السلام عليكم
كيفكم يابنات
يعلم الله اني استفدت منكم كثيررررر و صار عالم حواء جزء ضروري من يومي ، الله يحزاكم كل خير
ندخل بالموضوع
انا انخطبت لواحد من اهلنا من فتره (ماشاءالله)
سألنا عنه و كل شي تمام بس مادري ليش من اول مابدأ الموضوع وانا جالسه انتظره ينتهي ولا يتم ماادري ليش !
استخرت و شفنا بعض من يومين والحمدلله كل امورنا تمام بس برضو جالسه انتظره ينتهي
ولا قدرت افرح ابدا ابدا ابدا ! مع اني مقتنعه فيه ولله الحمد
يمكن لاني كبرت و عانيت كثيررر مع امراض روحيه كانت فيني و نفس قويه جدا سنين ولا تيسرت اي خطوبه
او يمكن لانه طلب يشوفني مره ثانيه بحجه ان المره الاولى كانت شيلتي مغطيه وجهي على جمب و هو اصلا كان يساري فماقدر يطالع زين
بس اخته على طول دقت و قالت بنجيكم ونحدد موعد الملكه و ادري انكم مابترضون بشوفه ثانيه صح ؟ قالت امي مافيه شوفه ثانيه اما ينتهي الموضوع اذا الولد مو مقتنع او تكفيه الاولى ( طبعا امي قالت كذا لان عارفتني اني مافي امل اطلع له مره ثانيه ، الاولى وياللللللله طلعت هالمره يبون ثانيه مستحيل !)
ماامدح نفسي بس الحمدلله حلوه و لي طله بشهاده الكل ، والكل يقول لامي بنتك هذي بالذات لاتعطينها اي احد ،
او مادري صراحه عقلي مشوش مررررره
وكل مااستجد شي اقول لاهلي لاتفرحون مابيتم الموضوع بيصير شي ينهيه استغفر الله !
والحين يبون يجوننا و ابي اشتري اغراض لجيتهم لنا ابي اجهز واقول بنفسي ليش اشتري اخاف مااستعملهم و ارميهم بالدرج !
تكفون وضعي عادي و صار لكم مثلي ولا ايش ؟
لااااااااعععععت كبدي من نفسي والله ، معطله اموري من افكاري البشعه هذي لدرجه فكرت انهي كل شي من وسوستي :(
شاركي في النقاش
سجلي الدخول لإضافة تعليق.
التعليقات
12- لاحول ولا قوة إلا بالله حبيبتي كله وسواس هذا لاتفكري حصني نفسك وسوي كل الا عليك وتوكلي علي الله ان الله يحب المتؤكلين
- الرسول عليه السلام قال تفائلو بالخير تجدوه
تفائلي بالخير وأبعدي الوسوسه والأفكار الي مالها معنى من راسك كلها من الشيطان - شوفي حبيبتي انتي عارفه معنا أنا عند ضن عبدي بي !
انتي الان تضنين الي مو زين وترى الشي لما تضنين مو زين يقع
حبيبتي خلاص افتحي قلبك للحياة وارفعي يدك للسماء وقولي ربي انت ترى مكاني وتسمع كلامي تمم أموري كلها على خير وخلاص انبسطي ووكلي أمرك لمن رفع السماء وهو خير وكيل
اشتري اغراض قولي بتتم واذا ماتمت الاغراض بنستفيد منها ودائما لمن تجيك الوساويس هذي تعوذي من ابليس ثلاث مرات
وراح تنبسطين وتتم أمورك ان شاءلله على خير - ان شاء الله
جزاكم الله خير على ردكم الله يسعدكم 💙 - الي انتي فية هذا قنوووط وذا الشي حراااام انتبهي هذا من الشيطان بينكد عليك فرحتك كل ماجاتك ذي الافكار اقري سورة الناس واستغفري مع الوقت راح تروح
عموما الف مبروووووك لاني حاسة انها بتتم ان شاءالله
مواضيع مشابهة
تابعي تجارب أخرى من هذا القسم.