ولد خالتي تزوج بنت كان يكلمها

السلام عليكم

ولد خالتي كان يكلمها 4 سنوات وبالاخير هي قررت تتركه لانها تابت وحست انها تسوي شي غلط
وحذفت كل شي يخصه
هوو يعرف عنها كل شي وكلم اهله راحو للمنطقه اللي هم فيها وخطبها رفضت البنت بس اخت الولد تواصلت معها وقدرو يقنعوها انها يحبها ووافقت
الحين البنت متزوجته واخلاق ماشاء الله تبارك الله
لاكن تحزن محد محترمها ومحسسينها انها بنت شوارع انا تكلمت مع بنت خالتي بخصوصها قلت حرام هي تابت واخوك حبها وتزوجها ع سنة الله ورسوله ليش كذا تسوون فيها ؟

كمان وحده من خوات زوجها مفضحه فيها وتدقها بالهرج وسط الحريم وهي ساكته وتبتسم
الوم زوجها ليش قال لاهله انه كان يكلمها كان قال ابي اخطب بنت عائله يمدحهم صاحبي وكذا يدور اي سبب

البنت اهلها مو دارين انها كانت ع تواصل معه

تصدقون لو انا مكان البنت م اوافق لسبب اني قد كلمته حتى لو يحبني لانو بلحظة الزعل بيعايرها

عموما حسيتها صايره موضه
اخوي يحب بنت لاكن يعرف اهلها ويكلمها ويبي يتزوجها
مادري الجيل هذا صار عادي عنده ولا

احس جيل من 23 وتحت عادي عندهم اهم شي حابينها ومرتاحين لها


مدري وش الزبده من كتابتي للموضوع
لاكن اللي عرفته ان ( لو بنت اذنبت وتابت مجتمعها مايرحمها ) لاكن الولد بيقولو يكبر ويعقل وكل الشباب عندهم سوالف ؟!