امي وبنتي والتنازل عن الحضانة حياتي بعد الطلاق

ﻻ اله اﻻ الله
الحمدالله الذي عافانا مما ابتﻻهم به وفضلني علكثير ممن خلق تفضيﻻ كثيرا
ابوها حقير معك تتوقعين مابيكون حقير معها
لكن مااقول غير الله ينزل فقلبك رحمة علبنتك وحب ويجعلك تتعلقين فيها
انا مرت اب ل2اوﻻد وام لبنت واقولك بلعربي الفصيح ظناك غير عن اوﻻد الناس
ظناك ماحد يقدر يئثر عليه ويحرشه محد يقدر يستقويه عليك
مو مثل عيال الزوج يشوفون مرت اﻻب شغالة كان ابوهم يدفعلي شئ

حبيبتي ماراح اقسى عليك
انتي واضح خايفه على بنتك وتحبينها تخيلي تعطينها ابوها وتنامين وماتدرين عنها هي رضعت هي بردانه هي جيعانه...
تخيلي تسمعين من بعيد بنتك كبرت وصارت تمشي بنتك تو طلع لها سن بنتك احلوت بنتك صارت تشبهك وانتي ميييييييته تشوفينها ومو قادرة
اهتمي ببنتك وحافضي عليها وعالجيها والحمدالله انك موضفه وقادره تعالجينها كل ريال لبنتك حلال عليها اذا قادرة تصرفين عليها وماينقصها شي بعد لاتطلبين ابوها..
صح واجبه يصرف عليها بس اذا انتي قادرة انك ماتخلين بنتك تحتاج احد لاتبخلين عليها.
والله الطفل بدون ام مهما اهتموا الناس فيه مو زي اهتمام امه 
ربي يسعدك لاتخلينها لاحد ومن ذحين لاتسمحين لامك تتكلم عليها قولي ياامي تبغيني ازعل منك تكلمي عن بنتي كذا هي ضعيفه مالها ذنب بغلط ابوها ..
انتبهي لبنتك ولا تخلينها تحتاج احد وانتي موجوده اشوف بنتي عمرها 4سنوات لما اروح لاهلي وانام وتكون صاحيه والله تفقدني ويوم اصحى الا لبسها مو مرتب وشعرها مو ممشط وهي عند اهلي وبين امي واخواتي ومهتمين فيها بس ماتحب احد يسوي لها شي غيري تقولي انا احبك وابغى انام بحضنك..
البنااااات حلوين وتربيتهم فيها اجر وفي حديث عن الرسول صلى الله عليه وسلم يقول"ان الارمله اذا توفى زوجها وجلست ع اطفالها ماتزوجت تزاحم الرسول ع باب الجنه"
ابغى ابين لك كيف اجر الصبر ع الاطفال..
الله لايحرمك من بنتك ويخليها لك وتكبر تحت عيونك ان شاء الله

ياقلبي الله يفرج كربك ويزيل همك ويسخرلك أنت وبنتك خلقه أجمعين وهو القادر على ذلك سبحانه 
أسأل الله إنه يحنن قلب أمك وأهلك و طليقك وأهله لك ولبنتك شوفي يا عمري تبين مشاكلك تنحل وأمورك تيسر وحالك ينصلح والنصيحة خاصة لك وعامة لبنات حواء عليك  بقراءة سورة البقرة الرسول صلى الله عليه وسلم يقول " أخذها بركة وتركها حسرة " أنت حياتك الآن كلها حسرة وألم وحزن وضيق ومشاكل تبين البركة والراحة وتيسر أمور و السعادة عليك بقراءة سورة البقرة والله راح  تشوفي الخير وتتندمي على تفويتك قرأتها كل تلك السنين 
و أنت ياعمري الآن بكرب وشدة لذلك عليك بدعاء الكرب عن ابْنِ عَبَّاسٍ رضي اللَّه عنْهُما أَنَّ رسُولَ اللَّه صَلّى اللهُ عَلَيْهِ وسَلَّم كَان يقُولُ عِنْد الكرْبِ : « لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ » متفقٌ عليه .
ردديه بكثرة مع قول
لا حول ولا قوة إلا بالله 
وحسبي الله ونعم الوكيل 
اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت الله ، الله ربي لاأشرك به شيئاً .رواه ابن ماجه .

قال رسول الله صلى الله عليه وسلم :" دعوة النون إذ دعا بها وهو في بطن الحوت :" لاإله إلا أنت سبحانك إني كنت من الظالمين لم يدع بها رجل مسلم في شئ قط إلا استجاب الله له ..صحيح الترمذي 

ياعمري أربطي كل أمورك بالله و طلبي منه التعجيل بالفرج وبإذن الله تجدين الذي يرضيك 
طبقي الي قلت لك عليه وبإذن الله راح تنقلب حياتك 180 درجه 
وبنتك أهتمي فيها هذه أمانه عندك والله راح يوفقك ويرحمك ويسعدك إذا احتويتها وأحسنت إليه والله ما يضيع عمل المحسنين وأعرف إنه ما يحتاج أوصيك عليها لأن قلب الأم ما في أحن منه وأنا والله حاسه فيك و بضغوط الي عليك لكن عليك ياقلبي بالصبر والله يبي يوعضك ويسعدك والله إنها ضعيفة ومسكينه وصغيرة الله يسعدك وإياه يارب اسمع منك أخبر تسعد قلبي وقلوب خواتك بنات حواء عاجلاً غير أجل ياكريم

بنات تخيلو اذا قلت لامي لاتقولين كلام جارح هذه بنتي مهما كان تقعد تقول انتي تكرهيني وتعقيني عشان بنتك ونسيتي كل التعب وتهينين امك عشان بنتك يوم اني بنفاس كنت اسهر مع بنتي ولا جا الظهر اعطيها امي وبس اقوم تقعد تتكلم انتي تنامين وذابتها علي اتا اخر عمري اغير حفايظ بنت الي مايستحي ومن هالكلاااام وش اسوي للحين فيني تعب الحمل😭😭😭😭

أمك المسكينه منقهره على وضعك وحاقده على زوجك ويمكنها ماتنلام بس مهما كان الله يهديها المفروض ماتقول هالكلام هذي اقدار الله ومابيدك شي المهم انت حاولي تكسبينها ولاتردين عليها وخليك باره فيها وادعي دايم لبنتك الله يسخر لها ملائكة السماء وعبيد الله الصالحين هي ياعيوني مالها ذنب وانت مالك ذنب وهذي امك خلاص تعودي على اسلوبها وتعايشي معه والله يفرجها عليكم وماضاقت  الا فر