جديد بنتي تكفوون ساعدوني وربي تعبت

السلام عليكم

بنات امس صارت المشكله وابيكم تساعدوني وتشوفون انا غلطت بشي او لا لكم اللي صار

امس بما انو خميس كلمته يمشيني عشان اليوم وبكرا مقدر اطلع مكان عشان اذاكر المهم
وافق الله يجزاه خير طلعنا صلى بالمسجد بنتي كانت نايمه صحت رحت فكيتها واخذتها بحضني
جاء ركب السياره وقالها صحيتي المهم اشترينا عشاء وجلسناء بمخطط عشان نتعشى
اللي صار اني جيت بنزل بنتي وهي كانت تصيح جلستها وكنت حجيب شنطتي الا وبنتي تطيح ع راسها
وانا اجي اشيلها عشانها زادت صياح الا يجي ياخذها وانا قلبي ع يدي خايفه يضربها
فعلا صفقها ع فمها عشانها تصيح صح الضربه مهي بقويه لاكن مو اول مره
وانا تعبت تعرفون شعور الام ماتبي ضناها يصير له شي المهم
جيت باخذها منه عيى وجلس ينافخ علي جيبي الاغراض من السياره وانا رحت جري للسياره واخذت الاغراض وعطيتها اياه ا
هم شي اخذ بنتي منه عاد انا ماسكت قلت الله يكسر يدك مابقلبك رحمه
قام قالي ايوا دلعيها والله تندمين وانا ماسكه بنتي بحضني وهو جهز العشاء وجلس ياكل ويقولي اكلي
وانا احاول اداري بنتي عشان ماتذيه وهو جلس متنرفز اكلي وانا قلت له ان شاءالله باكل لين خلص اكل ولميت الزايد عشان اكله بالبيت على راحتي وجلس يقولي دلعيها والله لتندمين ومحد قالك صحيها هي من اول نايمه وانا والله بس اداريها عشانها ضعيفه ماتعرف شي ويقولي لاوالله بكرا لتربى ع انك تدلعينها يابنات هذا دلع اني ماابيها تبكي اوما تذيه عشان يصفقها قلت له خل في قلبك رحمه ع بنتك
قالي خليني اربيها قلت تبي تربيها بالضرب ترا فيه حقوق انسان عصب وجلس يتلفظ علي بكلام
وانا ماسكت رديت عليه الكلام ماينفع اكتبه ويقولي شكل يبيلك تتربين انتي وبنتك وقالي قومي اركبي انا كذا حياتي معك لازم تنكدين علي وجلس يتحسب علي عشان رديت عليه وجلس ينافخ علي بالسياره تهدديني ومدري ايش انا ماعلي منك ولا علي من اي مخلوق بالارض ويقولي واللله وطلع لك لسان وصلنا البيت مايكلمني ونام بالمجلس لحاله بالله علموني وش اتصرف فيه تعبت الامتحانات جات وانا نفسيتي بالارض ويادوب متحمله الحمل ولايبغاني اخلف وهذا اسلوبه نفسي يكون زي الابهات اللي بالهم وسيع ع عيالهم يوم يبكون يقولهم ليه يابابا ويسكتها بس هو مدري ليه يتصرف كذا قسم تعبت احسه مايبغاني اطلع من البيت اجلس محبوسه فيه ترا نادرال اطلع من البيت وماعندي احد من اهلي بالله علموني غلط بشي ساعدوووووني

48 تعليق 8,829 مشاهدة

شاركي في النقاش

سجلي الدخول لإضافة تعليق.

التعليقات

46
  1. اغلب الرجال كذا وانتي مو غلطانه لان هاذي بنتك ومن حقك تحني وترحميها الله يهدي سركم ووكلميه انتي عادي لاتزعلي ولاتكبر المشكله
  2. @dmaa_ghla_12

    مااادري حسيتك طولتي بالنقاش معاه
    تكفي كلمتك الاولى
    ماينفع تعيدي كثييير ورا بعض

    اما الطلعة عوديه ع اوقات ضرروري بتملي كثيير من جلسة البيت
    مرة بالاسبوع ولاتنكدي عليه خلي الجلسة حلوة حتى يكررها

    غريب عنوانك بنتك فيها شي
  3. صاحبة الموضوع
    دمعة غلآ
    مااادري حسيتك طولتي بالنقاش معاه تكفي كلمتك الاولى ماينفع تعيدي كثييير ورا بعض اما الطلعة عوديه ع اوقات ضرروري بتملي كثيير من جلسة البيت مرة بالاسبوع ولاتنكدي عليه خلي الجلسة حلوة حتى يكررها غريب عنوانك بنتك فيها شي
    وربي ماارد عليه الا اذا تكلم انا اغلب وقتي ساكته وانا دايما ساكته المره ذي كل ماتكلم علي رديت تعبت من السكوت ادخلي صفحتي بتلقي موضوع خاص فيها وهذا اللي صار بعده
  4. @mtbkh_almlhk

    الله يعينك ويفرج همك
    بس احسك كبرتي السالفه
    المسأله مو مستاهله تهدديه بحقوق الإنسان
    بتقولين ما هددته هو هذا اللي فهمه
    هو حاول انه يلم الموقف لما قال لك كلي بس اعتبرك رفضتي لم الموضوع
    كان قلتي بحاول امسك البنت علشان ما تأذيك
    مع اني اشوف انكم مسوين مشكلة من لا شيء
    يمكن هو كذا تعود على الضرب وهو صغير ويشوف انها الطريقة الصحيحة للتربية
    انا ما ابرر له لأن هالشي خطأ بس طريقتك بمعالجة المشكة خطأ اكبر بتخلينه يكره بنته كذا وياخذ المسئلة عناد
    خوفيه عليها بدال التهديد
    يعني مثلاً البنت صايره تفزز وتخاف
    البنت تحبك ومتعلقه فيك لا تخليها تخافك بدال ما تحترمك اذا كبرت
    كلميه بهدوء وتجنبي تثيرين غضبه لأن محد خسران الا انت وبنتك
    ما ادري كم عمر بنتك بس دايم حاولي تعلقينه فيها بطريقة غير مباشرة
    وبالنسبة لطولة البال مو الكل يملكها
    انا زوجي عصبي جداً جداً وكانت اول حياتنا كذا مشاكل علشان هالموضوع
    مع اني بحياتي ما شفت اب حنون على عياله كثره بس طبيعته عصبي ما يمسك نفسه
    واذا هدء كلمته بروقان قال غصب عني
    بس مع السنين بدأ شوي يزيد تحمله لأخطاء الأطفال ويفهم التربية صح مع انه مازال عصبي بس بطل يضرب
    وكنت دايم اقول له ترا كثرة الضرب تموت القلب ولو لا سمح الله جاء يوم وجاء موقف قوي واحتجت تضرب ما راح يكون له اثر لأن الولد تعود
    طبعاً كلامي مو اقتناع بالضرب ابداً بس علشان اجاريه حسب تفكيره وادخل له من قناعاته بدون ما ندخل بجدال
    ترا دايم الأول نكون مندفعين بالتربية ونمارس كل اخطائنا عليه
    انت شوفي الوقت اللي يكون فاضي وهدي الأمور وناقشيه بهدوء
  5. @dmaa_ghla_12

    دخلت موضوعك الله يعينك لسى بنتك عمرها 11 شهر وتنضرب

    وانتي 17 لايكون زوجك بعد صغيراكييد موحاس بالمسولية ولابعاطفة الابوة

    الله يحنن قلبه ويهديه


    ابعديها عنه قدماتقدري

تابعي تجارب أخرى من هذا القسم.