وشلون آخذ حقي؟؟؟؟؟

المسلم هين لين وبيت في اعلي الجنه لمن حسن خلقه ومن عفا واصلح فاجره علي الله 
كل ماسبق من مبادءنا ومعتقداتنا نحن المسلمين اللي امرنا الله بها وامرنا به محمد صلي الله عليه وسلم 
من حقك تدافعين عن نفسك وتاخذين حقك بس زي المثال اللي ذكرتيه المراه ترفع صوتها وتتلفظ علي الموظف عيب عليها كان ممكن تطلب منه تعديل الخطا وترفض استلام الطلب الا بعد التعديل وتذكرو معي قصة الرسول عليه الصلاة والسلام مع الاعرابي اللي شده مع ثوبه حتي اثر في رقبته ويقول اعطني مما اعطاك الله هل انتقم الرسول لنفسه واخذ حقه لا بل تبسم في وجهه واعطاه حتي رضي
اخذ حقي باسلوب مهب بقلة ادب 

صراحه ياااقلبي احنا بزمن لابد من اللسان الطويل انا مثلك هاديه ومااحب اخانق ولا ارد علي احد بس مره بمحل عطور واقفه مثل الصنم اساله عن عطر وهو يسولف مع حرمه وانا دخلت قبلها بس هي علي طول جات وتساله ولا عبرتني وهو كمل الدور معاها وقعد يشوف وش تبي وطنشني وطووولو بدون شعور ماشفت نفسي أقول له وانا وش وضعي هنا مزهريه والا ايش وعلي طول الحرمه خاف واعتذرت لي وقالت اسفه فكرتك مخلصه وبتحاسبين وهو جا لي علي طووول صحيح ماينفع الا اللسان

اه بس جيتي عالجرح وردود البنات نفعتني قاعده اتابع

طيب يا اخت غاده صاحب المحل يوم قالها ماعندنا لون اسود وهي تزعل مارد عليها وقالها وش نسوي لك ؟ اللون مـو موجود ؟

وش بالضبط حوارهم ؟ ابي اعرف هالحريم يوم يهاوشون وش يقولون عشان الناس تسكت لهم كذا ؟
وشلون الطرف الاخر يرد عليهم بهالاحترام بس ابي اعرف

بعض الحريم عندهم مبدأ ( خذوهم بالصوت لا يغلبوكم )

وهذا غلط يعني عادي انا اخذ حقي بس مو بالصراخ والمناطح مع الرجاجيل خير ترا الرجال لا على صوته يلفت اللي حوله كيف الحرمه اللي كلها عورة عاد

اخر موقف اذكره بمطعم طلبت وجات بنت بعدي طلبت وقام الأخ عطاها طلبها أول .. انا هنا انجنيت وقمت عليه بس بهدووؤ
قال هي طالبها ي اختي جاهز من المطبخ بس طلبك للحين عشان كذا واعتذر وأنا اتفهمته واخذت طلبي بعدها على طول ومشيت

ومرة صديقتي المقربة كانت بنتي تلعب مع ولدها وطاحو اثنينهم وولدها اللي تعور .. هي ما شافت الموقف بس سمعت ولدها يصيح قامت تحضنه وتبوسه وتصارخ على بنتي .. ولانها كانت بفترة وحام وتغيير هرمونات وحنا جالسين بوسط ضيوف وهي صديقتي تعز علي قمت بهدوؤء ووجهي مقلوب واعتذرت منهم ولبست عبايتي وشلت بنتي معي وعلى طول ثاني يوم جاني منها اتصال تعتذر وتتأسف وفهمتها اني سكت عشان الأسباب اللي قلتها فوق ولا أنا ما ارضى على بنتي مثل ماهي مارضت على ولدها.

يعني الواحد ياخذ حقه بس بهدوء وعقل خاصة الحرمة.

رفع