ولد خالتي تزوج بنت كان يكلمها

عندك حق بس طالما البنت اخلاق وماعليها شي حرام يعاملونها كذا ولو زوجها رجال اقل شي يقول خلاص لا عاااد تروحين لاهلي اذا بيعاملوك كذا او علي الأقل يكلمهم يحترمو زوجته بكره بتصير ام عياله
احنا عندنا قريب لنا للساف تزوج وحده متعرف عليها مع اننا سالنا علي البنت وطلعت اعوذبالله بس اصر والحين بعد ماتزوجها قطع اهله كلهم وهي الله يهديها بعدها علي خرابها ونسمع عنها كلام مو كويس وحتي امه درت وقالت خليه يولي باليوم الي يعرفها علي حقيقتها ويجيني يبي رضاي بطرده من البيت الي يبيعني عشان حرمه وياريت تستاهل ابيعه بجزمه هذا كلام امه الله يهدي النفوس ويرجعهم لبعض

مو كلههم اللي كلمو بعض تزوجو اكثرهم يأخذ معاكي لييين يعرف كل شي عنك وبعدين يجلس يهدد في محادثاتك وصورك والبعض اخذ شرفهاا ورمهاا عند الزبالة زي ما فيه قصص انتهت بزواج وفي قصص اكثر واكثر واكثر انتهت بفضايح وبلاوي وانا اعرف ناس كثثثثثير كانو يكلموو بس لما جوو يخطبو م خطبوهم

وهذا واقع مجتمعنا


لا إله إلا انت سبحانك اللهم اني كنت من الظالمين

السلام عليكم اولا اخت رشرش انا من الدول الثانية بس حابه اتكلم تساهلنا في هالمواضيع لين صار الوضع عادي وراحت الغيرة 
انا معاكم اذا كان طاح الفاس بالراس وحبها وحبتها فالزواج افضل من علاقة يحرمها الشرع نعم يحرمها الشرع
لأن الله قال ولاتخضعن في القول فيطمع اللذي في قلبه مرض
كيف جاء بينهم حب كان يسمع عنها وحبها شافها وهي صغيرة وحبها هذا الحب العذري اللي تتكلمين عنه
والأفصل يتوج بالزواج انا مو معايرة المذنب لأن معايرة الشخص بالذنب أشد من الذنب فقد يغفر الله لها ويبتليك 
لكن كلامي موجه للي تشوف  أن الحب عادي ولمن تذكر قصة نجاح حبها وقد تتشجع البنات على هالشي
انتشار الغلط والحرام مايعني انه صح ورفضنا له مو تحجر ولاتشدد
ياللي تزوجتي عن حب ولكم سنين لنفرض زوجك اعجب بتويتر او غيره بكتابات وحدة وأضافها (طبعا اكيد عندك عادي)مع الأيام حبها وحبته وهذا حب عذري على كلامكم لأن مابينهم كلام وقلة حياء
هل بتشوفين ان من حقه يتوج هالحب بالزواج او راح تغيرين نظرتك
وكذلك لو حدث هالكلام مع بنتك في المرحلة الثانوية او المتوسطة هل بتغيرين كلامك لأن مبدأك واحد 
للأسف انتشر هالأمر بكثرة ولازم نوقف بوجه اخواننا وخواتنا وأزواجنا لازم يظل الحرام حرام 
ولاتغتري بطول المدة أمهل الله فرعون اربعين عام ثم أخذه أخذ عزيز مقتدر امهال الله لك وعدم تعرضك لمشاكل مو دليل انك صح احيانا دعوة أم سترك الله بها أو عمل خير
وفي الآية (وكان ابوهما صالحا)فحفظ بها أحفاده قيل سابع جد لهم
أطلت في كلامي ولكن في النهاية لايصح الا الصحيح
سيأتي زمان ينتشر الزنا في الشوارع ولا يستنكره الناس بل أتقى رجل وهو مثل أبو بكر في الصحابه من يقول هلا واريتها عن الطريق 
الله يهديني وإياكم راجعوا أنفسكم يابنات ووقفوا بوجه أخوانكم  لايغلطوا ويعتدوا على أعراض الناس حتى لو كان مكالمات فقط او رسائل 
واحنا قلوبنا وسيعه لو زوجك حب وحده وحب يتزوجها ومايكمل بالحرام تعالي  فضفضي لنا وبندعيلك بس لاتقولي انك تزوجتيه عن حب رب البشر يغفر بس الناس ماتغفر حقيقة لاننكرها

مجتمعنا مع الأسف مايرحم و مجتمع نقاااااد و ماعندهم تسامح
الله سبحانه يغفر لعباده لكن بعض العباد لايمكن تغفر و ترحم !!!!

