امي وبنتي والتنازل عن الحضانة حياتي بعد الطلاق

حرام عليكم المسكينه نفاس او توها والده من شهور يمكن ومطلقه وامها مااحتوتها وحالتها بالويل وهذي ردودكم عليها
قسم بالله رحمتها
تعالي يااختي اول شي تعوذي من ابليس واستهدي بالله والمقدر مامنه مفر ابدا انتي الان عندك هديه من الرحمن وثقوب القلب اسهل مرض وتطيب لوحدها لاتخافين ابدا المهم راجعي فيها لطبيب واهتمي بصحتك ونفسك وادعي وصلي كثير واشتري سبحه 24 ساعه معلقه بيدك سبحي واستغفري طول الوقت من اول يوم بتحسين انك مرتاحه وهم انزاح عن صدرك انا مجربه والله

طيب ياخاب املي لاتخلين امك تسويلها شي ولا تعطينها تمسكها او تهتم فيها امك لما تناظر بنتك كنها تناظر لابوها بسبة الزعل والغضب اللي فيها حاولي تحسسين نفسك انك مانتي محتاجه احد يساعدك فيها واستسهلي مسؤوليتها صدقيني بتسهل عليك وخلي معاملتك مع امك محترمه لاتردين عليها في اي شي ولا يحرقك كلامها طنشيه عشان ماتطرين تردين لانها تنظرلك نظرة الكمال وانه مايعيبك شي فتذب الكلام على بنتك بدون ماتحسب حساب انها زي ماهي بنت طليقك هي بنتك بعد

امي كانت طيبه الله يرحمها واناتزوجت في سن صغير وكنت مرتاحه ومدلل ه في في بيت اهلي بس سبحان الله كنت انا اللي اهتم في بنتي البكر وما احطها عند امي على رغم انها تقولي عادي ومعاملتها حلوه واشيلها معي وين ما اروح لو نمت عندهم ما اخلي احد يسوي لعيالي شي انا الي اسويلهم كل شي الا الشي اللي تسويه امي لهم بطيبة خاطر موعشان شي بس متعوده سبحان الله لازم تعرفين امك اذا هي من النوع اللي يتحمل او لا فمابالك اذا هي فجأه لقت نفسها مجبوره على بنت هالانسان
حبي بنتك بقوه وربيها على الحب والاحترام ولما تكبرخليك حازمه معاها في تربيتها بعد بحب بدون قسوه عيشيها كانسانه طبيعيه مو ناقصها شي يمكن الله يقدر عليك وياخذها ابوها وتشوف الفرق بينك وبين ابوها لان كل شي يععلقق في عقل الطفل في هالفتره وففي نفسيته بعد

اطلعي بيت لوحدك انتي وبنتك عشان ماتتعرضي لضغط من أمك
وخوذي من ابوها النفقة لو توصل للمحاكم
وهاي بنتك لو شو ماصار لاتتخلي عنها وخاصة وهي بهاي الحالة
وبكرة بتكبر بنتك ان شاء الله على تربيتك وبتشوفي صبرك فيها ان شاء الله

وهديتي لك كثري استغفارالله يرحم حالك ويسخرلك امك ويعينك وييسرلك ويشفيي بنتك وويجبر خاطرك يارب

الله يفرجها عليك