مجربات تجهيز الاكل قبل العزيمه بليله يشاركوني

يسعد صباحك
السلطه نشفيها زين بنشافه الخضار وقطعيها
ولا تتبلينها حطي نوع سلطه خضرا وخيار باللبن ونوع 3 بالمعلبات ذرة فاصوليا حمرا شرايح زيتون اخضر واسود ومخلل
ضروري الكل يتصفى زيييين

الموالح جربت عجينه ال10 دقايق فرزنها يوم واحد وسخنتها وطلعت يابسه فشلتني
فصرت اسوي الكشنه لبيتزا والمكرونه بالباشميل

وللقهوة تمريه قبلها بيوم وجيبي شوكلاتات
حلى السفره عندك التشيز كيك بانواعه

الايدمات احلى لو انعملت قبل بيوم
وكشنه لحمه الكبسه جهزيها من الصبح وقبل جيتهم حطي الرز
وربي يهلها عليك

الله يسهل عليك ممكن تسوين جريش الجريش سهل حطيه و انسيه 
ممكن تسوين عجينه تقسمينها سينامون و بيتزا و تحمرينها من تحت وعلى طول الفريزر  بيوم العزيمه تطلعينها قبل بساعه و تحمرينها من فوق 
و تقدرين تسوين حشوات و تحطينها ب توست او تجيبين كروسان ساده و تحشينه دجاج و كشنه 
و ممكن فلالفل و بطاطا و مخلل 
ممكن تجيبين ورق عنب ،الحلا ب كاسات اسهل و اريح و رتبي التمر بصحون التمر و خليها بالثلاجه 
و نفس الشي الفواكه خليها مرتبه 
و اذا بريق المويه حقك صغير اغلي مويه حاره و خليها بترامس عندك اسرع بتصليح القهوة و الشاي او العشاء 
رتبي الفناجيل و البيالات بالمجالس قبل يجون الضيوف و المويه و اذا عندك غرفة طعام رتبي صحونك و الملاعق بعد و افرشي السفره 
هذا اللي اقدر افيدك 
بس ودي البنات يساعدونا ب اصناف جانبيه  مع عشاء يكون ذبيحه او كبسه رز ودجاج