اكره ازور الناس في بيوتهم لهذا السبب

مساء الخير. انا اذا زرت ناس في بيتوهم قبل ما ادخل غرفت الظيوف اشوف وضعها اذا كانت كلها موكيت مستحيل ادخل بجزمتي اكرمكم الله لكن اذا شفتها كلها سراميك عادي ادخل بجزمتي واذا لكن فيه ناس غرفتهم سراميك وكنب وزوليه صغيره في الوسط فلما دخلت فصخت جزمتي وحطيتها من جوا على يسار الباب بطريقه مرتبه ومعي شنطتي حطيتها بجنبي على الكنب بس ها الناس احسهم يتضايقون من جزمتي وشنطتي كنها على رؤسهم على طول ياخذون الشنطه ويودونها لم الغرفه الثانيه وانا احتاج شنطتي فيها جوالي ومكياجي واغراضي صعبه ابطلع الاغراض واحطها على الطاوله وايضا صعبه اذا بغيت شي رحت لم الغرفه الي فيها شنطتي لانه صعبه ابمشي في بيت الناس وبعدين شنطتي صغيره وماركه وانيقه انا ماخذتها ابكشخ فيها اذا والغرفه الي جالسين فيها مره كبيره اذا ليش يتضايقون منها وبنسبه للجزمه انا محترمتهم ما دخلت فيها وجلست فيها احترام لهم مع ان الباس يكون انيق اذا لبستي معه جزمه انيقه رغم ان الغرفه سراميك وكنب ومع ذالك ياخذون الجزمه ورمي برى واذا جيت اطلع القى البزارين رامينها اقصى الحوش والفرده الثانيه اجلس ساعه ادورها والله حاله اذكر مره دخلت وخليتها خلف الباب بطريقه مرتبه انا واختي واول ما دخلت الحرمه جايبه القهوه الا اخذت الجزم ورمي برى وامي قالت الله يهديهم بناتي داخلين بجزمتهم انا وجهي انقلب الوان من الفشله كني مسويه جريمه والله لو ان جزمتي فيها روث اكرمكم الله او طين وبعدين انا ما دخلت فيها انا حاطتها خلف الباب على جنب بختصار هذا الي يكرهني اني ازور الناس في بيوتهم

33 تعليق 8,389 مشاهدة

شاركي في النقاش

سجلي الدخول لإضافة تعليق.

التعليقات

28
  1. @thlaa

    صاحبة الموضوع

    المشاركة المقتبسة غير متاحة.

    ايوه انا معك من ناحية الجزمه بس هم يرمونها برى والبزران ما يقصرون يا يرمونها في الحمام اكرمكم الله او اقصى الحوش وانا ابتلش
  2. @theliveh

    الجزمه برا الغرفه عند الباب مو جوه الغرفه
    اما الشنطه استغرب ليش ياخذونها ؟؟ماعمره مر علي كذا اللي اعرفه ياخذون العبايه يعلقونها لك بس
    بعدين ليش هالسبب يكرهك لزيارة الناس!قولي شنطتي ابيها عندي والجزمه خليك لابستها دامه كنب ووسيراميك
  3. @shmokh_aloayly_1

    غريبه بالعاده الي ياخذونها العبايه يعلقونها ماياخذون الشنطه والجزمه الله يكرمك اكيد بتنزلينها لاصار موكيت ليش يتاذون بالعكس المفروض ينبسطون
  4. @srab_2012

    لا تخلينهم ياخذون الشنطه اذا طلبوها قولي لا افضل انها تكون معايه
    الشوز حاولي تحطيه عن باب مدخل البيت بطريقه مرتبه ومحد يشوفه عشان البزران
  5. @ghab_alnkhyl

    اول مره اسمع بهذا الشي
    المفروض ماتسمحين لهم ياخذون شنطتك
    الشنطة شي خاص فيك
    فيها فلوسك واغراضك مايصلح تكون بعيده عنك
    ووش هالنظافة والنظامالي ذابحهم
    صراحة قلة ذوق

تابعي تجارب أخرى من هذا القسم.