السلام عليكم
بنتي جت من المدرسه تبكي عندهم اليوم فنيه واعطتهم المعلمه أوراق فيها رسومات يلونوها
بعد ماخلصوا رسم جت وحده من الطالبات بفصلها وأخذت ورقه بنتي وقالت رسمتك مو حلوه انتي ماتعرفي ترسمي وأخذت الورقه وقالت شوفوا يابنات ماتعرف ترسم وفي بنات ضحكوا وبنتي ساكته ماتكلمت بس زعلت وأخذت الورقه وانا شفتها الألوان حلوه توقعت انها يمكن تغار من بنتي
وأكثر من مره تجي لبنتي وتحطم فيها وبنتي تسكت ماترد ومره هاديه وحياويه
أقولها ردي عليها لاتخافين منها تقول أخاف من المعلمه تهاوشني
شسوي مابيها تصير كذا
ماتعرف ترد ع اللي يغلط عليها تسكت وبعدين تجيني تبكي
وبنتي مره دلوعه ومتعلقه فيني كثير
المشكله انو في بنت ثانيه تعاملها بنفس الأسلوب
لسى أولى ابتدائي وكذا أسلوبهم أجل لو كبروا وش بيسوون 😭😭
وكمان لو أحد ضربها نفس الشي تخاف وتبكي ماتدافع عن نفسها
مابي المشكله تكبر وتتأثر شخصيتها اذا كبرت
شاركي في النقاش
سجلي الدخول لإضافة تعليق.
التعليقات
7- حاولي تخليها تتغير شخصيتها
لأنه لماتكبر والله بتصير شخصية مهزوزة وراح تكره المدرسة بسبب شخصيتها
شوفي خليها تثق بنفسها أكثر دلعيها شجعيها أمدحيها
انصحك لاتخليها كذا الين تكبر والله بتتحطم
اذكر وانا كنت صغيرة كانت وحدة بفصلي مثل بنتك
والبنات يتعاملوا معها كانها هبلة غبية !!!!! بس عشانها هادئة !
خليها تصير جريئة عن طريقك حسسيها انها لها مستواها
هالجيل حتى البيبي شايف نفسه !
اهم شئ خليها تثق بنفسها هذا اهم شئ - الله يعينك يارب ...
المشكله صحيح من البنت بالمدرسه بس ممكن نقول عنه حركات اطفال..
اكبر مشكله انتي قلتيها بنتي دلووعه....
حاولي تعززي ثقتها بنفسها خليها تساعدك بالبيت ...اذا طلعتي معاها خليها هي مثلا تحاسب ..تختار بنفسها الملابس...
احكي لها قصص تنمي العتماد على النفس ..وحاولي تكون باسلوب شيق ...مثلا احكي القصه وقولي ..ايش بتسوي البنت بهالمشكله ..عشان هي تفكر وتستنتج....
شجعيها باي عمل تقوم فيه ...خليه ترسم وتعلق رسماتها بالجدار...
واذا جاء ابوها شجعيها قدامه وخليها غصب تحكي لابوها بنفسها ايش صار لها وقصصها ...
خلي حواراتكم مبينيه على نقاشات طويله ....مو سؤال وجواب بسيط ...
مدري هذا اللي عندي كان ولدي كذا بالتمهيدي والحمد لله فرق كثير لدرجه اللحين صف اول اتمنى يسكت ...من كثر مايتكلم حتى المعلمين عاقد معاهم صحبه ..
ربي يحفظها ويخليه لك - انصحك تروحي للمعلمة وتكلميها تتفاهم مع هالبنات
وبنتك شجعيها تأخذ حقها حتى لو البيت اذا احد ضربها او هوشها لاتفزعين معها قولي لها انتي كبيره وحلي مشكلتك.. شوي شوي وراح تقوى شخصيتها.. - أختي بنتي كانت كذا العام في اولى الترم الثاني نقلت مدرسة جديده وكانت في بنت الله المستعان متسلطه عليها وتقول للبنات في الفصل لا تكلموها ولا تلعبو معها وايش جابك عندنا ارجعي مدرستك الاولى انا كلمت المرشده وكانت ماشاء الله متفهمه جدا وقالت بتحل المشكله استدعت البنت وبنتي وكلمتهم مع بعض ان هذي زميلتكم وخلاص صارت واحده منكم ولازم تتعاونو معها وتساعدوها حتى تتأقلم في المدرسه ومع البنات واخذتهم على الفصل وخلت البنت تعتذر لبنتي امام الفصل كله بعدها الحمد لله صارو اصحاب هم الثنتين لاخر الترم
انتي زي ما قالو الاخوات قوي ثقتها في نفسها وكلمي المرشده علشان البنت تعتذر ليها قدام زميلاتها وقولي لبنتك ما تسمحي لاي احد يزعجك وانتي كبيره وتقدري تحلي مشاكلك بنفسك
ماعليش طولت اختي بس حبيت افيدك بتجربتي - روحي للمدرسة وكلمي البنت نفسها وقولي لها صح تحبين فﻻنة بنتي !
هي بترتبك اذا شافتك وبتخاف ،، بس بعدها بتبلع العافيه ولاراح تتطاول على بنتك
طبعا كلمي المرشدة وقولي لها
يوم بنتي بأولى سوبت كذا وانضبطوا
مواضيع مشابهة
تابعي تجارب أخرى من هذا القسم.