ياقلبي عليك انتي وبنتك كلكم ضحايا
ربي يفرج همك ويعوضك ويبدل حالك وحزنك الى سعاده وراحه ويعوضك كل خير
طبيعي تكونين ملخبطه وماتعرفين تاخذين قرار اولا نفاس ومعروف النفاس كآبه ونفسيه تعبانه وثانيها الظروف اللي مريتي فيها وفوقها كلام امك الله يهديها ويصلحها
ياقلبي اعتبري اللي انتي فيه ابتلاء ربي يختبر فيه صبرك ويرفع فيه درجاتك فاحتسبي صبرك وتعبك عند رب العالمين ووكلي امرك لله وثقي ان ربي مايخيب من توكل عليه
بس بغيت انبهك لشي حسيت من كلامك انه زوجك مريض او عنده حاله نفسيه وتصرفاته موطبيعيه يمكن فعلا يكون مريض نفسي بس لسى ماحد يدري بهالشي حتى اهله فانتي لاتستعجلين بقرارك
ووضعك حاليا مايساعدك تتخذين قرار اكيد واثقه منك
مصاريف بنتك طلعيها من عينه روحي للمحكمه وماعليك من شي الحضانه من حقك حتى لو تزوجتي الحضانه تروح لامك يعني مايقدر ياخذ بنتك غصب لو طالبتيه بالنفقه لاتخافي
تصدقين باين خوفك وحنيتك على بنتك لان اول مالفت نظرك من الردود واقتبستيه كان هي الردود اللي نصحوك عن مشكلة بنتك الطبيه ربي يشفيها ويقر عينك فيها
وياقلبي لاتفترين عن الدعاء والاستغفار لان هو اقوى حل تملكينه بيدك ومعاه باذن الله يتحقق لك المستحيل
وتاكدييييي مليون في المية لو لك نصيب بعد زوجك راح تاخذينه سواء معاك بنتك او بدونها
ولو مالك نصيب بالزواج ماراح يكون حتى لو خرجتي من زواجك السابق قبل ماتحملين
والدعاء حبيبتي الوحيد اللي يرد القضاء فادعي دائما بالخير وبالزوج اللي تتمنين ولا تحطي ببالك ان بنتك هي العائق او بتمنع عنك الخطاب
امي وبنتي والتنازل عن الحضانة حياتي بعد الطلاق
متابعة النقاش، صفحة 11