ساعدوني كيف انسى المااااضي تعبت الا تاخرت في الزواج تتدخل

اختي اعتقد انتي حالياً متزوجه ولله الحمد احمدي ربك اولاً واخيراً ان عوض صبرك خير
اما اخواتك فااعتقد افتحي معهم صفحة جديده وانسي الماضي والاشياء اللي شايلتهم بقلبك عليهم!!!
اللي تقدموا لك مو من نصيبك حتى لو اخواتك غيروا راي امك عليك بس تراهم مو من نصيبك هم سبب فقط وربي اللي يكتب هالشيء ومكتوب لك عند ربي زوجك ذا من انولدتي !!
يعني حتى لو اخذتي هالشيء من باب الحزازية ومن باب انك مظلومه بالآخر انتصرتي على اخواتك وربي رزقك باللي كنتي تتمنينه زوج!
اعتقد يااختي سبب تزويج خواتك بناتهم بالفتره ذي او يسعون لزواجهم ان اللحين مو مثل الاول مافيه رجال !!!
يعني لو تاخروا وقالوا يكملون دراستهم فرصهم بتقل وخصوصاً ان الرجال هالزمن يبون مواصفات معينه موظفه وتصرف عليه بصراحه مو تساعده الا من رحم الله واذا مو موظفه خريجة او صغيرة بالعمر وكلاً ماياخذ الا رزقه مهما سويتي ومهما سعيتي مااحد ياخذ رزق احد !!
شوفي نفسك يوم ربي كتب لك الزواج ماااحد قدر يمنعه مهما سووا ومهما فعلوا !!!!!فهمتي
وسعي صدرك ولا تشمتين بااخواتك حتى لو من باب القهر منهم الأعمال بالنيات وكلاً ونيته !!!
الحمد لله انك مااحتجتي احد يجيب لك زوج ربي جابه لك !!
خليك مع اخواتك مهما صار الظفر مايطلع من اللحم مهما سووا يبقون اخواتك وبتحتاجينهم جنبك مهما قلتي صعبه الانسان يجلس لحاله مهما قلتي ترى الاهل يبقون اهل الله لايفرقنا قولوا آمين
ترى الزوج ممكن يكون غالي مدري بصراحه بس اهلي اغلى وماارضى من يمسهم بكلمة وحتى لو بيني وبينهم هواش يظلون اهلي وتاج راسي
وحتى مشاكلك مع اخواتك اللي هم اهلك بشكل عام لايطلع لزوجك ولاتعلمينه شيء لان ممكن يستخدمه ضدك كوني حذره!!!
وبكره بتكونين ام او انتي ام حالياً وبتعرفين كيف مكانة الام لما تجربين وبتقولين امي معها حق !
فكري بكره بناتك بيقولون لك نفس الكلام اللي قالوه اخواتك لامك اكيد بتسمعين لهم لانهم الكبار ولان هم ادرى بمصلحة اختهم وبيخافون عليها ! !لاتقولين لا ومدري ايش صدقيني هذا الحقيقة!!!
والتأخر بالزواج حكمة من رب العالمين لان ماكتب لك هالشيء الا بيوم وشهر وسنة معينه مااحد يتحكم بشيء ربي كاتبه حتى لو انخطبتي مليون مره دامهم مو مكتوبين لك ماتقدرين تسوين شيء!!!!!!
كلميهم ورجعي معهم زي الاول واحسن مردك لاهلك واخواتك مهما صار !! تعوذي من الابليس وقصري الشر وادحري شيطانك!!!!!
موفقه خيتو وادعي لي بالزوج الصالح عمري ٣٤ وشوي ومتعطله اموري وتتفركش !!!!

يعني اخواتك يوم يمنعونك كانو متزوجين وقاضين صح!!
غريبه منهم صراحه بس الحمدلله ربي عوضك وفتحها في وجهك والله يوفقك ويسعدك ..

أولا يا اخووووتي شك ر على تفاعلكم والشي إلا مخليني ساكته هو أنه ربي عوضني الحمدلله وتراه لا تحسبون هذا الكلام من فتره بعيده انا متزوجة من سنتين فقط يعني كلامهم قبل أربع سنوات معاي
انهم رافضين هذا الشي لما كانو بنتهم في المتوسط وانا بجامعه وبمجرد ما صارو بناتهم في الثانوي على وجهه زواج اتغيرت وجهه النظر صدقوني انا ماني زعلانه على العرسان قلتلكم واحد راح يجي عشرة مكانه انا قصدي على موقفهم معاي

عموما انا بسامحهم عشان ربي عطاني على قد نيتي
هههههههههه والمضحك في الأمر أن من أول عريس لابناتهم ما قالو لامي شي يدسون عنها ولا يأخذون بشورها

الا هذا نصيبك ومكتوبلك تتزوجي بعمر 24 سنه بس انتي ليش زعلانه كنتي تبي تتزوجي من المتوسط

ياااه عمر مره صغير وعمر مراهقه انسب عمر للبنت من 22 سنه وطالع المفروض انك تنبسطي ماتزعلي حد يبي يتزوج وهو لسا بعمر صغير

احنا عندنا قبل البنت تتخرج من الجامعه مافيه زواج نعتبرها صغيره مو حمل مسئوليه انا ماعرف وش نية خواتك

بس اعرف انك تزوجتي بعمر مناسب من شخص مناسب بنظرك خلاص مالك بالماضي وقروشته بالعكس

لاتحقدي ع خواتك لان ربي سخرهم لكي يمنعوا زواجاتك الاولا عشان اكيد انها مو بمصلحتك وبالنسبه لبناتهم مالك فيهم

يصير اللي يصير يمكن هذي تخيلات والبنات هم بعد يبون العرس مثلك زمان بس مو بارادة اخواتك غصب عنهم يطلعونهم

لان الحين محد يسمع كلام احد

شوفي كيف ربي مدبر لك الامور
مالومك انك احتريتي يوم كانوا يحشون راس امك
لو منك كلمتهم وجها لوجه وماخفت منهم لو من وراي يمكن ماقدر اثبت عليهم تهمه !!
الاخ احن على البنت من الخوات
صدقيني انا مثلك كنت اشوفهم اللي مستحيل يحسدوني
بس بوقت الجد يبين كل شي
تخيلي انو حتى الوظيفه اللي الى الان ماتوظفت وحاسديني على راتبي لان راتبي بيكون اعلى منهم
وحتى لتقدم لي احد اخاف يحشون راس امي بعد ماعرفت ان في كمية حسد في قلبهم
عسى الله يكتب لي مثل ماكتب لك
وياليت تسامحيهم بس انتبهي تقطعين رزق بناتهم ولو انك طيبه معهم
لاتصيرين مثلهم صيري احسن منهم عشان ربك وعشانك