مساءالخير يابنات
بقولكم قصة صديقتي وزوجها وتبي رأيكم ..
صديقتي متزوجه من ثمان سنوات وعندها بنتين وولد وهي قسم بالله طيبه وحبيبه وطايعه زوجها وشكلها مقبول بس تهتم بنفسها وببيتها ونظافتها ماشاءلله وذويقه بكل شي .
الزبده ياخواتي هي وزوجها بمشاكل لانهايه لها ويتكلم بعرضها ويقول انتي تغازلين وهي مظلومه حتى جوالاتها اخذهن معها الكشاف بس ومنعها من كل شي حتى الحوش مايخليها تطلع والتلفزيون ممنوعه منه يقول انتي تتعلمين من المسلسلات لا ويقول انتي مو مسلمه وكلام كثير اكثر من مره تهرب لاهلها بس اهلها محد يبيها ولايبي عيالها واخوانها ماهمهم الا كلام الناس يقولون لاتفضحينا وخواتها مايبونها يقولون اعيالها ازعاج لو الصغار يوطون الشاحن بالغلط قعدن يدعن عليهم بالسرطان والموت ويقولون تحملي زوجك لاتجين عندنا وهي خلاص ماعاد فيها تصبر اكثر قسم عافت الحياة تقول لو بطلب الطلاق محد متحملني من اهلي وعيالها بالاخير يرجعون لها لان اهل زوجها مايبونهم بيقلون ودهم لامهم ..
انا قسم انقهر ع حالها والله هو مايستاهلها ويسوي كذا فيها لان عارف ماوراها رجال وكم مره تروح عنه وترجع لان عند اهلها جحيم لا احترام ولا شي اصغر وحده تتكلم وتغلط على عيالها..
وش الحل هي خلاص ماعاد تتحمل قسمم نفسيتها زفت ابسط حقوقها محرومه منها بسبة شكه ومرضه وعلى فكره هو يآكل حبوب اللي تسهر ممكن يكون هذا السبب بعد ..
ابي رآيكم لو انتم مكانها وش تسوون الله لايحطكم مكانها ...
اللهم اسألك الانس بقربك ،،
شاركي في النقاش
سجلي الدخول لإضافة تعليق.
التعليقات
10- الحبوب اللي تسهر !!!!! قصدك كبتاجون ...اذا هي فمعناته انو زوجها مدمن عشان كذا شكاك وعصبي ووووووو يعني بالمختصر فيوزه ضاربه ..
- اذا عُرف السبب بطل العجب .. نسيتي المشكلة الاساسية وخليتها اخر الموضوع .. مادام يبلع حبوب فهذا مدمن منتهي ووصل لحالة متأخرة جدا وشكله هلوس مدام بدا الشكوك وهي السبب الاول والاخير لكل مشاكلها معاه ..
الله يعينها .. اعتقد مافيه حل الا الطلاق ؛ وغصبا عنه يجيب نفقة عياله بأمر المحكمة ؛ وتسجل هي واولادها في الضمان الاجتماعي وتدبر نفسها لين ربي يحلها ويرزقها وظيفة او تفتح لها مشروع صغير حتى لو تطبخ وتبيع احسن من العيشه مع هذا المجرم
وبيت اهلها مهما كان والله ارحم لها من اللي هي فيه
الله يعينها ويفرج كربها - خليها لحد ما يرتكب فيها جريمه او بأحد من عيالها !!!
اش تنتظر بالله؟
ع طول تبلغ عليه الهيئه يتصرفون معه.
ترى الادمان مصيبه هذي ممكن يدخل عليها رجال ماعنده مشكله اذا وصل لمرحله متقدمه.
ممكن يحبسها ويقفل عليها وبعدين يقتلها لانه راح يتهيأله انها خاينه.
وقتها حتى اهلها الي مو عاجبينها تتمنى لو تشوف واحد منهم بس ماتقدر لانه بيحبسها.
خليها تلحق ع نفسها نار اهلها ولا جنة مدمن مريض بالشك.
الله يفرج همها ولا تبتلينا بما ابتليتها به. - والله يقول لها كلام اكبر من كذا انا ماقدر اقوله مريض مريض وهي تفكر بالطلاق بس تقول وين اروح واحيان تقول استأجر الشقه اللي فوق بيت اختها واختها بمدينه ثانيه مو عند اهلها ..
الحبوب اللي تسهر تسوي كذا طيب اذكر زمان يخذونها الطلاب عشان يسهرون يذاكرون معقوله مخدرات ..
ادعوولها يابنات قسم حياتها مو حياه انا اقول لو مكانك الله لايحطني مكانك كان ارمي عياله عليه واروح وخله يبتلش فيهم
اللهم اسألك الانس بقربك ،، - مريض نفسي ( مريض بمرض الشك) تتاكد انه مو مدمن وتلزم الاستغفار والدعاء
مواضيع مشابهة
تابعي تجارب أخرى من هذا القسم.