ودي احس اني زوجة حقيقية

انا ناقشته وقالي ابي اطلق بس مستحي من اهلك قلت ليش تطلق قال مااشوف نفسي معك يوم رحت لامي زعلت وتكلم ابوه وامه ليش زعلانه قلت ولدكم يقول بطلق بس مستحي من اهلك ولدكم مانع الحمل وامه سالتني عن طريقة منعه للحمل قلت مايجامع قالو امه وابوه والله يابنتي طليقته فارقته ثلاث سنين نترجاها وحلفت ماترجع له خلاص اما منعه للحمل سالناه قال ابي بعد سنه وانه بيطلق انكر انه قالي وكذبني عند اهله وارسلت له قلت ارسل ملابسي وذهبي ارسل امه وقالت تعوذي من ابليس واصبري لو ماحملتي بعد سنه ابوه يقول بنعالج فيه وامي علمت امه قالت مايصل رحم البنت شي عشان الحمل والبنت تقول يشتهي وده بس مايقدر مدري مرض او سحر وولدكم بس اول شهرين من عرسه رجال طبيعي رغم مايوصل شي للرحم بس بعدها يقرب له ومايقدر مايجامع وخافت امه قالت لايكون هذا سبب طلاقه الاول خلي بنتك تصبر هالسنه وبعد السنه لصار نفس وضعه معه نبي نتدخل مانبي طلاق وخساير وهو يمدح ببنتكم يقول اخلاق ودين لو عايف مامدحهاا

بنات اول شهر من زواجي كان خايف اعيفه واتركه وكان يقولي الحريم مالهم امان وكنت اقول شجاب طاري الطلاق الحين قال انا تزوجت قبلك وطلقت وملكت على وحده ولادخلت به وطلقت ويمكن انتي ماتستمرين معي وكل ماقلت بزور ابوي يخاف انو ماعاد ارجع له يسال كم بجلس عندهم ويسال وش اخذت من ملابس غريب امررره عجزت افهمه وربكم فيه تناقض احيانا احس هو مخبي سر عن اهله الكل مايعرفه الا طليقته لان مره قالي الحرمه اللي تستر قليل عشان الرجال يقدر يتزوج مره ثانيه بعضهم مايفضحون فيهم هو غريب غريب لاناقشته بهالموضوع خايف يدور بباله شي عنده سر مخبى عجزززت افهم وربكم

انا نفس حالتك اخيتي ويمكن اشد بس الله المستعان لكن انا عالجته بنفسي والسبب صعب عليك تعرفينه وحرام لاتفضخينه قدام اهله واهلك هذا اللي مخوفه من الحريم وروحتك لابوك تعالي خاص وبعلمتس. وش سبب عدم جمماعه 

مافهمت هل هو ما يلمسك ابد؟ ولا تتم العلاقة بس يخلص برا؟
شوفي حبيبتي ترى طبيعي ان الرجال واحيانا الحرمه اول سنه زواج ما يبون عيال
يعني غالبا اول سنه زواج لسا معاريس يبون يعيشون حياتهم
اذا كان هو يجامعك وتتم العلاقة بس يخلص برا انا ما اشوف انها مشكله بس انتي مكبرتها .. ومره ماله داعي توصلين كلام زي كذا لاهلك يعني امك اوكي بس والله عيب امك تقول لامه وش بقيتو اسرار !! البيوت اسرار وشي مثل هذا ما ينقال لاهلك فما بالك اهله وجت منك بعد يعني مو هو اللي قال ، انتي من حقك ودك تكونين ام بس هو بعد له راي واذا انتي مستعجله مو ذنبه طالما ما كملتو سنه.. رايي زي ما قالت امه لو تم سنه والوضع ماتغير هنا يكون فيه مشكله

اما لو كان ما يلمسك ابد انا اشوف الموضوع ينحل بينك وبينه وتتفاهمين معه بدون تدخل اهل واذا ما فاد وصار هو فعلا ما يبي عيال منك ولا مو حابك ومو شايف نفسه معك زي ما يقول قعدتك معه غلط ومافيه شي اسمه حياتي مع ابوي ما تشجع ارجع اذا ما تشجع اقعدي حطي يدك على خدك وتحملي وضعك..

الله ييسر امورك ويفرج همك يا كريم

فعلا هذا الصح المفترض تجلسين معه وتكلمينه بلاش احد يدري الا بعد السنه شكوك حول تصرفاته المفترض تخبرينه وتقولين له ليه تظن اني رايحه ولاني براده لك !!! انا ماراح اتخلي عنك بس هم بعد ابيك تصارحني حتي اوقف جنبك ومن هالكلام مو تعصبين وتتنرفزين يمكن الرجال يعاني من شي مايتحمله جبل وانت استعجلتي