الزمن تغير و هالجيل تفكيره بعد تغير كثير ما صارو يتقبلون الأرتباط التقليدي
الأم تروح لفرح أو لمناسبه و تدور زوجه مناسبه لولدها !!
كثير أعرفهم و بالذات من هالجيل يختار زوجته بنفسه و لا يرضى بتحكم أهله بأختياره
فيه من كان بينه وبين زوجته مكالمات وحب و فيه من قابلها صدفه بأحد السفريات
و فيه من سمع عنها و مدحوها له من أصحابه و فيه وفيه
يعني الزواج بالطريقه التقليديه ما صار الكل يتقبلها فيه من ينظر لها بأنها ظلم له
و مثل مافيه شباب لعاب و يلعب ببنات الناس و وقت الجد يتهرب برضو فيه شباب
جادين و يتوجون علاقتهم بالزواج ....

أنا برأيي طالما متحابين و متفاهمين ليه يمنعون من الأرتباط و ليه بعد الأرتباط يحاربون !! ؟
مجتمعنا صعب ما يقبل التغير مازالت بعض العادات مسيطره على الناس ....

بذكر لكم أمثله من الواقع و من ناس آعرفهم بعض الأمهات الله يهديهم توقف و تعترض
على قرار ولدها و أختياره و بعدها ما ينفعها الندم !

آعرف وحده ولدها كلمها على بنت شافها بوحده من سفراته من نفس المستوى الإجتماعي
و المادي ومن نفس الديره و طلب من أمه الأرتباط فيها طبعاً الأم رفضت و تبي هي ألي تختار شريكته
و الولد عااااااند و أصر على رأيه و بعد ألحاح تزوج هالبنت بدون رضا أمه و خواته
و سكن بمنطقتهم و حاولت تكسبهم لكن للأسف عاااادوها و لا تعاملو معها برقي
و أضطر الولد بعد ما شاف تصرفات أهله لآنه ينقل لمنطقه بعيده عنهم و الأن أنجبو
و عايشين حياتهم و يروح لأهله زيارات و البنت شاريه راسها وعايشه حياتها
بالله وش أستفادت الأم الأن ؟!!!!! عايشه بقهر و مراره لبعد ولدها عنها طيب ليه
ما تتنازل عن قناعتها وفكرها وتقبل بالأمر الواقع و تخليهم يتعايشون معها بسلام ؟!!!!!!
بتصرفاتها هذي نحشت ولدها و زوجته عنها !!

و وحده ثانيه تقول أولادي أثنين شباب جيت بخطب لهم و رفضو و صارحوها
أنه فيه بنات بروسهم وبرضو من نفس ديرتنا و يتمنون يرتبطون فيهن الأم رفضت مبدأهم
وأصرت على رأيها و الشباب رفضو الأرتباط نهائي بطريقتها
ومرت السنين هي معانده و هم معاندين !!!!!!!
تقول هالأم بعد ما يأست منهم و طال العناد بينا وبعد ماشفتهم كبرو و بعد ما فقدت الأمل بأنهم بيرضخون لي
و لرغبتي رحت لهم وقلت لهم خلاص أخطبو ألي تبون !
وكان رد أولادها عليها كالصاعقه قالو لها فااااااات الأوااااان تأخرتي كثيرررر
ألي بخاطرنا تزوجن و عايشات حياتهم !!!!!!!!!
الأن الأولاد مضربين عن الزواج و الأم حالتها ماتسرررررر و متندمه كثيرررر
على أصرارها !!
لازم نستوعب أن الزمن تغير و الجيل بعد تغير و بلاش نوقف حجر عثره أمام
رغبات أبنائنا و خااااصه موضوع الأرتباط ....
أقولها وبكل صراحه ولدي لو بيختار شريكة حياته ببارك له و بشجعه و بكسبهم
وماراح أفرض عليه رأيي و قناعاتي لأنها حياااااااااته هووووو فقط
هو ألي بيعيش معها مو أنا ..... بس قليل ألي يفكرون بهالمنطق !:unsure: