدين اخر شي البقدونس انثريها
    وبعدين خذي القصدير وخطيه زي المطاعم
    عشان تتوزع النكاهات
    وبالعافيه
    والسلطات سوي سلطه خضرا
    وسلطة لبن بالخيار
    وسلطة مطحونه حاره بالفلفل
    وسوي حلا كريم كراميل او اي حلا يعجبك
    اوسوي هذا الكريم كراميل
    انا منزلته تلاقينه بمواضيعي الطريقه بالتفصيل
  3. الدجاج سويه محشي
    تجهزينه من الليلة اللي قبلها عشان ترتاحين ومنها يكون طبق لذيذ ومشرف
    عندك الحشوات متنوعه شي خضار وشي رز وشي بطاطس اختاري وحدة وجربيها بكرة اذا ضبطت سوي المجموعه بالليل وغطيها للجمعه
    والرز انتي مثلا تسوين كاس تحطين حبة هيل سوي 30 كاس حطي 30 حبة هيل
    قصدي دبلي مقاديرك على العدد
    ونفس اليوم يصير بس تسوين رز وتدخلين دجاج بالفرن وتتفرغين للسلطات سوي نوعين او ثلاث والحلا سويه قبلها بيوم

    دعواتك
  4. عندي خليطتين للدجاج الاولى لكل علبة لبن زبادي 3 ملاعق طحينة و فلفل اسود و كمون وكزبرة
    الخلطة الثانية خل بالسمك و صويا صوص وصلصة روسيه وكتشب و فلفل اسود وبهارات مشكلة وببركة وأحيانا أحط شطة كريستال

تابعي تجارب أخرى من هذا القسم.