معاي حق اقلق ولا مكبرتها

كلامك ياام شامخ بلسم على القلب
فعلاً انا محتاجه اعلمهم كيف يكونون اقوياء ويواجهو العالم
لكن مو عارفه كيف والطريقه
احاول ادفعهم لمخالطه الناس والتعرف عليهم دايم اقول لبنتي
الكبيرة اشتركي في فرق تطوعيه بالجامعه ابيها تقوى شخصيتها
لكن هي شوي عنيدة ماتطيع
لاني انا بطبعي مسالمه ومااعرف كيف اواجه الناس هذي مشكله
انا عانيتها كانت دمعتي دايم قريبه واي احد يقدر يجرحني
اخاف اخاف بنتي تعيش مثلي
اخاف احد من هالحريم الكبار يرمي عليها كلمه تجرحها
في البيت عندي امان واطمأنان محد يقدر يمس شعرة منهم
بس برى ،،،،،، 😪

المفروض مارديتوا ولد عمتكم عن الصغيره
ياكثر الخوات اللي يتزوجن قبل الكبيره وسبحان الله ربي يكتب نصيب الكبيره بعدها على طول
والحين رفضتوه وانتهى الموضوع لاتحطين ببالك من بياخذ
الله يوفقه ويرزق بنياتك بالازواج الصالحين

حرام الصغيرة وش ذنبها ؟
أنا صاحبتي من عيلة معروفة وجميلة بسم الله عليها وادب واخلاق واجتماعية بشكل مو طبيعي .. مع هذا انخطبت اختها الصغيرة قبلها مع انها ماهي بجمالها ولا بطيبتها وسبحان الله بس مكشششرة عكس صاحبتي جميلة ومبتسمة ع طول .. كان عمرها 26 واختها عمرها 19 متخيلة الفرق بينهم ؟
وعادي تزوجت الله يوفقها وجابت عيال بعدها بكم سنة تزوجت صاحبتي والحين عندها عيال مالين حياتها ولا تأثرت .. إنت الي مأثرة عليهم بتفكيرك صراحة ..
يا بنتي الزواج مو كل شي بالحياة خلي بناتك يتهنون عندك وينبسطون لا تفكرين بالزواج لأن هالتفكير والتوتو ينتقل لهم بدون ما تتكلمين حتى ..
خذي بناتك واطلعي مع خالاتهم مول او اي محل حلوو غيروا جو واعطيهم جوهم خليهم يشترون كل الي نفسهم فيه لا تقولين اخذ لهم كريمات ومكياج وكذا لا خطا خليهم هم يشترون هم يستمتعون طلعي خلطة من النت وسووها سوا ..
استمتعي ببنااااتك قبل تزوجينهم نصيحة ولا تفكرين بالزواج نهائي بناتك صغار لسه ع ايش مستعجلة ؟
انت عارفة الزواج اطفال ومسؤولية و و و .. حرام خليهم يعيشون حياتهم ..
والي يجيها رجال زين و طيب واخلاق زوجيها لا توقفينها عشان الثانية
بعدين ياعيوني الحين مراكز التجميل في كل مكان حثيها تهتم بجمالها مو عشان الناس عشان نفسها ولا عشان الزواج عشانها انثى ولازم تهتم بجمالها .. اووول شي لازم انت تقتنعين بهالمسألة قبلها
بناتك الحين في أحلى سنوات حياتهم لا تضيعينها ببكا ودموع وكلام فاضي ومشاعر سلبية .. بالعكس فليها معهم .. وانسي الزواج

غلطانين لما رديتم العريس عن الصغيرة

الله يرزقهم بالأزواج الصالحين ويفرحك فيهم يارب